OLUO MONGO OLONGIA 17:8 - KITABI HABARI MOPIOHE

⁸ wau lodudua̒ obobiasa lo babaa-ngusawalo tamaa pilopolahi lo Eeya tou̒ bangusa lo Isirai̒lu lomaju heloluhu babaa-ngusawalo boito. Bangusa lo Isirai̒lu helo duduo̒ uu̒du u hetilantu mao̒ lomongo olongia lo Isirai̒lu,

OLUO MONGO OLONGIA 17:8 ပူးပေါင်းရင်းမြစ်များ

BOHULO MONGO OLONGIA 12:28

Lapatao̒ helo timbangi mola sua̒li boito, tio malohutu bui̒ mahelu duluo lonto sapi hulawa tulusi loloi̒ya mao̒ ode ulipu, “Bangusa lo Isirai̒lu! Malo tuuu̒de hiheolio timongoli helonao̒ ode Yerusalemu mola loi̒baadati. Botia, uti-utieelo ila-ila limongoli u malodelo olimongoli yilumualao̒ lonto Masiri!”

BOHULO MONGO OLONGIA 21:26

Tei Ahab helohutu duduu-sawaalo u hina daa̒: tio lolubo balaahala debo odelo u hepohutuo taulo Amori, deu̒yito-yito tau-tauwala tamaa pilopolahi lo Eeya yilumualao̒ lonto lipu lo Kanaa̒n tou̒ taulo Isirai̒lu tilumuotao̒ ode lipu boito.

OLUO MONGO OLONGIA 16:10

Tou̒ ti Olongia Ahas lonao̒ ode Damusiki mola lodunggaya woli Olongia Tiglat-Pileser, tio loo̒onto mesba tokota boito. Lapatao̒ tio lolao mola odeli Iimamu Uria to Yerusalemu obaaya lomesba boito wolo tuu̒udio u pasipasi lomao̒ wolo yia̒apio mopatato.

OLUO MONGO OLONGIA 16:3

Tio tumutumulo debo odelo mongo olongia lo Isirai̒lu, tumbao̒ lopodewo walao̒ talolai̒lio lohihilao odelo bake ode dewa, lodudua̒ uu̒du mobulilo lotau-tauwalo tahe pilopolahi lo Eeya lonto lipu lo Kanaa̒n tou̒ taulo Isirai̒lu tilumuwota ode lipu boito.

OLUO MONGO OLONGIA 17:19

Tau tauwalo Yehuda olo diila helo dungohe totoonulalo butoo̒ lo Eeya, Allahu Taa̒ala limongolio. Timongolio heloo̒ dudua̒a obobiasa taulo Isirai̒lu,

OLUO MONGO OLONGIA 17:40

Bo ulipu lo Samaria boito diila lohuto lodungohe; timongolio debo hemotidihu to uu̒du limongoli.

OLUO MONGO OLONGIA 21:2

Tei Manasye ilodusa to Eeya, sababu loo̒dudua̒ totoonulalo obobiasa u moleeto lo babaa-ngusawalo tamaa pilopolahi lo Eeya lonto Kanaa̒n tou̒ taulo Isirai̒lu tilumuwota ode lipu boito.

JABURU 106:35

Timongolio tumbao̒ helo ulambohe wolo babaa-ngusawalo boito, wau heloo̒ baaya dudelo lotaa diila hitootawa to Allahu Taa̒ala.

PILOTIMUA̒TA 23:24

Diila mao̒ polubo bubuu-iyaalo u mooduo̒lawa olimongolio wau diila mao̒ poduduo̒ dudelo limongolio moi̒baadati. Antulua mao̒ bubuu-iyaalo mooduo̒lawa olimongolio boito wau bolia mao̒ wowoo-lihiyaalo botu u hepomake limongolio u moi̒baadati.

YEREMIA 10:2

Eeya lotahuda mai, “Diila mao̒ dudui̒ obobiasa lo babaa-ngusawalo wewo, wau diila mao̒ pohuluhela moo̒onto tutuuotaalo to hulungo u oohe lo babaa-ngusawalo boito.

YEHESKIEL 5:6

Bo Yerusalemu malo potouli palentaa-U̒ wau loi̒laalo mai lebe moleeto wolo babaa-ngusawalo wewo, tumbao̒ lebe diila lodungohe wolo lilii-puwaalo to palitio. Yerusalemu helo lambanga ngoa̒amila palentaa-U̒ wau diila lohuto lodungohe butoo̒o-U̒.”

HOSEA 5:11

Isirai̒lu madeehelio; tio mao̒olia lohaku tohutalio, sababu tio baaa̒ngiola u hemei̒ tulungi to tao̒tutuulio mao̒ diila moo̒ tulungi olio.

IMAAMATI 18:3

Diila mao̒ podudua̒ huhutu taulo Masiri, tambati u mapee̒enta pilo tibiluloa̒ limongoli, meaalo taulo Kanaa̒n, ode utoonu Wau̒ botia modelo mota olimongoli.

IMAAMATI 26:1

Eeya lotahuda mai, “Diila mao̒ pohutua balaahala meaalo mopotihula bui̒ meaalo wolihi botu iluukili u tuboolo. Wau̒lo Eeya Allahu Taa̒ala limongoli.

MIKHA 6:16

Ngoa̒amila boito motoduo sababu timongoli helo dudua̒ huhuu-hutuwaalo u moleeto li Olongia Omri wau walai̒o, deu̒yito-yito ti Olongia Ahab. Timongoli helo dudua̒ duduu-delowaalo limongolio. Sababu uito Wau̒ mamo ngantulu olimongoli, wau timongoli mahenteo̒ wau hinaa lo totoonulalo bangusa.”

TINGULI 18:9

“Wonu bolo timongoli matilumuwoto ode lipu uilohi mai lo Eeya Allahu Taa̒ala limongoli ode limongoli, diila mao̒ poduduo̒ ololeeto debo odelo hepohutuo lo babaa-ngusawalo tawoluo mota teto.