OLUO MONGO OLONGIA 2:19 - KITABI HABARI MOPIOHE

¹⁹ Dengolo lota talonto Yerikho lonao̒ mai odelei Elisa wau loloi̒ya mao̒, “Paaa̒, debo odelo u iloontonga li Paaa̒ lohihilao, kota botie mopiohe, bo taluhio diila mopiohe wau heloo̒ sababu mongobua tahi ombodaa̒awa, eenggila.”

OLUO MONGO OLONGIA 2:19 ပူးပေါင်းရင်းမြစ်များ

BOHULO MONGO OLONGIA 16:34

Tomaasa pamalenta lei Ahab, kota Yerikho luli bilongu lei Hiel taulo Betel. Bo debo odelo u mapilo tahuda lo Eeya tou̒ dipo-dipolulio mai lotimbulude olei Yosua walae̒e Nun, tei Hiel iloolia lowalai̒o duulota: tei Abiram tamohuhula daa̒ yilate tou̒ tei Hiel lopodutu mao̒ wumbatio lokota, wau tei Segub tawaliyali yilate tou̒ tei Hiel helo pohuli huhuu-hebuwalo hulubangi lokota boito.

BOHULO MONGO OLONGIA 18:13

Wolo diipo ilodungohe li Paaa̒ tou̒ tei Ijebel helomate yila-yilateelo mao̒ mongo nabi lo Eeya, watia maloluuo̒ ngohetuto lota lonto olimongolio todelomo gowa – limo lopulu lota todelomo gowa tuwau – wau helongohi mao̒ olimongolio ua̒alo wau u yilumolo?

BOHULO MONGO OLONGIA 18:7

Tohuungo dalalo tei Obaja lodunggaya wolei Elia. Lapatao̒ loo̒onuhe olei Elia, tei Obaja losujudu lomola wau lohurumati olio lapatao̒ lohintu mao̒, “Maa otutu utie ti Paaa̒ Elia?”

OLUO MONGO OLONGIA 2:18

Lapatao̒ timongolio luli lohualingai odelei Elisa udonggo yimayima to Yerikho. “Diila mapilolele mai lowatia deu̒ timongoli diilalo poonao̒?” ualei Elisa ode limongolio.

OLUO MONGO OLONGIA 2:20

“Hamaawa mai manggo udonggo bohu,” ualei Elisa, “wau dutua mao̒ watingo todelomio.” Yi timongolio lodelo mao̒ u pilohilelio boito ode olio.

PILOTIMUA̒TA 15:23

Lapatao̒ malei dungga mota timongolio ode tambati u ilunte Mara, bo taluhu mota teto boito mopaa̒to daa̒, tilinggula diila mowali yilumolo. Sababu uito tambati boito iluntelio Mara, boliilio mao̒ mopaa̒to.

PILOTIMUA̒TA 23:26

To lipumu diaaluo tamaa eenggila meaalo hunusa. Timongoli mawohiya-U̒ mai tutumulo uhaya-haya.

PILOTIMUA̒TA 7:19

Eeya lotahuda odelei Musa, “Ahulilo mao̒ tei Haruna mohama tunggudio wau momintaa̒a mola odeitaato lo ngoa̒amila dutulaa, wau u polibaya lo taluhu, kukuu-lamuwalo to Masiri. Taluhio mamowali duhu, wau to ngoilanggubu lipu mawoluo mai duhu, tumbao̒ todelomo dodoo-lomuwaalo ayu wau totoo-mbeyaalo botu.”

HOSEA 9:14

Wolo u musi pohile lowatotia ode Eeya duo̒lo tau-tauwalo boito? Ambunguolo pohutuwalo mai mongobua limongolio mowali bintela. Pohutuwalo mai timongolio diila tamoo̒ potutu tau̒nge limongolio!

YIA̒APO 12:11

malo loi̒ya tio odelei Musa, “Tulungia mai, Tuaniu̒, diila mao̒ polulia amiaatia sikisaalio sababu dusa u pilohutu lamiaatia todelomo ohuulodu lamiaatia.

TINGULI 28:11

Timongoli mawohiya-Lio walao̒ dadaata. Bibiahi mongoli mamowali dadaata wau tilapulo huta limongoli laba-labaalo daatalio tolipu u dilanti lo Eeya odeli nenemoya limongoli u wohi ode limongoli.

1 TIMOTIUS 5:17

Tau̒wa lojamaa̒ tamohutu tuugasilio lou̒ mopiohe, paatuti halagaalo poo̒oluo piu̒wa, lebe-lebe daa̒ timongolio tamoo̒lohu mohutuba wau mongaajali.

YOSUA 6:17

Ngoilanggubu kota wolo ngoa̒amila tuangio musi pobinasaalo sama-samaata odelo dewo ode Eeya. Bo ti Rahab taabua suuntali boito wolo kaumu ngaalaa̒lio wamabo̒ tamowali poluli mao̒ tumu-tumulo, sababu tio malo tulungi taa u tilugasia motulete lou̒ poo̒-poo̒oyo lonto olanto.

YOSUA 6:26

Tou̒ boito tei Yosua lopo lualao̒ didini botie, “Penu boli tatoonu tamo tolopani mao̒ muli momongu kota Yerikho botie, mao̒tuhata laa̒anati lo Eeya. Tatoonu tamamo podutu mao̒ pundasilio mao̒olia lowalai̒o tamohuhula daa̒; wau tatoonu tamo pohuli huhuu-hebuwaalo hulubangilio mao̒olia lowalao̒ tawali-yaliilio.”