OLUO MONGO OLONGIA 18:12 - KITABI HABARI MOPIOHE

¹² Samaria lodehu sababu taulo Isirai̒lu diila helo dungohe to Eeya, Allahu Taa̒ala limongolio. Timongolio diilalo loe̒ela mola daantia u pilohutu mai lo Eeya woli mongolio, wau timongolio helo lambanga ngoa̒amila palenta lei Musa, wato-Lio. Timongolio diila lohuto lodungohe wau diila lohuto loduduo̒.

OLUO MONGO OLONGIA 18:12 ပူးပေါင်းရင်းမြစ်များ

BOHULO MONGO OLONGIA 9:6

Bo wonu yio̒ meaalo walimu mola momulemenga ola-U̒ wau diila modungohe totoonulalo butoo̒ wau palentaa-U̒ wau yio̒ molubo ila-ila wewo,

OLUO MONGO OLONGIA 21:8

Wau wonu umati lo Isirai̒lu modungohe ngoa̒amila palentaa-U̒ wau modudua̒ bubuu-too̒waalo uilohi odelei Musa wato-U̒ boito toli mongolio, yi Wau̒ diila tamo poluli olimongolio polahiolio monto lipu u mailohi mai ode loluuhuru limongolio.”

NEHEMIA 9:17

Timongolio diila lodungohe, wau totoonulalo opopiohu lo Eeya hepilalongi mongolio, wau ngoa̒amila huhutu u moo̒linggolabe lonto Eeya heilooli lonto pikiilangi limongolio. Wolo mangimangi timongolio helo lulaotao̒ tau̒wa ngota, u lodelo olimongolio ode Masiri, luli lowali wato. Bo Eeya Allahu Taa̒ala tamotohilaa momaa̒apu mai, diila opulita lo sabali, mura lohilao wau polupolu lo ponu. Ponu lo Eeya otutu polu-polutuo̒; Eeya diila lololaa olimongolio.

JABURU 107:17

Woluo taa abaloolo wau hidutolaa sababu duduu-sawaalo limongolio, boli silikisaa sababu totala limongolio.

JABURU 78:10

Timongolio helo lambanga daantia lo Allahu Taa̒ala woli mongolio, diila lohuto lodungohe tobutoo̒ lo Eeya.

JABURU 81:12

Bo umati-U̒ diila lohuto lodungohe ola-U̒, Isirai̒lu diila lohuto lodungohe to ola-U̒.

YESAYA 1:19

Wonu timongoli mohuto modungohe to ola-U̒, timongoli mamoo̒ toduo mai ngoa̒amila u mopiohu u tilapulao̒ lo lipumu.

YEREMIA 7:23

Wau̒ bo lomalenta olimongolio u modungoheo̒ ola-U̒ alihu Wau̒ mowali Allahu Taa̒ala limongolio, wau timongolio mowali umati-U̒. Wau̒ helopoa̒hu olimongolio tumumula modudua̒ ngoa̒amila palentaa-U̒ alihu timongolio sanangi tutu.

YEHESKIEL 11:12

Yi mao̒taawa limongoli deu̒ Wau̒ulo Eeya wau timongoli hukuumaniyo-U̒ sababu malo lambanga ngoa̒amila palentaa-U̒ wau lomalonga bubuu-too̒owaalo babaa-ngusawalo to palitumu.”

DANIALI 9:5

Mongowatotia mai̒lodusa, mongowatotia malohutu u moleeto, wau helohutu totala. Mongowatotia malo mintao̒ tingolo wau helo lambanga palenta lo Eeya wau helolahi lonto wuwuu-uduwaalo Eeya.

AMOS 2:6

Eeya lotahuda, “Taulo Isirai̒lu mapoo̒-poo̒daata ilodusa, sababu uito Wau̒ tantu mamo hukuumani mai olimongolio. Taa motulidu hale tadiila udiila loo̒ powalingao̒ u bilulotalio, mapilotali limongolio lowali wato. Odito olo hepilohutu limongolio ode taa mosikini tadiila loo̒baayali bilolilio, eleponu bololi boito bo ngohalaga wapidu oa̒ato ngopanggalo.

MIKHA 3:4

Mamei dungga wakutuulio timongoli monguatio̒ mei̒ tulungi ode Eeya, bo Eeya diila mohuto molametai. Eeya diila tamo dungohe duduua̒amu, sababu timongoli malohutu u moleeto.

YIA̒APO 12:7

Bo diila odito wolo wato-U̒ tei Musa. Tio-tiolo taa utatapu wau molotolo hilao towolota lo umati-U̒.

TINGULI 11:28

Bo timongoli malaa̒anatia-Lio wonu diila modungohe papaa-lentawalo Eeya Allahu Taa̒ala limongoli, bo mobolio̒ u molubo ila-ila wewo udiila pee̒enta mao̒ hetuboo limongoli.

TINGULI 31:16

Tahuda mai lo Eeya odelei Musa, “Opopatemu diilalo mohiheo. Lapatio mao̒ yio̒ monao̒, bangusa lo Isirai̒lu diilalo tatapu wau molotolo hilao to ola-U̒ wau mamomaahe daantia u pilohutu-U̒ woli mongolio. Timongolio mamololaa mao̒ ola-U̒ mota molubo ila-ila u hetuboolo tolipu udiilalo mohiheo potuwota limongolio.

TINGULI 31:17

Wonu uito motoduo mai, omulukaa-U̒ mamo walihuhu toli mongolio. Timongolio matolaa-U̒ wau pobinasaa-U̒. Dadaata baala moo̒tihela hapato mamolemba olimongolio lapatao̒ timongolio mamongalati mao̒ deu̒ ngoa̒amila boito motoduo sababu Wau̒, Allahu Taa̒ala limongolio, diilalo pee̒-pee̒enta woli mongolio.

TINGULI 34:5

Lapatao̒ mailatelo mola tei Musa wato lo Eeya tohuta lo Moab, debo odelo u tilahuda lo Eeya tou̒ dipo-dipolulio mai.

TINGULI 8:20

Wonu timongoli diila modungohe to Eeya Allahu Taa̒ala limongoli, yi timongoli olo mapo binasaa-Lio, debo odelo babaa-ngusawalo tailopua-Lio totalu lomato limongoli.”

2 TESALONIKA 1:8

wau wolo tulu ulei̒-lei̒ita. Tio motuhutai u mohukuumani tau-tauwalo tadiili hipo mandungia Allahu Taa̒ala wau tadiila motohilaa tumumulo motuuu̒de wolo Habari Mopiohe pasali li Isa Eeyanto.

2 TIMOTIUS 2:24

Tamo kalaja ode Eeya diila paatuti motaameta; tio musi aaluti ode taa ngoa̒amila wau mowali mongaajali tau lou̒ mopio wau sabali.

YOSUA 1:1

Lapatao̒ tei Musa yilate, wato lo Eeya boito, Eeya helo tahuda mai ode wakili lei Musa, deu̒yito-yito tei Yosua walae̒e Nun.

1 PETRUS 2:8

wau “Uitolo botu umoo̒ teduo̒ totau, botu u moo̒odehu olimongolio.” Timongolio meiteduo̒ sababu timongolio diila palacaya totahuda lo Allahu Taa̒ala. Odieelo mola matilantu mai lo Allahu Taa̒ala tomimbihu olimongolio.

1 PETRUS 4:17

Malei dungga wakutuulio Allahu Taa̒ala momutoa̒i dunia. Wau umati lo Allahu Taa̒ala lohihilaolo tamaa butoo̒olo meimulo. Naa, wonu Allahu Taa̒ala mamolumula wolanto, de woloolo mola waliilio wolo tau-tauwalo tadiila palacaya to Habari Mopiohe monto Allahu Taa̒ala boito?