OLUO MONGO OLONGIA 19:7 - KITABI HABARI MOPIOHE

⁷ Eeya mamohutu mai oli olongia lo Asyur mopoo̒tuoto habari tuwau udiila otutu tilinggula tio muli mohualinga ode lipulio lohihilao, wau mola teto tio mapateelio mate mateelo mao̒.”

OLUO MONGO OLONGIA 19:7 ပူးပေါင်းရင်းမြစ်များ

OLUO MONGO OLONGIA 19:28

Otaawa-U̒ deu̒ yio̒ moingo daa̒ ola-U̒, wau Wau̒ maloo̒ dungohe pasali lo osombongimu boito. Botia pohuli-U̒ mao̒ pongabita to wulingumu wau lesi to tunggilumu, alihu yio̒ mowali dedeo̒o-U̒ mohualinga molibaya todalalo u pilolibayamu tou̒ lonao̒ mai.”

OLUO MONGO OLONGIA 19:33

Ti Olongia lo Asyur mamo hulinga molibaya todalalo u pilolibaya tou̒ lonao̒ mai, lou̒ diila tumuwota ode kota boito. Wau̒, Eeya, malo tahuda mai.

OLUO MONGO OLONGIA 7:6

Sababu, Eeya malohutu taulo Siria moo̒dungohe tingohu debo odelo tiluhu lo ngopasuukani daa̒ owadala wau okaleta. Tau-tauwalo Siria boito helo lantabu ti olongia lo Isirai̒lu maloseuwa olongia lo Het wau Masiri wolo suludadulio u loluhu olimongolio.

OLUO TAWARI 32:21

Lapatao̒ Eeya lolao mai malai̒kati ngota helomate yila-yilateelo mao̒ mongo pajule wau mongo polowila lo Asyur boito. Wolo yiloolito daa̒ malo hualingo ti olongia lo Asyur ode lipulio. Todulahee tuwau tou̒ tio donggo todelomo bele lodewalio, dengolo lota lomongo walai̒o lohihilao lonao̒ mai lomate olio yila-yilateelo mao̒ wolo wamilo.

AYUBA 15:21

Titii-ngohuwalo upolu-polutuo̒ moo̒bungola bulongalio; to saaa̒ti u aamani tamoo-lambata mai moluhu olio.

AYUBA 4:9

Debo odelo dupoto moo̒ohuu̒ daa̒, odi-odieelo mola muluka lo Allahu Taa̒ala mopobinasa mai olimongolio tunggula mopulito!

JABURU 11:6

Taa moleeto hukuumanio lo Eeya wolo baala, wolo tulu, waliirangi wau dupoto umoo̒pobu.

JABURU 50:3

Allahu Taa̒alanto leidungga diila bo lotipoo̒oyo, Eeya miluloa lo tulu u dila-dilaato, wau pilalita lodutalo umoo̒tihela hapato.

JABURU 94:23

Eeya mohukuumani mai taa moleeto motuuu̒de wolo ololeetio, wau moheu̒utao̒ tunggili mongolio alihu diila mobisala sababu dusaalio. Eeya Allahu Taa̒alaanto mamo heu̒utao̒ tunggili mongolio alihu diila mobisala.

YESAYA 11:4

Taa mosikini butoo̒lio wolo aadili, taa didu olootolo poduulualio wolo juujulu; taa ototala hukuu-maniyolo to palentaalio, taa moleeto poo̒pulitolio sama-samaata.

YEREMIA 49:14

Watia, Yeremia, moloi̒ya mai, “Wuu Edom, watia malo lolimo habari tuwau lonto Eeya. Eeya malolao utolio ode babaa-ngusawalo u lopoa̒hu olimongolio longambu suludadu wau lotidapa-dapaato u moluhu olemu.

YEREMIA 51:1

Eeya lotahuda mai, “Wau̒ mamolao mai dupoto pongantulu ode mantahu Babel wau ode mantahu ulipulio.

YEREMIA 51:46

Diila mao̒ oohe meaambo molawalo sababu suala lotaa hipo loloohuma u odungohe limongoli. Timii̒du taunu hemololadu habari u hiwewo-wewooa – habari pasali lou̒ diila omanusia todelomo lipu wau pasali lomongo olongia tahemo tutuuhua ngota timongota.

OBAJA 1:1

Uti-utieelo laamalani lei Obaja; tio lopo tunggulai tahuli lo Eeya Taa Laba-labaalo molanggato tomimbihu bangusa lo Edom: Eeya malolao mai utolia-Lio ode babaa-ngusawalo, wau ito maloo̒ dungohe tahuli u dilelolio boito odelo odie mola, “Poti-dapatolo u mopaatea! Duloolo ito momonggato moluhu Edom.”