OLUO MONGO OLONGIA 20:5 - KITABI HABARI MOPIOHE

⁵ odelei Hiskia, olongia umati lo Eeya, wau lopo tunggulao̒ tahuli botie, “Wau̒, Eeya, Allahu Taa̒ala tahe tuboo lei Dauda loluuhurumu, malo dungohe dua̒amu wau loo̒onto ponumu. Wau̒ mamo poo̒luli mai olemu; ngoonu mola yio̒ mamonao̒ mota ode Bele-U̒.

OLUO MONGO OLONGIA 20:5 ပူးပေါင်းရင်းမြစ်များ

OLUO LO SAMUEL 5:2

Tumulalo mai omoo̒omolu, tumbao̒ tou̒ tei Saul donggo hemo malenta olamiaatia, ti Baginda olo helodelo suludadu lo Isirai̒lu timii̒du timongolio momaju mopaatea, tidiyolo Eeya malodanti mai odeli Baginda deu̒ ti Bagindaalo tamamo titau̒wa to umati-Lio wau mowali olongia limongolio.”

BOHULO MONGO OLONGIA 9:3

Eeya lotahuda mai olio, “Dua̒amu madilungohe-U̒, wau woleeto bele u bilongumu botie poi̒laalo-U̒ mai mowali tambati tolomodu u poi̒baadatialo ode Olau̒ ohiheo-hiheolo mao̒. Wau̒ malaito mopoo̒tuoto wau modaha tambati botie.

OLUO MONGO OLONGIA 19:20

Lapatao̒ tei Yesaya lolao mola tahuli odeli Olongia Hiskia deu̒ odelo totameto todua̒ li olongia,

OLUO MONGO OLONGIA 20:4

Tei Yesaya lololaa mao̒ olei Hiskia, bo tou̒ tio diipo yilumualao̒ lonto paango tohuungo bele biluloa̒ saaha li olongia, Eeya lopoa̒hu olio luli lohualingao̒

OLUO MONGO OLONGIA 22:19

yio̒ mamolee̒ wau motidupapa lo batanga totalu-U̒. Wau̒ malo nganjamu u mohukumani mao̒ Yerusalemu wau ulipulio. Wau̒ mamopowali mao̒ kota boito tuwaulio polobilohe umoo̒ tihela hapato, wau tanggulo Yerusalemu mapowaliyo-U̒ mao̒ tanggulo laa̒anati. Bo tou̒ yio̒ modungoheo̒ pasali lo aanjamu-U̒ boito yio̒ mahumoyongo wau mongaidinga pakeyangimu tuotio suukali. Wau̒ malo dungohe dua̒amu,

OLUO TAWARI 13:12

Tau̒wa lami yito Allahu Taa̒ala lohihilao wau mongo iimamu-Lio woluo tewe. Timongolio malo tidapato u mohiipa mola torompeti odelo tuoto olami u moluhu olimongoli. Wuu taulo Isirai̒lu, diila mao̒ poluwali to Eeya, Allahu Taa̒ala loluuhurumu! Timongoli diila tamoo̒ haama!”

OLUO TAWARI 34:3

Lapatao̒ walu lotaunu mola lowali olongia, to umulu humula daa̒, tei Yosia lolumula loi̒baadati to Allahu Taa̒ala tahe tuboo li Olongia Dauda loluuhurulio. Wopato taunu mola lapatio mao̒ tio helo ngantulu tambati polubowalo balaahala, bubuu-iyaalo Dewi Asyera, wau babaa-laahalaalo wewolio.

JABURU 107:20

Eeya lopoo̒luli hilaa limongolio wolo palenta lo Eeya, wau helo lopata olimongolio lonto wangopa lo kuubulu.

JABURU 119:26

Watia lotolongaku huhutu lowatia, lapatao̒ Eeya lolametai olaatia; aajalia mai watia wolo opiduduto lo Eeya.

JABURU 126:5

Pohileaala dua̒ taa u momua̒yade sambela hehiyonga, mamolipu wolo tingalaa̒a wengahu.

JABURU 147:3

Eeya mopoo̒luli taa uilooli obobuheli, wau momolobani pali limongolio.

JABURU 34:18

Bo taa sale mongiibode, Eeya modungohei, wau mopoa̒ahu olimongolio monto totoonulalo ileepita.

JABURU 39:12

Manusia sababu totalaalio; hilukuumani lo Eeya wau yilumbade lo Eeya debo odelo wale ilaantulu mai lo Eeya wolo u ohalaga to olio. Otutu, manusia debo odelo hiipo napasi wambai̒o.

JABURU 56:8

Tingga woluo oa̒ahu duo̒lo ololeeti mongolio? Pobinasaalo mai timongolio todelomo omuluka lo Eeya, yaa Allahu Taa̒ala!

JABURU 56:9

Eeya helo yia̒apa duduu-laheyaalo pilonao̒wa ode utoonulalo mao̒ lowatia, wau helotota jumulaa ponu lowatia; wolo diila Eeya tamoo̒-reekenia mao̒?

JABURU 6:10

Eeya lodungohe polohoneu̒ wau lololimo dua̒au̒.

JABURU 65:2

Patutilo amiaatia momuji mola Eeya to Sion, yaa Allahu Taa̒ala, wau mopoo̒polu danti lamiaatia to Eeya.

JABURU 65:3

Sababu Eeyaalo tamo pomata mai dua̒; ngoa̒amila tau monao̒ mai ode Eeya sababu mai̒lodusa.

PILOTIMUA̒TA 15:26

Tahuda lo Eeya, “Podungohulo ola-U̒ lou̒ tio̒otutua, wau pohutualo wolo u oontonga-U̒ mopiohe; duduui̒lo ngoa̒amila palentaa-U̒. Wonu timongoli mohutu mao̒ odito, timongoli diila tahukuu-maniyo-U̒ wolo ngongoo-towaalo u podungga-U̒ ode taulo Masiri. Wau̒lo Eeya tamo poo̒luli olimongoli.”

PILOTIMUA̒TA 3:7

Lapatao̒ Eeya lotahuda mai, “Wau̒ maloo̒onto polo dutolo lo umati-U̒ to Masiri, wau malo dunggohe olimongolio hiwaatia̒ mei̒ lopata monto tau-tauwalo tahi podeehea olimongolio. Tutuulio mao̒ tutu, otaawa-U̒ ngoa̒amila polo dutolo limongolio.

PILOTIMUA̒TA 3:9

Hihiyongo bangusa lo Isirai̒lu mai̒lo dungohe-U̒, wau iloontanga-U̒ olo woloolo mola timongolio hedileehe bangusa lo Masiri.

YESAYA 19:22

Eeya mamomate bangusa lo Masiri, bo lapatio mao̒ Eeya mamo poo̒luli olimongolio. Timongolio mamuli mohualinga ode Eeya, wau Eeya mamodungohe dua̒ limongolio wau mopoo̒luli olimongolio.

YESAYA 38:5

luli lohualinga odelei Hiskia wau lopo tunggulao̒ tahuli botie, “Wau̒, Eeya, Allahu Taa̒ala tahe tuboo lei Dauda loluuhurumu, malo dungohe dua̒amu wau loo̒onto ponumu. Wau̒ mamuli moduhengai umulumu mopulaa limo lotaunu mola.

YESAYA 55:3

Dungohilo, wuu bangusaa-U̒, ponao̒lo mai de Olau̒, timongoli mawohiya-U̒ tutumulo u tutuulio tutu. Domi ponu wau otatapu boli molotolo hilao u pilodanti-U̒ mai odelei Dauda, Wau̒ mopoo̒ toheetai danti ohiheo-hiheolo mao̒ woli mongoli.

MATIUSI 22:32

‘Wau̒lo Allahu Taa̒ala lei Abraham, Allahu Taa̒ala lei Isihaka wau Allahu Taa̒ala lei Yako.’ Allahu Taa̒ala boito diila Allahu Taa̒ala lotaa mate. Tio Allahu Taa̒ala lotaa tumutumulo!”

LUKASI 1:13

Bo malai̒kati boito loloi̒ya mao̒, “Diila oohe, Jakaria! Allahu Taa̒ala malo dungohe dua̒mu. Dilemu ti Elisabet mamopotutu mai walao̒ talolai̒ ngota. Yio̒ musi mongohi mao̒ tanggula olio Yahya.

LUKASI 18:10

Tahuda mao̒ li Isa, “Woluo taduulota lonao̒ ode Bele lo Eeya mota lodua̒. Ngotaalio taulo Parisi, tawewolio ngotaalio tamootagia beya.

YAHYA 5:14

Lapatao̒ ti Isa lodunggaya wolo tau boito todelomo Bele lo Eeya, wau lotahuda mao̒ olio, “Botia yio̒ maloluli. Diilalo pohutu dusa, alihu yio̒ diila moo̒laasa mai sua̒li ulebe moleetao̒.”

TINGULI 32:39

Bilohilo, Wau̒ Allahu Taa̒ala Taa Tuwa-tuwaulo, diaaluo Allahu Taa̒ala ngopohia Wau̒. Wau̒ momate-mateelo mao̒ wau mopotumulo, momali wau mopoo̒luli mao̒. Wonu Wau̒ mopohutu mai, diaaluo penu boli ngotaa mao̒ tamowali moluwali.

IBRANI 2:10

Memangi mapatutilio Allahu Taa̒ala – talo powali mai totoonulalo u hitua-tuawua ode makusudu-Lio lohihilao – lohutu li Isa Tamoo-poa̒ahua u wimu-wimumuto tutu lotimbulude topolo dutolo. Woleeto Allahu Taa̒ala mowali moheinga taa dadaata u modudua̒ pou̒daa̒alo pee̒-pee̒enta woli Isa. Sababu Tiolo pomuo̒ dalalo olimongolio u mowali poa̒ahuwolo.

WAHI 7:17

sababu Walao̒ Himba tahulo-huloa̒ tohuungo tambati huhuloa̒ li olongia boito mamowali diti limongolio. Tio mamodelo olimongolio ode butu lotaluhu u mongohi tutumulo. Wau Allahu Taa̒ala mamomaide ngoa̒amila ponu monto mato limongolio.”

BOHULO SEMUEL 10:1

Lapatao̒ tei Semuel lohama ginti tuatuanga yinulo jaitun, lapatatao̒ yinulo boito piloluatio ode yitaato lunggongee Saul, wau diliilio tei Saul sambela loloi̒ya mao̒, “Eeya malo mudaa̒ olemu lowali olongia lo Isirai̒lu umati-Lio. Yio̒ mamo malenta umati-Lio wau moduo̒la olimongolio monto mumuu-suuwaalo limongolio. Utieelo tuotio olemu deu̒ Eeya malo lulaota olemu lowali olongia to umati-Lio.

BOHULO SEMUEL 9:16

“Loombu dimodupo tanu tou̒ wakutu odie, Wau̒ mamopoa̒hu mai ngotaalio monto suku Benyamin mai modunggaya wolemu. Pudua̒alo mao̒ tio wolo upacala wilinulaa u mowali olongia to umati-U̒ Isirai̒lu. Tio mamopoa̒ahu umati-U̒ monto taulo Pilistin. Wau̒ maloo̒onto mai polodutolo umati-U̒ wau lodungohe hihiiyongi mongolio mei̒ tuulungi.”