OLUO MONGO OLONGIA 2:14 - KITABI HABARI MOPIOHE

¹⁴ tulusi lopo molotao̒ jumba lei Elia boito toitaato taluhu wau loloi̒ya, “Tou̒toonu Eeya, Allahu Taa̒ala lei Elia boito?” Lapatao̒ tio lopo molotao̒ jumba boito toitaato taluhu dutulaa boito, yi taluhu lotayade duluo wau tio lonao̒ ode ngotuwali.

OLUO MONGO OLONGIA 2:14 ပူးပေါင်းရင်းမြစ်များ

OLUO MONGO OLONGIA 2:13

tulusi lohama mao̒ jumba lei Elia ulodehu. Lapatao̒ uito tio luli lohualinga mota tilimihula tobiihu Dutulaa Yordan,

OLUO MONGO OLONGIA 4:29

Tei Elisa loili mao̒ odelei Gehasi lapatao̒ loloi̒ya, “Aliheo̒! Hamaawa mao̒ tungguduu̒ wau lato ponao̒lo ode bele li Ibu botie. Diila mao̒ pohuheli mongohi salamu penu boli olo tatoonu taa odunggaamu todalalo. Wonu taa mongohi salamu olemu, diila mao̒ poboyu u momaalasi salamulio. Tou̒ meidungga mota, hua̒a podutua tungguduu̒ towawaao̒ lowalao̒ boito.”

JABURU 115:2

Yilongola babaa-ngusawalo musi moloi̒ya, “Tou̒toonu Allahu Taa̒ala limongolio?”

JABURU 42:10

Watia loloi̒ya ode Allahu Taa̒ala, tahemo poduulua olaatia, “Yilongola Eeya helo lipata olaatia? Yilongola watia musi tulusi modutolaa, sababu hedileehe lo mumuu-suuwaalo lowatia?”

JABURU 42:2

Debo odelo buu̒lu mooloolo taluhu dutulaa, odieelo mola jiwa yiwau̒ mooloolo to Eeya, yaa Allahu Taa̒ala.

PILOTIMUA̒TA 14:22

Taluhu lobutao̒ duluo, wau tou̒ taulo Isirai̒lu lobalango, timongolio lonao̒ totudu lou̒ mohengu, wau taluhu to olowala wau oloihilio debo odelo dingingo meeseli.

YEREMIA 2:6

Wau̒ diila pilandungilio; Wau̒, tamaa lodelo olimongolio to dalalo, wau lodelo olimongolio yilumualai lonto Masiri lolibaya tohuta hungayo u luasi daa̒, madala diila mowali pobutua lo pilomulo u dadaata buo̒loolio, wau mohengu boli moo̒topotala – huta datahu wau luasi daa̒ u diila pilotomelea wau diila polibayalo!

YOEL 2:17

Ahuliilo mongo iimamu tahi pomayawa to Eeya, humoyongo towolota lomesba wau sulambe totalu, sambela moloi̒ya, “Ponuwalo mai umati lo Eeya, yaa Eeya; diila mao̒ polulia miliki lo Eeya mowali o aibu,” tilinggula babaa-ngusawalo wewo mopodalili wau moloi̒ya, “Tou̒toonu Allahu Taa̒ala limongolio?”

MARKUSI 16:20

Yi tahidudua̒ o-Lio malonao̒ wau lopo loladu habari lonto Allahu Taa̒ala penu boli tou̒toonu. Wau Eeya olo lodudua̒ lokalaja pee̒-pee̒enta woli mongolio wau lopo bukuti mao̒ lotimbulude to momoo̒o-linggolabeyalo deu̒ polo habari limongolio otutu.] [

YAHYA 14:12

Otutu banali tahuda-U̒ botie: Taa palacaya ola-U̒, mamohutu mao̒ wolo u mapilo hutu-U̒ mai, – tumbao̒ tio mamohutu ulebe udaa̒ poli – sababu Wau̒ monao̒ mola odeli Paapa.

WUNGGULI LOMONGO RASULU 2:33

Tio piludu-I̒o ode huhuloa̒a ulailaio̒ wau yiludua kawasa lo Allahu Taa̒ala, lapatao̒ lololimo Rohullah umaa pilodanti li Paapa. Wau u masaatia botie u ilodungohe wau iloontonga limongoli deu̒ito-yito Rohu boito u bilangguwa-Tio mai ode olami.

MONGO HAKIMU 6:13

Tametao̒ lei Gideon, “Maa̒apu, Tuani! Wonu otutu Eeya wolo mongowatotia, yilongola totoonulalo sua̒li botie helo toduo mai ode mongowatotia? Tou̒toonu totoonulalo moo̒linggolabe u mapee̒enta hepilohutu lo Eeya muloololio mai wau heilungguli linene moya lo mongowatotia pasali woloolo mola Eeya lopolualao̒ olimongolio lonto Masiri? Botia Eeya malo lolaa olo mongowatotia wau lopoluli olo mongowatotia kiluwaasa tau-tauwalo Midian.”