OLUO MONGO OLONGIA 2:9 - KITABI HABARI MOPIOHE

⁹ Tou̒ malei dungga mola ode ngotuali, tei Elia loloi̒ya mao̒ odelei Elisa, “Pohileaalo wolo u otohilaamu monto olau̒ tou̒ wau̒ diipo bintao̒ mola lo Eeya wau mololaa mao̒ olemu!” Tei Elisa lolametao̒, “Powarisiyalo mai olaatia kawasa li Paaa̒, alihu watia mowali mobuulota woli Paaa̒.”

OLUO MONGO OLONGIA 2:9 ပူးပေါင်းရင်းမြစ်များ

BOHULO MONGO OLONGIA 19:16

Pohutua mao̒ odito olo odelei Yehu walae̒e Nimsi, alihu tio mowali olongia lo Isirai̒lu, wau odelei Elisa walae̒e Sapat lonto Abel-Mehola, alihu tio mowali nabi mobuulota wolemu.

BOHULO MONGO OLONGIA 3:9

Sababu uito, yaa Eeya, potala wohia mai watotia tinepo upalaluo lo watotia u momalenta umati lo Eeya botie wolo aadili wau u mowali mopo hiheede toonu umopiohe wau toonu u moleeto. Wonu diila odito, diila pongalo aakali watotia mowali momalenta umati lo Eeya u udaa̒ botie?”

JABURU 72:1

Lonto olei Salomo. Yaa Allahu Taa̒ala, poo̒laatalo mai butoo̒ lo Eeya odeli olongia, wohiyalo mai oa̒adili lo Eeya ode walao̒ talolai̒ li olongia.

JABURU 72:20

Oditopo duduu-awaalo lei Dauda, walae̒e Isai.

JAKARIA 12:8

To dulahee boito Wau̒ mamoduo̒la ulipu lo Yerusalemu; wau tamailaba molulupuhe olo towolota limongolio mamowali molotolo debo odelo tei Dauda. Timongolio matau̒wa lo wali mai lei Dauda debo odelo lo malai̒kati-U̒, tumbao̒ debo odelo ola-U̒ lohihilao.

JAKARIA 9:12

Muli pohualingolo mai wuu tau-tauwala lo polayahu, botia timongoli o halapani. Muli pohualingolo mai ode tambati potiduo̒lamu, Wau̒ maadebo mobalakati mai olimongoli. Dungohiilo: Poo̒oluo piu̒wa timongoli mabalakatiyo-U̒ sababu ngoa̒amila polodutolo u mai̒lo laasawa limongoli.

YIA̒APO 11:17

Wau̒ mamolaahei wau motahuda olemu totambati boito, wau ngotayadu monto kawasa u mailohi-U̒ mai olemu, mawohi-U̒ mao̒ ode limongolio. Yi timongolio mamoo̒ bantu olemu momanta titihula tobangusa botie, wau diilalo palalu bantaamu lohihilao.

YIA̒APO 11:25

Lapatao̒ Eeya lolaahei todelomo heengo wau lotahuda odelei Musa. Eeya lohama ngotayadu kawasa u mailohi-Lio odelei Musa wau yiludu-Lio ode tau̒wa pitu lopulu lota boito. Tou̒ Rohullah boito lolaahei ode yitaati mongolio, yi malo ngiibodu timongolio debo odelo nabi, bo diila lohiheo.

YAHYA 16:7

Bo Wau̒ molele mai u otutu olemu: Lebe mopioheo̒ olimongoli, wonu Wau̒ mohualinga mola; sababu wonu wau̒ diila mohualinga mola, Tamoo-tulungia boito diila tamei dungga ode olemu.

WUNGGULI LOMONGO RASULU 1:8

Bo timongoli mamoo̒tapu kawasa, wonu Rohullah malei dungga mai ode limongoli. Wau timongoli mamowali sakusi ola-U̒ to Yerusalemu, to ngoilanggubu Yudea, to Samaria, wau tunggula ode huudio lodunia.”

WUNGGULI LOMONGO RASULU 8:17

Tulusi tei Petrus wolei Yahya lopodutu uluu̒ limongolio ode yitaato lotau-tauwalo Samaria boito; yi timongolio lololimo Rohullah.

1 KORINTUS 12:31

Sababu uito, mamusi timongoli motolopani otu-otutuulo mao̒ u moo̒toduo mai popoo-nuwaalo ulebe polohuna daa̒. Bo wumbutio mola botie watia mopo tuhata mai ode limongoli dalalo ulaba-labaalo mopiohu.

TINGULI 21:17

Tio musi mongohi mao̒ tayadu poo̒oluo piu̒wa monto halata upangio ode walao̒ talolai̒ tamohuhula daa̒, eleponu walao̒ boito diila walao̒ monto dile taa otolia̒ngio. Haku lowalao̒ tamohuhula daa̒ boito musi akuo mao̒ liyamolio, wau towalao̒ boito musi wohiyalo wariisani u mowali hakuulio modudua̒ butoo̒.”

TINGULI 34:9

Eeya longohi daata-datalo mao̒ odelei Yosua walae̒e Nun wolo tinepo sababu tio matilunu lei Musa tamobuulota wolio. Bangusa lo Isirai̒lu lodungohe olei Yosua wau helo ponao̒ papaa-lentawalo uilohi mai lo Eeya ode limongolio lotimbulude to olei Musa.

1 TIMOTIUS 5:17

Tau̒wa lojamaa̒ tamohutu tuugasilio lou̒ mopiohe, paatuti halagaalo poo̒oluo piu̒wa, lebe-lebe daa̒ timongolio tamoo̒lohu mohutuba wau mongaajali.