OLUO MONGO OLONGIA 18:8 - KITABI HABARI MOPIOHE

⁸ Tio lopoo̒laaheo̒ taulo Pilistin, wau lolambata tambati biluloa̒a limongolio, monto kambungu ulabaalo kikiio̒ tunggula kota uleidaa̒ tutu, leituwoto Gasa wau madala to palitio.

OLUO MONGO OLONGIA 18:8 ပူးပေါင်းရင်းမြစ်များ

BOHULO MONGO OLONGIA 5:4

Bo botia Eeya Allahu Taa̒ala lowatia malongohi u aamani to ngoilanggubu madala tokawasa lowatia. Watia diila omusu, wau diaaluo olo baala u leidungga mai ode lipu lowatia.

OLUO MONGO OLONGIA 17:9

wau helohutu susuu-aliyaalo udiila yiluasia lo Eeya, Allahu Taa̒ala limongolio. Timongolio helo potihulao̒ tataa-mbatiyalo hipo lubowalo dewa to ngoa̒amila kota limongolio, mopio tokota kikiio̒ meaalo tokota leidaa̒.

BOHULO TAWARI 4:41

To jamani lei Hiskia olongia lo Yehuda wali mai lei Simeon boito heloluhu Gedor. Timongolio helo ngaantulu kekee-mawaalo ulipu lokota boito wau taulo Meunim, tulusi helo polahi ulipulio. Lapatao̒ timongolio helo titatapu mola teto sababu dadaata huta luasi u pilobutua lo huo̒yoto ode bibiahi mongolio.

OLUO TAWARI 26:10

Tio olo helomongu momoo-nalawaalo obiintengi tomadala huta udatahu wau luasi, wau helo ngau̒de dadaata ali sababu bibiahio dadaata daa̒, mopio todatahu lailaio̒ meaambo todatahu moopa to ambahu otolopa. Sababu tio odito hemo poo̒tuota tosua̒li pomeengilalo, yi tio helo pokalaja mao̒ tau dadaata u lomuo̒ ii̒i-lengiyalo angguru tomadala hihui̒-hui̒dea, wau helo kalaja mao̒ huta to mamaa-dalawaalo u molomiodu.

OLUO TAWARI 28:18

Tou̒ boito olo tau-tauwalo Pilistin donggo hemoluhu kokoo-tawaalo to madala bungo lo hui̒dee to ambahu otolopa, wau to madala ambahu huliaalio lo Yehuda. Timongolio helohama kota Bet-Semes, Ayalon, wau Gederot, wau kota Sokho, Timna, wau Gomjo wolo kakaa-mbunguwalo topalito otolu kota boito, lapatao̒ lotitatapu mota teto.

YESAYA 14:29

Wuu bangusa lo Pilistin, ayu pongokoo̒ u pilomake helomate olemu maloboli. Bo yio̒ diila mao̒ potiwengahu, sababu wonu tulidu tuwau mate, tulidu ulebe moleetao̒ poli monao̒ mai mobuulota wolio, wau putito tulidu momota mai naha opolipio̒.

YESAYA 5:2

Tio lomati hutalio wau lolapi bobootulio. Pilomulolio angguru tilulaoto bilongulio monala podahaalo. Kilakudio huango tuwau tambati pohupetalo anggurulio, lapatao̒ tio lohima hungolio loontapo, bo tilapulio hungo lo angguru u molotingo.

TINGULI 2:23

Huta to ngohilayaa̒ pentadu lo Lau Tenga hihuloa̒a lotau-tauwala lonto pulo Kareta. Timongolio malopo binasa mao̒ taulo Awi, ulipu pulua tohuta boito, lapatao̒ hihuloa̒lio madala boito demola huliaalio ngoilaminga kota lo Gasa.)

YOSUA 15:47

Odito olo Asdod wau Gasa wolo kokoo-tawaalo kekeei̒ wau kakaa-mbungulio uloo̒-loo̒opo demola tili lowalao̒ dutulaa to sipatana lo Masiri wau pentadu Lau Tenga.