OLUO MONGO OLONGIA 18:34 - KITABI HABARI MOPIOHE

³⁴ Tou̒toonu dedeewaalo lipu lo Hamat wau Arpad? Tou̒toonu dedeewaalo Separwaim, Hena, wau Iwa? Wolo woluo talonao̒ mai helo poa̒ahu Samaria?

OLUO MONGO OLONGIA 18:34 ပူးပေါင်းရင်းမြစ်များ

OLUO LO SAMUEL 8:9

Ti Olongia Tou lonto Hamat loo̒dungohe deu̒ tei Dauda malopo olaaheo̒ ngoilanggubu suludadu lei Hadadejer.

OLUO MONGO OLONGIA 17:6

– u debo odelo taunu otiolio pamalenta lei Hosea – tei Salmaneser lohama Samaria. Lapatao̒ taulo Isirai̒lu bilintai̒o odelo tawalo ode Asyur. Ngotayadu limongolio pilopo tambatilio tokota Halah, wau ngotayadu totili lo Dutulaa Habor to madala Gojan, wau ngotayadu poli to kokoo-tawaalo tolipu lo Madai.

YESAYA 10:9

Wahuwou̒ kokoo-tawaalo Kalno wau Karkemis, Hamat wau Arpad. Wahuwou̒ olo kokoo-tawaalo Samaria wau Damusiki.

YESAYA 37:13

Tou̒toonu mongo olongia kota lo Hamat, Arpad, Separwaim, Hena wau Iwa?”

YEREMIA 49:23

Uti-utieelo u pilotahuda mai lo Eeya pasali lo Damusiki. “Ulipu lokota Hamat wau Arpad lawalawalo wau balisa sababu loo̒dungohe habari moleeto. Hilaa limongolio suusa wau diilalo otantuulio debo odelo buo̒olo deheto.

AMOS 6:2

Ponao̒lo mota bilohi mao̒ to Kalne, lapatao̒ ponao̒lo tulusi ode kota lo Hamat uleidaa̒ boito, lapatao̒ ode kota Gat to Pilistin. Tingga to lantobumu kokoo-tawaalo boito lebe mopiohe wolo yilaidia lo Yehuda wau Isirai̒lu? Wolo madala limongolio lebe udaa̒ wolo lipumu?

YIA̒APO 13:21

Yi malonao̒ tau-tauwala boito ode ambahu tilayo wau lotulete lipu boito tumulalo mao̒ lonto huta datahu wau luasi udelita lo Jin towimbihu huliaalio ode tilayo demola kota Rehob membideo̒ lodalalo ode Hamat.