OLUO MONGO OLONGIA 20:3 - KITABI HABARI MOPIOHE

³ “Yaa Eeya, ambunguolo eelailo mai deu̒ watotia botie malo tiwato ode Eeya wolo tatapu wau molotolo hilao wau tio̒otutua belesi lohilao. Watotia laito hemo tolopani modudua̒ otohilaa lo Eeya.” Lapatao̒ tei Hiskia hilumoyongo wolo suukali lohilao.

OLUO MONGO OLONGIA 20:3 ပူးပေါင်းရင်းမြစ်များ

ILOOWALI 17:1

Tou̒ tei Abram o umulu tio lopulaa tio lotaunu, Eeya lopo bilohei batanga-Lio wau lotahuda, “Wau̒lo Allahu Taa̒ala Taa Laba-labaalo kawasa. Podungohulo ola-U̒ wau pohutua mao̒ kahandaki-U̒ laito.

ILOOWALI 5:22

Lapatao̒ uito tei Heno tilumumulo todelomo himbunga wolo Allahu Taa̒ala ngotilonggadu tolo hetuto taunu. Wau loo̒tapu mai mongo walao̒ wewo

ILOOWALI 5:24

Sababu tei Heno laito tumu-tumulo modudulaa daa̒ wolo Allahu Taa̒ala, yi tio yilooli kalana hilamaa lo Allahu Taa̒ala.

ILOOWALI 8:1

Allahu Taa̒ala diila lolipata olei Noho wau totoonulalo binatangi u woluo pee̒-pee̒enta wolio todelomo kapali boito. Allahu Taa̒ala malohutu dupoto lohiipai, tilinggula taluhu boito lolaahu.

BOHULO MONGO OLONGIA 11:4

tilinggula tou̒ tio maa pilanggola mola timongolio loo̒pio olio helolubo ila-ila wewo. Tei Dauda, tiyamo lei Salomo, tatapu wau molotolo hilao to Eeya, Allahu Taa̒alaalio, bo tei Salomo diila debo odelo tiyamalio.

BOHULO MONGO OLONGIA 15:14

Eleponu diila ngoa̒amila tambati polubowalo balaahala ilaantulu lei Asa, bo tio debo tatapu wau molotolo hilao to Eeya ngotupa lo tutumulio.

BOHULO MONGO OLONGIA 2:4

Wonu yio̒ modungohe to Eeya, yi Eeya mamoe̒elai danti-Lio deu̒ waliiu̒ mola mamo malenta Isirai̒lu, asali timongolio wolo lealeaatu lohilao wau yiwa lealeaatu laito tatapu wau molotolo hilao modungohe totoonulalo palenta lo Eeya.

BOHULO MONGO OLONGIA 3:6

Tei Salomo malo lameto, “Yaa Eeya, Eeya malo pobilohei batanga deu̒ Eeya momonu daa̒ tiyamo lo watotia, Dauda, wato lo Eeya boito. Tio mopiohe, juujulu wau tatapu molotolo hilao to Eeya. Wau odelo pongakuwalo u wumbutio mola Eeya debo momonu olio. Eeya longohi mai olio walao̒ talolai̒ ngota u masaatia hemomalenta lobuulota wolio.

BOHULO MONGO OLONGIA 8:23

wau lodua̒, “Yaa Eeya, Allahu Taa̒ala lo Isirai̒lu! To hulungo meaambo todunia diaaluo tadebo odelo Eeya! Eeya loe̒elai danti lo Eeya wau helo poi̒laalo ponu lo Eeya ode umati lo Eeya tadebo molotolo hilao wau modungohe wolo lealeaatu lohilao to Eeya.

BOHULO MONGO OLONGIA 8:61

Patutilio timongoli, umati lo Eeya laito tatapu wau molotolo hilao to Eeya, Allahu Taa̒alanto wau modungoheo̒ totoonulalo butoo̒ wau palenta lo Eeya debo odelo u pilohutu limongoli todulahee botie.”

BOHULO MONGO OLONGIA 9:4

Wonu yio̒ motiwato to Olau̒ wolo hilaa motulidu wau juujulu debo odelo tiyamamu Dauda, wau yio̒ modungohe totoonulalo butoo̒ wau palentaa-U̒,

OLUO MONGO OLONGIA 20:2

Tei Hiskia lotitalu mao̒ ode dingingo meseeli tulusi lodua̒ mola,

OLUO MONGO OLONGIA 20:4

Tei Yesaya lololaa mao̒ olei Hiskia, bo tou̒ tio diipo yilumualao̒ lonto paango tohuungo bele biluloa̒ saaha li olongia, Eeya lopoa̒hu olio luli lohualingao̒

OLUO TAWARI 16:9

Eeya hemongimato mai ngoilanggubu dunia wau mongohi olootolo Eeya totau-tauwalo tadebo molotolo hilao to Eeya. Yio̒ malohutu u mohulodu, sababu uito tumulalo mai botia yio̒ laito mamoo̒ toduo mai popaatea.”

NEHEMIA 13:14

Yaa Eeyaau̒, ambunguolo eelailo mai ngoa̒amila u mapilohutu lo watotia ode Bele lo Eeya wau obubayaalio.

NEHEMIA 13:22

Lapatao̒ tau-tauwalo Lewi hepilei̒ hutuu̒ mao̒ upacara poberesiyalo batanga wau lodaha huhuu-hebuwaalo hulubangi u longimato mao̒ alihu tau-tauwalo mohurumati dulahu Saabati. Wau̒ lodua̒ mola, “Yaa Allahu Taa̒ala, ambunguolo eelailo mai watotia sababu sua̒li boito olo, wau ponua mai watotia tutuuu̒de wolo ponu lo Eeya u udaa̒.”

NEHEMIA 13:31

Ilaatuluu̒ mao̒ olo alihu towakutu u tantutantu, ayu podiio̒ ode dewo bake mowali podapatolo wau ulipu moo̒delo dewo tilapulo huta u bohulio. Pulitio wau̒ lodua̒ mola, “Allahu Taa̒alau̒, ambunguolo eelai mai ngoa̒amila botie wau balakatialo mai watotia.”

NEHEMIA 5:19

Watotia momolohone yaa Allahu Taa̒ala, ambunguolo eelailo mai totoonulalo u mapilohutu lo watotia ode bangusa botie wau ambunguolo balakatiyalo mai watotia.

AYUBA 1:1

To huta lo Us bilu-biluloa̒ talolai̒ ngota tai̒lunte Ayuba. Tio hemolubo Allahu Taa̒ala wau tatapu molotolo hilao to Allahu Taa̒ala. Tio taa u mopiohe hale wau diila helohutu u moleeto penu boli ngoi̒di mao̒.

AYUBA 1:8

Tulusi Eeya helohintu mao̒, “Wolo mapiloo̒ tuotumu wato-U̒ tei Ayuba? To ngoilanggubu dunia diaaluo taa u odito tatapu wau molotolo hilao boli mopiohe hale debo odelo tio. Tio hemolubo ola-U̒ wau diila pee̒enta mao̒ helohutu u moleeto.”

AYUBA 16:20

Wau̒ hilenteo̒ lomongo sahabatiu̒ wau hepilo iii̒yalio; sambela hiyo-hiyongo wau̒ lotaalua wolo Allahu Taa̒ala lei̒ tulungi mai.

AYUBA 4:6

Diila maa yio̒ tadebo wau molotolo hilao to Allahu Taa̒ala; diila tutumulumu udiila o aibu? Wonu odito, patutiliyolo yio̒ yakini mola wau diila mooli halaapani.

JABURU 102:9

Ngotupa lodulahu musu hemohina olo watotia; tanggulo watotia pilopo waliilio laa̒anati lotaa u moingo olo watotia.

JABURU 119:26

Watia lotolongaku huhutu lowatia, lapatao̒ Eeya lolametai olaatia; aajalia mai watia wolo opiduduto lo Eeya.

JABURU 119:49

Eelailo mai danti lo Eeya to wato lo Eeya botie, danti u mongohi halaapani olaatia.

JABURU 145:18

Eeya meembidu totaa u mongiibode to Eeya, wau momolohone to Eeya wolo otutu wau belesi hilao.

JABURU 25:7

Ambungualo mai dusa wau totala tomaasa humula lowatotia, eelalilo mai watotia motuuu̒de wolo ponu wau opopiohu lo Eeya.

JABURU 26:1

Jaburu lei Dauda. Wohiyalo mai ua̒adili watotia, yaa Eeya, sababu watotia tumutumulo wolo hilaa motulidu. Watotia hemoharapu mola to Eeya, wau diila helolingu penu boli ngi̒di mao̒.

JABURU 26:3

Watotia laito hemoe̒ela mola ponu lo Eeya, wau debo molotolo hilao to Eeya.

JABURU 32:2

Potisanangilo tutu taa u ololeetio diila yilia̒apo lo Eeya, wau taa udiila mohuto mohimbulo.

JABURU 39:13

Dungohilo mai dua̒ lo watotia yaa Eeya, poo̒tuotilo mai polohone lowatotia; diila mao̒ potipoo̒oyo wonu watotia humoyongo. Debo odelo ngoa̒amila nenemoya lowatotia bo ngopee̒ mola watotia motihangata to Eeya.

JABURU 6:6

Sababu todelomo aalamu lomautu Eeya diilalo o eela; diaaluo tamomuji Eeya todelomo dunia lotaa lopuunungo.

JABURU 6:7

Watotia diila o lotolo sama-samaata sababu yiloongolo hemo podulohu: timii̒du hui ponu lowatotia tilumolohu heloo̒ bata tambati potuluhe lowatotita.

JABURU 89:47

Tunggula omolua Eeya motituuo̒, yaa Eeya? Tunggula omolua muluka lo Eeya wali-walihuhu debo odelo tulu?

JABURU 89:50

Yaa Eeya, tou̒toonu tuoto ponu lo Eeya u bohulio mai, u pilodanti lo Eeya olei Dauda domi otatapu wau olootolo hilao lo Eeya?

YESAYA 38:14

Sualaau̒ lebe hemooli wau diila boti odungohe, debo odelo bulungi poombo wau̒ mohiide napasi mopodulohu. Matou̒ moongolo sababu yilumanggela mola ode hulungo, yaa Eeya, lopatalo mai watotia monto usuusa botie.

YESAYA 63:11

Lapatao̒ timongolio loe̒ela mola jamani muloololio mai, jamani lei Musa, wato lo Eeya. Timongolio lohintu, “Tou̒toonu Eeya talodelo tomongo tau̒wa lo umati-Lio lolibaya deheto? Tou̒toonu Eeya talongohi mai kawasaa-Lio ode limongolio?

YEREMIA 4:2

Wonu timongoli motadia domi tanggulu-U̒ wau timongoli tumumula motulidu hale aadili wau otutu, yi totoonulalo bangusa maa momolohone ola-U̒ alihu balakatiya-U̒ timongolio, wau timongolio mamomuji ola-U̒.”

AMOS 5:4

Eeya lotahuda ode umati lo Isirai̒lu, “Pohualingolo mai ode Olau̒, yi timongoli matumumulo.

LUKASI 1:6

Tutumulo lo motolodile boito moo̒sangi hilaa lo Allahu Taa̒ala. Duduulota modungohe palenta wau butoo̒ lo Eeya wolo lealeaatu lohilao.

YAHYA 1:47

Ti Isa loo̒onto olei Natanael lonao̒ mai, lapatao̒ loloi̒ya pasali olio, “Bilohi, uito taulo Isirai̒lu ututuulio tutu! Diaaluo mao̒ upaluti to olio.”

2 KORINTUS 1:12

Amiaatia meengahe, sababu hilaa lamiaatia helo poyakini olamiaatia deu̒ tutumulo lamiaatia todunia botie – lebe-lebe mao̒ wumbuta lamiaatia wolo Wutato – mapilo ponao̒ lamiaatia wolo ihilasi wau hilaa belesi. Hepilohutu lamiaatia uito, diila wolo tinepo lomanusia, bo wolo omambo uilohi mai lo Allahu Taa̒ala.

IBRANI 5:7

Tomaasa li Isa tumutumulo todunia botie, Tio helodua̒ wau lomolohone wolo watiwaatio̒ wau hiyongo ode Allahu Taa̒ala, tamambo lopoa̒ahu o-Lio lonto opopate. Wau sababu Tio taa̒luku to Allahu Taa̒ala wolo hulumati u lealeaatulo mao̒; yi Tio dilungohe-Lio.