OLUO MONGO OLONGIA 2:12 - KITABI HABARI MOPIOHE

¹² Tei Elisa loo̒onto mao̒ olio tulusi longiibode, “Elia, Paaa̒au̒! Paaa̒au̒! Tamoo-duo̒lawa Isirai̒lu tamolotolo boli buheli! Ti Paaa̒ madiduu̒!” Yi mailoolilo mola tei Elia to bibilohio lei Elisa. Wolo suukali lohilao tei Elisa longaidinga jumbalio lowali dulopita,

OLUO MONGO OLONGIA 2:12 ပူးပေါင်းရင်းမြစ်များ

ILOOWALI 37:34

Tei Yako malo ngedenga pakeyangilio kalana mooloolo wau helomake pakeyangi ilopate. Hei̒lo dula-dulaheelio mola hiheolio hehili yongalio walai̒o boito.

ILOOWALI 5:24

Sababu tei Heno laito tumu-tumulo modudulaa daa̒ wolo Allahu Taa̒ala, yi tio yilooli kalana hilamaa lo Allahu Taa̒ala.

OLUO MONGO OLONGIA 13:14

Tou̒ wakutu tuwau ti Nabi Elisa ilodungga lo ngongoto tiluhua, wau ti Olongia Yoas lonao̒ mai lomilohe olio. Tou̒ iloontongalio tei Elisa membideo̒ mate, yi ti olongia boito hilumoyongo wau loloi̒ya mao̒, “Paaa̒au̒, Paaa̒au̒, tamooduulua Isirai̒lu taa udaa̒!”

OLUO MONGO OLONGIA 2:13

tulusi lohama mao̒ jumba lei Elia ulodehu. Lapatao̒ uito tio luli lohualinga mota tilimihula tobiihu Dutulaa Yordan,

OLUO MONGO OLONGIA 5:13

Bo tahi pomayawa olio lohimbideo̒ olio wau loloi̒ya mao̒, “Tuani, humayaalio ti Tuani ahulalio mohutu hitua-tuawua u mototolo, tantu mapohutuo mao̒ li Tuani. Tidiyolo mao̒ tio bo lopoa̒hu mota oli Tuani molihu alihu moluli!”

OLUO MONGO OLONGIA 6:21

Tou̒ ti olongia lo Isirai̒lu loo̒onto tau-tauwalo Siria boito, tio malohintu, “Elisa, wolo watia musi momate-mateelo mao̒ to tau-tauwalo botie?”

AYUBA 22:30

Allahu Taa̒ala mamo tulungi mai olemu wonu yio̒ diila ototala, wau wonu yio̒ mohutu mao̒ kahandaki lo Eeya.”

POHUMAYA 11:11

Barakati lotaa juujulu mopoo̒ gaaga kota; loi̒ya lotaa moleeto mopoa̒ntulu mao̒.

POHUMAYA 30:4

Manusia toonu tapee̒enta botulo laahe monto sologa? Wolo tio mapee̒enta longoonggomo dupoto todelomo uluu̒lio, wau lomolu taluhu todelomo boo̒lio, meaambo lolantu sisii-patiyaalo dunia? Tatoonu tio, wau tatoonu walai̒o? Tantuulo mao̒ otaawamu tio!”

TAMOO-HUTUBAWA 7:19

Hikimati moo̒hutu taa ohuu̒wolio lebe molotolo boli buheli daa̒ wolo tamopulu lota tamoo-kawaasa tokota tuwau.

YESAYA 37:15

tulusi lodua̒ mola, ualio mao̒,

YESAYA 37:21

Lapatao̒ tei Yesaya lolao mola tahuli odeli Olongia Hiskia deu̒ odelo totameto todua̒ li olongia,

YESAYA 37:4

Ti Olongia lo Asyur malolao polowilalio opaanggati molanggato u lohina Allahu Taa̒ala tatumu-tumulo. Diila otaawa wonu Eeya Allahu Taa̒ala maloo̒ dungohe polohina boito wau mamo hukuumani mai olimongolio talolapali mao̒! Sababu uito podua̒alo mola ode Allahu Taa̒ala duo̒lo taunto tadonggo tumutumulo.”

MARKUSI 16:19

Lapatao̒ ti Isa Eeya helo bisala woli mongolio, Tio bilinta-I̒o, mola ode sologa. Mola teto Tio momalenta pee̒-pee̒enta wolo Allahu Taa̒ala.

LUKASI 2:15

Lapatao̒ mamaa-lai̒katiyalo boito lololaa mao̒ olimongolio wau lohualinga mola ode sologa, mongo diti mahipo loi̒yawa ngota timongota, “Dulo ito ode Betlehemu mola momilohe u mailowali boito upilo tahuda mai lo Eeya olanto.”

LUKASI 24:51

Tou̒ tio donggo hemohutu uito, Tio bilintai̒o ode sologa, tulusi lobua̒ala woli mongolio.

YAHYA 3:13

Diaaluo penu boli ngotaa tapee̒enta mao̒ lobotula mola ode sologa, ngopohia Tio tamalo laahei ode dunia, deu̒ito-yito Walao̒ Manusia.

WUNGGULI LOMONGO RASULU 1:9

Lapatao̒ ti Isa lotahuda mao̒ odito Tio bilinta-I̒o mola ode sologa iloontonga limongolio, wau heengo lohenggubei o-Lio to pomilohi mongolio.

WUNGGULI LOMONGO RASULU 27:24

Malai̒kati boito lotahuda, ‘Diila mao̒ oohe, Paulus! Sababu yio̒ mamotaalua woli Kaisari. Wau sababu opiohu hilaa lo Allahu Taa̒ala olemu, ngoa̒amila tahibitea wolemu mamoa̒ahu sababu yio̒.’

WUNGGULI LOMONGO RASULU 8:2

Tau-tauwalo tamoohe to Allahu Taa̒ala lolobunga olei Stepanus wau helo hiyongao̒ olio wolo hisuukalia daa̒.

2 KORINTUS 5:2

Todelomo bele u masaatia botie, ito mopoi̒laali suusa sababu ito moloolo daa̒ motibiluloa̒ todelomo belento u tosologa boito.

2 KORINTUS 5:4

Ngotilonggadu ito donggo bilubiluloa̒ todelomo bele u monto dunia botie, ito mopoi̒laalo suusa sababu bantaanto mobuheeto. Diila kalana ito ohilaa molopato monto batanganto u monto dunia botie, bo sababu ito ohilaa momake batanga u monto sologa boito, alihu batanganto u mowali mate botie kawasaalio lou̒ tutumulo.

EPESUS 4:8

To delomo Kitabi tulatulade, “Tou̒ Tio mobotula mola ode tambati u molanggato daa̒, Tio modelo dadaata tawalo; wau Tio mongohi totoonulalo wowohi tomanusia.”

WAHI 11:12

Lapatao̒ nabi duulota boito loo̒dungohe mola suala daa̒ tahemo tianga olimongolio lonto sologa, “Dulo botulai odia mai!” Lapatao̒ totalu lo mumuu-suuwaalo limongolio, timongolio lobotulaa mola ode sologa, yilanggube loheengo.

MONGO HAKIMU 17:10

Ualei Mikha mao̒, “Poti biluloo̒lo tewe wolau̒, alihu yio̒ mowali tamoo-nasehatia wau iimamu lami. De wau̒ mamongohi mai olemu mopuulo pita doi talaa̒ timii̒du taunu, wau olo pakeyangi wau ua̒alo.”