OLUO MONGO OLONGIA 17:16 - KITABI HABARI MOPIOHE

¹⁶ Timongolio helo lambanga ngoa̒amila butoo̒ lo Eeya, Allahu Taa̒ala limongolio, wau lohutu sapi mohelu duluo lonto logamu u hetuboolo. Timongolio lohutu bui̒ lo Dewi Asyera, helolubo bibii-natangiyalo wau hipo ibaadatia ode Dewa Baal.

OLUO MONGO OLONGIA 17:16 ပူးပေါင်းရင်းမြစ်များ

BOHULO MONGO OLONGIA 12:28

Lapatao̒ helo timbangi mola sua̒li boito, tio malohutu bui̒ mahelu duluo lonto sapi hulawa tulusi loloi̒ya mao̒ ode ulipu, “Bangusa lo Isirai̒lu! Malo tuuu̒de hiheolio timongoli helonao̒ ode Yerusalemu mola loi̒baadati. Botia, uti-utieelo ila-ila limongoli u malodelo olimongoli yilumualao̒ lonto Masiri!”

BOHULO MONGO OLONGIA 14:15

Eeya mamo hukuumani mai Isirai̒lu tilinggula moheheewula debo odelo hepu todelomo taluhu. Eeya mamo mahuto ulipu lo Isirai̒lu monto lipu umopiohe botie uilohi-Lio mai ode loluuhuru limongolio. Tio mamopo bubuua̒yawa olimongolio ode ngotuali lo Dutulaa Eperat, sababu timongolio malo potoodei omulukaa-Lio lou̒ helohutu bubuu-iyaalo dewi Asyera.

BOHULO MONGO OLONGIA 14:23

Toitaato huhuu-luduwaalo wau to walungo bubuu-ngowaalo ayu leidudulaa̒, timongolio helomongu tataa-mbatiyalo polubowalo balaahala wau helomungu tutuu-guwaalo wau bubuu-iyaalo dewi Asyera u hetuboolo.

BOHULO MONGO OLONGIA 15:13

Tiyombulio taabua, ti Maakha, yilinggilio lonto huhuloa̒lio odelo tiilo olongia taabua, sababu tio malohutu bui̒ balaahala u huloto ode Asyera, dewi u molomiodu. Tei Asa malo polohubeo̒ balaahala boito wau pilobulio to Lumbaya Kidron.

BOHULO MONGO OLONGIA 16:31

Diipo lotuuheta to olio olo tilumumula ilodusa debo odelo ti Olongia Yerobeam, tio tumbao̒ lonika woli Isebel walai̒ Olongia Etbaal lonto Sidon, wau tio helo ibaadati to Baal.

BOHULO MONGO OLONGIA 16:33

Tio lohutu olo bui̒ lo Dewi Asyera. Tio helohutu dusa lebe dadaata lou̒ pilohutu lo ngoa̒amila olongia lo Isirai̒lu tahelo malenta tou̒ dipo-dipolulio mai tio. Sababu uito tio helo potoodei omuluka lo Eeya, Allahu Taa̒ala tamusi tuboo lotau Isirai̒lu.

BOHULO MONGO OLONGIA 22:53

Tio ilodusa to Eeya wolo loo̒dudua̒ dalalo liyamolio wau liilolio wau dalalo li Olongia Yerobeam u he loo̒sababu taulo Isirai̒lu lohutu dusa.

OLUO MONGO OLONGIA 1:2

Tou̒ dulahee tuwau ti Olongia Ahasia lonto Isirai̒lu lodehu mola lonto sulambe to belebelea yitaato bele biluloa̒ saaha li olongialio to Samaria, tilunggula tio pilalia daa̒. Yi tio malolao tau mola lohintu to Baal-Jebub, dewa kota Ekron to Pilistin, wolo tio mamoluli meaalo diila.

OLUO MONGO OLONGIA 11:18

Lapatao̒ uito ulipu heloluhu wau lopo lohubeo̒ kuili lo Baal. Mesba wau bubuu-iyaalo he ilaantululio wau tei Matan, iimamu lo Baal pilatelio yila-yilateelo mao̒ totalu lo memees-bawaalo boito. Tei Yoyada longohi mao̒ tuugasi to tamoo-kawalia u modaha Bele lo Eeya,

OLUO MONGO OLONGIA 16:3

Tio tumutumulo debo odelo mongo olongia lo Isirai̒lu, tumbao̒ lopodewo walao̒ talolai̒lio lohihilao odelo bake ode dewa, lodudua̒ uu̒du mobulilo lotau-tauwalo tahe pilopolahi lo Eeya lonto lipu lo Kanaa̒n tou̒ taulo Isirai̒lu tilumuwota ode lipu boito.

OLUO MONGO OLONGIA 17:10

Toitaato timii̒du huludu, wau to walungo timii̒du bungo lo ayu u mohimbuyungo, timongolio helo potihulao̒ tutuu-guwaalo wau bubuu-iyaalo Dewi Asyera.

OLUO MONGO OLONGIA 18:6

wau tatapu molotolo hilao to o-Lio. Diila pee̒enta mao̒ tio helo luwali to Eeya. Totoonulalo palenta lo Eeya uilohi lotimbulude olei Musa, hedilungohe lei Hiskia lou̒ tio̒otutua.

OLUO MONGO OLONGIA 21:3

Tataa-mbatiyalo u hepo lubowalo dewa mai̒laantulu lei Hiskia tiyamolio luli bilongulio. Tio helo mongu memees-bawaalo u poi̒baadatiala ode Baal, wau lohutu bui̒ lo Dewi Asyera, debo odelo u hepilohutu lei Ahab olongia lo Isirai̒lu. Tei Manasye olo helolubo popoo-liyamaalo.

PILOTIMUA̒TA 32:4

Tei Haruna lohama mao̒ ante-ante boito. Lapatao̒ pilopo didiilio wau tiluwatio mao̒ ode delomo paisaka tuwau wau pilohutulio bui̒ losapi tuwau. Bangusa boito loloi̒ya mao̒, “Wuu Isirai̒lu uti-utieelo ilaanto talo depitai olanto yilumualao̒ lonto Masiri!”

PILOTIMUA̒TA 32:8

Timongolio malolahi lonto papaa-lentaa-U̒. Timongolio malohutu bui̒ losapi lonto hulawa diliidi, lapatao̒ hetiluboolio wau lopodewo mao̒ bake to olio. Uali mongolio, ui-uitolo ila limongolio talodelo mai olimongolio yilumualao̒ lonto Masiri.

YESAYA 2:8

Penu boli tou̒toonu woluo balaahala, wau hetuboo limongolio bubuu-iyaalo huhutu limongolio lohihilao.

YEREMIA 19:13

Ngoa̒amila bele to Yerusalemu wau ngoa̒amila bele lomongo olongia lo Yehuda mamowali najisi debo odelo Topet; sababu toitaato watopo bebee-leyaalo tau malomobu alama ode dedeewaalo hulungo, wau helo podewo angguru ode dedeewaalo wewo.”

YEREMIA 44:17

Totoonulalo umapilo danti lami, mapohutuo mao̒ lami olo. Ami madebo mopodewo bake ode Olongia taabua lo Sologa, wau moluwatao̒ taluhu angguru odelo dewo ode olio debo odelo u biasaalio hepilohutu lami to kokoo-tawaalo Yehuda wau to dadaa-lalaalo to Yerusalemu lo loluuhuru lami, lomongo olongia wau tahidihuma pantungo lo pamalenta lami boli ami lohihilao. Tou̒ boito ami o ua̒alo tutuuheta, ami maa̒amulu, wau diila ilodungga lou̒ suukali lolo-loolo.

YEREMIA 8:2

diila u yimoo̒olo wau muli lobungolo, bo poluli mao̒ tohuta odelo puputo. Tutuu-lalowaalo tau-tauwala boito mamo-pupuulepe totalu mato lodulahu, hulalo wau popoo-liyamaalo u hepujaa limongolio, hetoli-angaalo, hebayaalo, hetuboolo, hepohileaalo potuhata.

YEHESKIEL 23:8

Tio tulusi wambai̒o hemo tisuuntali debo odelo u muloololio mai hepilo hutulio to Masiri, tou̒toonu tio iloolia lo tadulahulio. Tumulalo u kikiii̒o mai, tio matiluuluhe wau hepilohutu lotau odelo tasuuntali.

IMAAMATI 26:1

Eeya lotahuda mai, “Diila mao̒ pohutua balaahala meaalo mopotihula bui̒ meaalo wolihi botu iluukili u tuboolo. Wau̒lo Eeya Allahu Taa̒ala limongoli.

TINGULI 16:21

Wonu timongoli mohutu mao̒ mesba ode Eeya Allahu Taa̒ala limongoli, diila mao̒ dutui bui̒ balaahala monto ayu bayahu Asyera to ngotualiilio,

TINGULI 4:19

Diila mao̒ pohutu dusa sababu molubo wau motiwato tou̒ wolo u oontonga limongoli tohulungo: mato lodulahu, hulalo wau bibii-natangiyalo. Eeya Allahu Taa̒ala limongoli lopoluli mao̒ babaa-ngusawalo wewo helolubo uu̒u-pangowalo boito.