OLUO MONGO OLONGIA 17:18 - KITABI HABARI MOPIOHE

¹⁸ tilinggula Eeya lomuluka daa̒ olimongolio wau diilalo helo poo̒tuotai olimongolio; uleitolaa mao̒ bolo bele biluloa̒ saaha li olongia lo Yehuda.

OLUO MONGO OLONGIA 17:18 ပူးပေါင်းရင်းမြစ်များ

BOHULO MONGO OLONGIA 11:13

Bo diila ngoilanggubu lo bele biluloa̒ saaha li olongia boito mahamaa-U̒ monto olio. Domi wato-U̒ tei Dauda, wau Domi Yerusalemu u mapilowali-U̒ kotaa-U̒ boito, Wau̒ mamopo labitao̒ ngosuku ode walao̒ talolai̒mu.”

BOHULO MONGO OLONGIA 11:32

Ngosuku madebo to olei Salomo, domi wato-U̒ tei Dauda, wau domi Yerusalemu, umaa tilulaotu-U̒ lonto ngoilanggubu lipu lo Isirai̒lu lowali kotaa-U̒.

BOHULO MONGO OLONGIA 11:36

Bo ngosuku mapoluli-U̒ mao̒ olio, alihu laito woluo ngotaalio monto wali mola lowato-U̒ Dauda tamo malenta duo̒lo-U̒ to Yerusalemu, kota umaa tilulaotu-U̒ odelo tambati poi̒baadarialo to ola-U̒.

BOHULO MONGO OLONGIA 12:20

Tou̒ ngoilanggubu ulipu lo Isirai̒lu loo̒dungohe deu̒ tei Yerobeam maluli lohualingai lonto Masiri, timongolio malo loduo olio ode dudunggaya tuwau lapatao̒ lomudua̒a olio lowali olongia lo Isirai̒lu. Bo ulipu suku lo Yehuda wambai̒o tadebo molotolo hilao to wali mola lei Dauda.

BOHULO MONGO OLONGIA 8:46

Wonu bolo umati lo Eeya ilodusa to Eeya – tutuulio tutu diaaluo penu boli ngotaa mao̒ tadiila ilodusa – lapatao̒ sababu omuluka lo Eeya piloluli mao̒ lo Eeya timongolio ilolaahe lomusu, wau dilelo lomusu odelo tawalo ode lipu tuwau u molamingo meaambo membidu,

OLUO MONGO OLONGIA 13:23

Bo Eeya lodehu hilao to umati-Lio wau helo ngambungu mai olimongolio. Tio diila motohilaa mopoluli olimongolio pobinasaalio bo motulungi olimongolio domi daantia-Lio wolei Abraham, Isihaka wau Yako. Tunggula botie diila pee̒enta mao̒ Eeya helo malonga umati-Lio.

OLUO MONGO OLONGIA 17:6

– u debo odelo taunu otiolio pamalenta lei Hosea – tei Salmaneser lohama Samaria. Lapatao̒ taulo Isirai̒lu bilintai̒o odelo tawalo ode Asyur. Ngotayadu limongolio pilopo tambatilio tokota Halah, wau ngotayadu totili lo Dutulaa Habor to madala Gojan, wau ngotayadu poli to kokoo-tawaalo tolipu lo Madai.

OLUO MONGO OLONGIA 21:14

Ulipulio tadonggo meitolaa mapoluli-U̒ mowali mangusa to mumuusuulio, tamamohama tingolo hidihima olimongolio wau mohama boli mohehu lipu limongolio.

OLUO MONGO OLONGIA 23:27

Eeya lotahuda mai, “Wolo u mapilohutu-U̒ ode Isirai̒lu, mapo hutuwo-U̒ ode Yehuda. Taulo Yehuda matapilo-U̒ monto lipu uilohi-U̒ mai ode limongolio. Wau̒ madiilalo mololimo Yerusalemu, kota u tilulaotu-U̒, wau olo bele-U̒ botie, umodudua̒ tahudaa-U̒ mamowali tambati poi̒baadatiala ola-U̒.”

OLUO MONGO OLONGIA 24:3

Memangi sua̒li boito musi motoduo mai, sababu Eeya malo tahuda deu̒ bangusa lo Yehuda matapilola monto lipu uiludu mai lo Eeya olimongolio. Timongolio tapilola sababu totoonulalo dusa u hepilohutu li Olongia Manasye;

JABURU 51:13

Diila mao̒ tapila watotia monto talu lo Eeya, wau diila mao̒ hamaawa Rohu lo Eeya u mantali monto watotia.

YEREMIA 15:1

Eeya lotahuda mai odelaatia, “Wau̒ diila tamomonu mai bangusa botie, penu boli tei Musa wolei Semuel timihulao̒ tewe u momolohone odehu hilaa-U̒ ode limongolio. Ahuli mao̒ bangusa botie monao̒, Wau̒ diila mohuto momilohe olimongolio!

YEREMIA 52:3

Eeya lomulukai daa̒ to ulipu lo Yerusalemu wau taulo Yehuda tilinggula Eeya lopolahi olimongolio wau diilalo loduo̒la olimongolio. Tei Jedekia lomalakala tolei Nebukadnejar olongia lo Babel,

YEREMIA 7:15

Timongoli mainggilo-U̒ monto talu-U̒ debo odelo Wau̒ malo pohinggi mongo ilaatumu, umati lo Isirai̒lu.”

HOSEA 12:3

Eeya o palakala wolo bangusa lo Yehuda; Tio olo maa mohukumani mai Isirai̒lu sababu pii̒ili limongolio. Tio maa molontuli huhutu limongolio.

HOSEA 9:3

Timongoli, wuu bangusa lo Isirai̒lu, diila taatatapu motibiluloa̒ tohuta uilohi lo Eeya ode olemu. Timongoli musi mohualinga ode Masiri, wau musi molamela ua̒alo halamu to Asyur.

TINGULI 32:20

Tahudaa-Lio mao̒, ‘Wau̒ diilalo mohuto motulungi mai olimongolio; penu boli oontonga-U̒ woloolo mola pulitio mao̒ limongolio. Sababu bangusa boito baa̒ngiyolo wau sama-samaata diila tatapu wau molotolo hilao.

YOSUA 23:13

eelai mao̒, tantu Eeya Allahu Taa̒ala limongoli diila tamo polahi babaa-ngusawala boito poli domi olimongoli. Bolii̒o mao̒, timongolio mamoo̒ topotala daa̒ olimongoli, sababu timongolio mamowali debo odelo taalo meaambo debo odelo hentobu ode limongoli. Timongolio olo mamo pohutu olimongoli modutolaa daa̒; sababu timongolio mamowali debo odelo buuboo̒ towulea limongoli meaalo debo odelo duhi todelomo matomu. Timongoli matulusi modutolaa tunggula diaaluo penu boli ngotaa mao̒ towolota limongoli tameitolaa tolipu u mopiohe botie uilohi mai lo Eeya Allahu Taa̒ala limongoli ode limongoli.

YOSUA 23:15

Bo debo odelo woloolo mola Tio moe̒elai timii̒du danti-Lio ode limongoli, odito olo Tio tantu mamoponao̒ timii̒du aanjamu-Lio olimongoli.

MONGO HAKIMU 18:30

Bui̒ balaahala udilelo mai limongolio boito, pilotihuli mongolio tokota boito lapatao̒ lomudua̒ao̒ olei Yonatan, walae̒e Gersom, wombu lei Musa, lowali iimamu limongolio. Wali mai lei Gersom botie debo lowali iimamu losuku Dan boito tunggula maasa umati lo Isirai̒lu bilintai̒o wau pilolayahu ode lipu wewo.