OLUO MONGO OLONGIA 17:6 - KITABI HABARI MOPIOHE

⁶ – u debo odelo taunu otiolio pamalenta lei Hosea – tei Salmaneser lohama Samaria. Lapatao̒ taulo Isirai̒lu bilintai̒o odelo tawalo ode Asyur. Ngotayadu limongolio pilopo tambatilio tokota Halah, wau ngotayadu totili lo Dutulaa Habor to madala Gojan, wau ngotayadu poli to kokoo-tawaalo tolipu lo Madai.

OLUO MONGO OLONGIA 17:6 ပူးပေါင်းရင်းမြစ်များ

ILOOWALI 10:2

Mongo walae̒e Yapet yito tei Gomer, Magog, Madai, Yawan, Tubal, Mesekh, wau Tiras.

BOHULO MONGO OLONGIA 8:46

Wonu bolo umati lo Eeya ilodusa to Eeya – tutuulio tutu diaaluo penu boli ngotaa mao̒ tadiila ilodusa – lapatao̒ sababu omuluka lo Eeya piloluli mao̒ lo Eeya timongolio ilolaahe lomusu, wau dilelo lomusu odelo tawalo ode lipu tuwau u molamingo meaambo membidu,

OLUO MONGO OLONGIA 15:29

To maasa pamalenta lei Pekah, tei Tiglat-Pileser olongia lo Asyur helohama kota Iyon, Abel-Bet-Maakha, Yanoah, Kedes, Hajor, madala Gilead, Galilea wau Naputali. Ulipulio hebilintai̒o olo odelo tawalo ode Asyur.

OLUO MONGO OLONGIA 17:23

tilinggula pulitio Eeya diilalo lopoo̒ tuotai olimongolio, bo lopolayahe mota olimongolio lonto huta uilohi-Lio olimongolio. Uito lotoduo tutuuu̒de wolo poe̒ela uilohi mai lo Eeya ode limongolio lotimbulude tomongo wato-Lio, wau mongo nabi. Odi-odieelo mola taulo Isirai̒lu hepilo layahio mota ode Asyur, wau mota teteetolo timongolio lotibiluloa̒ tunggula todulahee botie.

OLUO MONGO OLONGIA 18:34

Tou̒toonu dedeewaalo lipu lo Hamat wau Arpad? Tou̒toonu dedeewaalo Separwaim, Hena, wau Iwa? Wolo woluo talonao̒ mai helo poa̒ahu Samaria?

OLUO MONGO OLONGIA 19:12

Tou̒ loluuhuruu̒ helo ngantulu kota Gojan, Haran, wau Rejep, wau helomate yila-yilateelo mao̒ taulo Eden tahi biluloa̒wa to Telasari, diaaluo penu boli tuwau mao̒ dedeewaalo limongolio u helo poa̒ahu olimongolio.

OLUO MONGO OLONGIA 21:13

Yerusalemu mahukuu-maniyo-U̒ debo odelo Wau̒ lohukuumani Samaria wau lei Ahab olongia lo Isirai̒lu wau waliilio. Yerusalemu mapoo̒ belesiyo-U̒ debo odelo pingge u mailuloa wau pilopo dambao̒.

BOHULO TAWARI 5:26

Sababu uito Allahu Taa̒ala helo ngoliyoo̒ hilaa lei Pul olongia lo Asyur, yi malonao̒ tio heloluhu lipu boito. Tei Pul olo oonuhe odelo tei Tiglat-Pileser. Lapatao̒ suku Ruben, Gad wau suku Manasye tato ambahu tiimuru lo Yordan hebilintai̒o odelo tawalo wau pilolayahio ode Halah, Habori, Hara wau ode tambati tuwau totili lo Dutulaa Gojan. Mola teto timongolio lotibiluloa̒ wau lotitatapu tunggula todulahee botie.

ESRA 6:2

Bo palenta tomimbihu lo sua̒li boito diila ilodunggalio to Babel, bo to kota lo Ahmeta to lipu lo Media. Palenta boito he tiluladio mao̒ to lilibu ngopata wau tingohio odie mola,

NEHEMIA 9:32

Yaa Allahu Taa̒ala, Allahu Taa̒ala lo mongowatotia tamolotolo! Allahu Taa̒ala taa udaa̒ wau laba-labaalo! Wolo tatapu wau molotolo hilao dilihuma lo Eeya dadaanti; totoonulalo danti lo Eeya piloo̒polu mai lo Eeya wau piloponao̒ lo Eeya. Tumulalo mai mongo olongia lo Asyur helodeehe olo mongowatotia demai botia, sikisaa u helo toduo mai to mongowatotia. Mongo olongia lo mongowatotia, iimamu, nabi wau tahimuloa lo ulipu, olo loluuhuru wau ulipu, masilikisa ngoa̒amila. Ambunguolo diila mao̒ lipata totoonulalo sikisa boito! Ambunguolo diila mao̒ poo̒olia monto pikiilangi lo Eeya!

YESAYA 10:9

Wahuwou̒ kokoo-tawaalo Kalno wau Karkemis, Hamat wau Arpad. Wahuwou̒ olo kokoo-tawaalo Samaria wau Damusiki.

YESAYA 13:17

Eeya lotahuda, “Wau̒ mamopo oliyoo̒ bangusa lo Madai u moluhu Babel. Timongolio diila mowali soloi̒yolo wolo talaa̒ wau hulawa.

YESAYA 17:4

Eeya lotahuda, “Mamei dungga wakutuulio odudaa̒ lo Isirai̒lu mopulito, wau omaa̒murulio mooli.

YESAYA 21:2

Watia loo̒toduo mai bibilohe pasali lo popoo-loou̒tiyalo u moo̒tihela hapato; pasali lo polo hiyanati wau polo binaasa. Pomajulo suludadu lo Elam, tuhuwalo! Wuu suludadu lo Madai, balailo! Allahu Taa̒ala mamo poo̒pulitai ngoa̒amila polodutolo u ilosababua lo Babel.

YESAYA 36:17

dilumutu timongoli limbatou̒ mola ode tambati tuwau u mohaamawa wolo lipu limongoli lohihilao. Mola teto woluo ilengi lo angguru u mongohi tilapulo olimongoli, wau halabolu lopale u mongohi tilapulo labu ode ua̒aloomu.

YESAYA 36:19

Tou̒toonu dedeewaalo lipu lo Hamat wau Arpad? Tou̒toonu dedeewaalo lo Separwaim? Wolo woluo talonao̒ mai mopoa̒ahu Samaria?

YESAYA 37:18

Otaawa lo mongowatotia ngoa̒amila, yaa Eeya, deu̒ mongo olongia lo Asyur malo pobinasa dadaata bangusa wau helo ngantulu lilii-puwaalo limongolio.

YESAYA 8:4

Sababu tou̒ walao̒ boito diipo motuuu̒de mola udaa̒ u unteelo ‘Paapa’ wau ‘Maama’, ngoa̒amila okokaya lo Damusiki wau ngoa̒amila barangi yilahu lo Samaria mabintao̒lio odeli olongia lo Asyur.”

YEREMIA 50:17

Eeya lotahuda mai, “Taulo Isirai̒lu debo odelo himbala himba u yililapita wau pilobubuu-alaawa lo singa. Bohu-bohulio timongolio tilihu li olongia lo Asyur, lapatao̒ lei Nebukadnejar olongia lo Babel longokoto tutuu-lalowaalo limongolio.

DANIALI 5:28

tilayadu; yilaidia li Tuani lowatotia tilayadio wau yilohilio ode taulo Media wau Persia.”

HOSEA 1:4

Eeya lotahuda mai odelaatia, “Tangguli mao̒ walau̒mu boito tei Yijreel sababu diilalo mohiheo Wau̒ mamo hukuumani mai oli olongia lo Isirai̒lu sababu polomatea yila-yilateelo mao̒ u pilohutu lei Yehu, loluuhurulio, to Yijreel. Wau̒ mamo poo̒pulitao̒ pamalenta wali mai lei Yehu.

HOSEA 1:6

Lapatao̒ dile lowatia boito lopotutu mai walao̒ lami tao̒luolio, taabua ngota. Eeya lotahuda mai odelaatia, “Hosea, tangguli mao̒ walau̒mu boito, ‘Taa Diila Pilonua’, sababu Wau̒ diilalo momonu bangusa lo Isirai̒lu, wau sama-samaata diila tamo ngambungu olimongolio.

HOSEA 1:9

Eeya lotahuda mai odelaatia, “Tangguli mao̒ walau̒mu boito ‘Diila Umati-U̒’, sababu taulo Isirai̒lu diila umati-U̒, wau Wau̒ diila Allahu Taa̒ala limongolio.”

HOSEA 8:8

Debo odelo ulongo ulopoo̒, odi-odieelo mola bangusa lo Isirai̒lu diilalo oboliilio, wau malowali bangusa u biaasa debo odelo babaa-ngusawalo wewo.

HOSEA 9:3

Timongoli, wuu bangusa lo Isirai̒lu, diila taatatapu motibiluloa̒ tohuta uilohi lo Eeya ode olemu. Timongoli musi mohualinga ode Masiri, wau musi molamela ua̒alo halamu to Asyur.

IMAAMATI 26:38

Timongoli maamate todelomo polayahu, pobinasaalio lolipu lo mumuu-suwaalo limongoli.

AMOS 5:27

wonu bolo Wau̒ molapi olimongoli ode lipu tuwau ulebe molaminga wolo Damusiki. Wau̒ Eeya tai̒lunte Allahu Taa̒ala Taa Laba-labaalo kawasa malo tahuda.”

AMOS 7:17

Eeya lotahuda mai deu̒ dilemu mamowali suuntali to dadaa-lalaalo kota, wau mongo walau̒mu pateelio mate-mateelo mao̒ todelomo popaatea. Hutamu mataya-tayadulio ode taa wewo, wau yio̒ lohihilao maamate tolipu lotaa udiila motota to Eeya. Ulipu lo Isirai̒lu tantu mabintao̒lio mota ode polayahu, molaminga monto lipulio lohihilao.”

TINGULI 28:36

Timongoli wau olongia limongoli madeloo lo Eeya ode lipu deli udiila otaawa limongoli wau diila olo otaawa linenemoya limongoli. Mota teto timongoli mamotiwato to ila-ila u pilohutu monto ayu wau botu.

TINGULI 28:64

Eeya mamopo bubuua̒yawa olimongoli towolota lo babaa-ngusawalo to ngoilanggubu dunia. Mola teto timongoli mamolubo ila-ila u pilohutu monto ayu wau botu, ila-ila udiila otaawa limongoli wau diila olo otaawa linenemoya limongoli.

TINGULI 30:18

yi tantu timongoli pobinasaa-Lio, wau umulu limongoli diila tahumayaao̒ tolipu udiilalo mohiheo potibiluloa̒ limongoli. Eelai mao̒! Sua̒li boito mapiloo̒taa mai lowatia todulahee botie.