OLUO MONGO OLONGIA 17:3 - KITABI HABARI MOPIOHE

³ Tio hetiluhu wau tilaa̒aluku lei Salmaneser olongia lo Asyur, tilinggula timii̒du taunu tio musi momayali doi hulawa uwajibu pomayali olio.

OLUO MONGO OLONGIA 17:3 ပူးပေါင်းရင်းမြစ်များ

OLUO LO SAMUEL 8:2

Tei Dauda olo lopoo̒laaheo̒ taulo Moab. Ilahulalio timongolio lotibalata tohuta, lapatao̒ hepilatelio yila-yilateelo mao̒ duulota to wolota lotimii̒du toulota. Oditolio, taulo Moab malo taa̒aluku to olei Dauda wau helo mayali mao̒ doi hulawa uwajibu pomayali olio.

OLUO LO SAMUEL 8:6

Lapatao̒ tei Dauda malo potihulao̒ kekee-mawaala lo suludadu tomadala limongolio, wau timongolio lotaa̒aluku boli helo mayali doi hulawa uwajibu pomayali olio. Eeya helo poo̒haama olei Dauda penu boli tou̒toonu tio mopaatea.

OLUO MONGO OLONGIA 15:19

Tou̒ tei Pulu olongia lo Asyur heloluhu Isirai̒lu, tei Menahem longohi mao̒ olio tolo pulaa pato lihu lokilo talaa̒ alihu tio momantu mopoo̒ tohetao̒ okokawasa lei Menahem to Isirai̒lu.

OLUO MONGO OLONGIA 15:20

Dudelolio lei Menahem heloo̒tapu doi boito yito wolo lomakusa tahi kaayawa to Isirai̒lu mongohi mai olio limo lopuulo pita doi talaa̒ timii̒du ngotaalio. Sababu uito tei Pulu lololaa mao̒ lipu boito wau lohualinga ode lipulio lohihilao.

OLUO MONGO OLONGIA 15:29

To maasa pamalenta lei Pekah, tei Tiglat-Pileser olongia lo Asyur helohama kota Iyon, Abel-Bet-Maakha, Yanoah, Kedes, Hajor, madala Gilead, Galilea wau Naputali. Ulipulio hebilintai̒o olo odelo tawalo ode Asyur.

OLUO MONGO OLONGIA 17:2

Tio ilodusa to Eeya, bo dusalio diila debo odelo daata lodusa mongo olongia lo Isirai̒lu tahe lomalenta tou̒ dipo-dipolulio mai.

OLUO MONGO OLONGIA 17:4

Bo tou̒ wakutu tuwau, tei Hosea lolao utolia odelei So olongia lo Masiri u mei̒ tulungi olio. Lapatao̒ tei Hosea lohuheli helo mayali doi hulawa uwajibu pomayali timii̒du taunu ode Asyur. Tou̒ ilotaawa lei Salmaneser pasali huhutu lei Hosea boito, yi tio loheu̒pa olei Hosea wau pilopo tuwotio ode delomo tutupa.

OLUO MONGO OLONGIA 18:31

Diila mao̒ podungohu olei Hiskia. Wau̒, olongia lo Asyur mopoe̒elai alihu timongoli lumualao̒ monto kota wau mohudu mai batanga. De timongoli mowali molamelao̒ hungo lo angguru monto ilengimu lohihilao, wau moo̒ lamitao̒ hungo lo ara monto bungo lo ayumu lohihilao, wau mongilu taluhu monto alimu lohihilao,

OLUO MONGO OLONGIA 18:7

Uito sababuulio Eeya debo helo tuulungi mai olio tilinggula tio ilohaasili todelomo totoonulalo tolopanilio. Tio helo mintaa̒a tingolo toli olongia Asyur, wau diila mohuto taa̒aluku to olio.

NEHEMIA 9:32

Yaa Allahu Taa̒ala, Allahu Taa̒ala lo mongowatotia tamolotolo! Allahu Taa̒ala taa udaa̒ wau laba-labaalo! Wolo tatapu wau molotolo hilao dilihuma lo Eeya dadaanti; totoonulalo danti lo Eeya piloo̒polu mai lo Eeya wau piloponao̒ lo Eeya. Tumulalo mai mongo olongia lo Asyur helodeehe olo mongowatotia demai botia, sikisaa u helo toduo mai to mongowatotia. Mongo olongia lo mongowatotia, iimamu, nabi wau tahimuloa lo ulipu, olo loluuhuru wau ulipu, masilikisa ngoa̒amila. Ambunguolo diila mao̒ lipata totoonulalo sikisa boito! Ambunguolo diila mao̒ poo̒olia monto pikiilangi lo Eeya!

YESAYA 17:4

Eeya lotahuda, “Mamei dungga wakutuulio odudaa̒ lo Isirai̒lu mopulito, wau omaa̒murulio mooli.

YESAYA 8:8

Timongolio mamolemba Yehuda debo odelo taluhee daa̒ ngoilanggato demola buloo̒ wau mopolomo mao̒ totoonulalo u hitua-tuawua.” Allahu Taa̒ala pee̒-pee̒enta wolanto! Polipio̒ Eeya u bua̒bua̒adu moduo̒lai lipunto.

YEHESKIEL 23:5

Penu boli ti Ohola malowali dile-U̒, tio debo hemoti suuntali, wau ohilaa daa̒ hemololimo mongo tilantahio lonto Asyur.

HOSEA 10:14

yi ulipumu mao̒temba lo popaatea, wau ngoa̒amila bintengimu maa̒ntuluolio. Owowoluwoalio madebo odelo todulahu li Olongia Salman lopobinasa kota lo Bet-Arbel todelomo popaatea, wau lolihitao̒ mongo tiilo pee̒-pee̒enta wolo mongo walai̒o.

HOSEA 10:4

Timongolio hemo latabu wau mohutu danti paaluti wau mongawade daantia udiila ohuna. Butoo̒ pilopo loloombulilio tilinggula odiila aadili lobutu debo odelo pilomulo opeedi to halabolu u mapilati.

HOSEA 8:10

Bo boli odito Wau̒ mamongambu wau mohukuumani mai olimongolio. Diilalo mohiheo timongolio mamopo ilaalo molaasa mongongoto, wonu bolo timongolio madeehe li olongia lo Asyur.

IMAAMATI 26:25

Wau̒ mamo pobutu mai popaatea tohuungi mongoli u mohukuumani olimongoli sababu timongoli malo lambanga daantia-U̒ woli mongoli. Wau wonu timongoli motia̒mbu tokota limongoli u mololohe poti duo̒laalo, Wau̒ mamopo dungga mai lo ngongoto udiila mowali poo̒luliyolo, tilinggula bolo pakusa mohudu batangamu ode musu limongoli.