OLUO MONGO OLONGIA 17:13 - KITABI HABARI MOPIOHE

¹³ Eeya lolao mai mongo utolia wau mongo nabi-Lio ode umati lo Isirai̒lu wau Yehuda u helopo tunggulao̒ poe̒ela botie: “Pohuhelilo mohutu u moleeto wau dungohilo totoonulalo palenta wau butoo̒ uilohi-U̒ mai ode loluuhurumu wau olemu lotimbulude to mongo nabi, mongo wato-U̒ boito.”

OLUO MONGO OLONGIA 17:13 ပူးပေါင်းရင်းမြစ်များ

BOHULO MONGO OLONGIA 16:1

Yi malo tahuda mai Eeya odeli Nabi Yehu walae̒e Hanan, tahuda-Lio, “Potunggula mao̒ odelei Baesa tahuli-U̒ botie,

OLUO MONGO OLONGIA 17:23

tilinggula pulitio Eeya diilalo lopoo̒ tuotai olimongolio, bo lopolayahe mota olimongolio lonto huta uilohi-Lio olimongolio. Uito lotoduo tutuuu̒de wolo poe̒ela uilohi mai lo Eeya ode limongolio lotimbulude tomongo wato-Lio, wau mongo nabi. Odi-odieelo mola taulo Isirai̒lu hepilo layahio mota ode Asyur, wau mota teteetolo timongolio lotibiluloa̒ tunggula todulahee botie.

OLUO MONGO OLONGIA 18:6

wau tatapu molotolo hilao to o-Lio. Diila pee̒enta mao̒ tio helo luwali to Eeya. Totoonulalo palenta lo Eeya uilohi lotimbulude olei Musa, hedilungohe lei Hiskia lou̒ tio̒otutua.

OLUO MONGO OLONGIA 21:10

Sababu uito lotimbulude tomongo nabi, mongo wato lo Eeya, Eeya lotahuda mai,

BOHULO TAWARI 29:29

Hikaayati lo tutumuli olongia Dauda lonto muloololio mai demola pulitio matiluladu todelomo buku Nabi Semuel, Nabi Natan wau Nabi Gad.

AYUBA 11:14

Yinggila mao̒ dusa monto hilaamu wau polaminga mao̒ u moleeto monto belemu!

AYUBA 36:10

Ilahulalio timongolio modungohe u piloe̒ela-Lio mai wau mololaa mao̒ ololeeti mongolio.

JABURU 50:7

“Dungohilo, umati-U̒, Wau̒ ohilaa motahuda mai, Isirai̒lu, Wau̒ ohilaa mosakusi to olimongoli; Wau̒ botie Allahu Taa̒ala, Allahu Taa̒alamu.

YEREMIA 11:7

Tou̒ Wau̒ lodelo loluuhuru limongolio yilumualai lonto Masiri, wolo mopatato wau moi̒laalo tutu Wau̒ lopoe̒elao̒ olimongolio alihu modungohe ola-U̒. Dilumutu to dulahee botie Wau̒ debo hemopo eelao̒ tulusi to umati-U̒ pasali losua̒li boito,

YEREMIA 18:11

Eeya lotahuda mai olaatia, “Botia, poleleaalo ode tau-tauwalo Yehuda wau ulipu lo Yerusalemu deu̒ Wau̒ donggo hemohutu lanjana u moluwali olimongolio, wau donggo hemopo dapato hukuumani ode limongolio. Ahuliilo timongolio mopohuheli dudelo tutumuli mongolio u odusa boito boli mopoo̒piohe pii̒li wau huhutu limongolio.

YEREMIA 25:3

“Ngotilonggadu dulo pulaa tolo taunu mola, tumulalo mai taunu opulaa tolulio pamalenta lei Yosia walao̒ talolai̒ lei Amon to Yehuda, demai to dulahee botia Eeya malo tahuda mai odelaatia wau diila pee̒enta mao̒ yilipatuu̒ lopo tunggulai ode olemu wolo u mapilo tahuda mai lo Eeya. Bo timongoli diila pandungi.

YEREMIA 3:7

To pikiili-U̒ mola lapatao̒ tio mohutu ngoa̒amilalo boito, tio mamuli mohualingai ode Olau̒. Bo tio diila lohualingai, tumbao̒ lonao̒ lotisuuntali. Uito sababuulio Wau̒ lotalaki wau lopolahi olio. Yehuda, wutato lo Isirai̒lu, tadiila tatapu wau molotolo hilao boito loo̒onto ngoa̒amilalo boito, bo tio diila yiloohe, tumbao̒ tio lodudua̒ lowali suuntali,

YEREMIA 34:14

Wau̒ lotahuda mai deu̒ ngoa̒amila wato lo Ibrani tamalomaya wolomo taunu mola hiheolio, musi lopatolo to pulito lotaunu opitulio. Bo loluuhurumu diila lohuto lopoo̒tuoto meaambo lodungohu wolo u tilahudaa-U̒ mai boito.

YEREMIA 35:15

Diila obuntoolio Wau̒ helolao mai ode limongoli ngoa̒amila wato-U̒ mongo nabi, wau timongolio malo nasehati olimongoli u mopoo̒piohe pii̒limu wau mohuheli mohutu u moleeto. Timongolio helo pe̒elao̒ olimongoli alihu u diila molubo ila-ila wewo wau diila momaya toli mongolio, alihu timongoli mowali tulusi motibiluloa̒ tolipu botie u mailohi-U̒ mai olimongoli wau loluhuuru limongoli. Bo timongoli diila mohuto mopoo̒tuoto wau diila mohuto modungohe ola-U̒.

YEREMIA 42:19

Lapatao̒ watia luli loloi̒ya mao̒, “Eeya malo malentai alihu timongoli tadonggo ilolabita to Yehuda diila monao̒ ode Masiri. Sababu uito watia mopoe̒elai olimongoli botia

YEHESKIEL 18:31

Pohuhelia mao̒ totoonulalo u moleeto u hepohutuo limongoli wau huliilo mao̒ hilao wau pikiilangimu mowali bohu. Yilongola timongoli musi mate?

YEHESKIEL 3:19

Wonu yio̒ mopoe̒elao̒ tamoleeto boito wau tio diila mohuto mohuheli mohutu u moleeto, yi tio maamate odelo tao̒dusa, bo yio̒ lohihilao mamoa̒ahu.

DANIALI 9:10

Mongowatotia diila helo dungohe suala lo Eeya, oo Eeya Allahu Taa̒ala lo mongowatotia, tou̒ piloa̒hu lo Eeya mongowatotia tumumula modudua̒ bubuu-too̒waalo u mailohi mai lo Eeya ode mongowatotia lotimbulude to mongonabi, mongowato lo Eeya boito.

HOSEA 11:2

Bo lebe hetiyango-U̒ walau̒u-U̒ boito botio lebe hemo poo̒laminga monto Olau̒. Tio lodelo bake wau helo lulube totabu duo̒lo Baa̒l wau dedeewaalo wewolio.

HOSEA 12:10

Bo Wau̒, Eeya Allahu Taa̒alaamu, taa lodelo olimongoli yilumualao̒ lonto Masiri, maa mohutu olimongoli muli motibiluloa̒ to kekeemawala debo odelo mulooloalio mai tou̒ Wau̒ leidungga mai ode olemu to auhu padengo.

HOSEA 12:11

Wau̒ maa lotahuda mao̒ ode mongonabi, wau longohi mai bibilohe dadaata ode limongolio. Lotimbuludei olimongolio Wau̒ lopoo̒taa mao̒ totoonulalo patuju-U̒ ode limongoli, umati-U̒,

HOSEA 14:1

Samaria musi hukuu-maniyolo sababu lomintaa̒ tingolo loluwali ola-U̒. Ulipulio maamate todelomo popaatea; mongo walai̒o unge malihitolio, wau mongobua tahi ombodaa̒wa butao̒ lio ombongio.”

HOSEA 4:15

Wuu timongoli taulo Isirai̒lu, timongoli diila tatapu wau molotolo hilao to ola-U̒! Bo halapuwo-U̒ Yehuda diila mohutu totala u tutuuwauwa! Diila mao̒ poi̒baadati to Gilgal meaalo to Betel. Diila mao̒ potadia mola teto domi tanggulo Eeya tatumu-tumulo.

WUNGGULI LOMONGO RASULU 20:21

Mopio ode tau-tauwalo Yahudi meaalo ode tau-tauwala bangusa wewo watia laito hemopoe̒ela alihu timongolio molilihu monto duduu-sawaalo limongolio wau monao̒ mai ode Allahu Taa̒ala, wau palacaya li Isa Eeya.

TINGULI 31:21

wau dadaata baala tilahuo̒ ulaba-labaalo mamei dungga mao̒ tolimongolio. Bo lahu botie madebo polahuwola wau pomake odelo ososakusi ode limongolio. Tumbao̒ botia tou̒ timongolio diipo deloo-U̒ mota ode lipu u pilodanti-U̒ mai, otaawa-U̒ dalalo pikiilangi limongolio.”

TINGULI 4:26

Potala hulungo wau dunia todulahee botie mowali sakusi deu̒ wonu timongoli diila modungoheo̒ olaatia, timongoli mahua̒a mooli monto huta u potibiluloa̒ limongoli to ngotuali lo Dutulaa Yordan boito. Timongoli diila tamohiheo motibiluloa̒ mota teto; timongoli mapo binasaalo sama-samaata.

TINGULI 8:19

Diila mao̒ lipata to Eeya Allahu Taa̒ala limongoli wau diila mao̒ pobale ode ila-ila wewo u molubo wau motiwato to ii̒i-lawaalo boito. Todulahee botie poe̒elau̒ mai olimongoli deu̒ wonu timongoli debo mohutu mao̒ olo, yi timongoli tantulo mao̒ pobinasa mai lo Eeya.

YOSUA 23:16

Wonu bolo timongoli molambanga daantia u mapiloa̒hu olimongoli lo Eeya Allahu Taa̒ala imongoli alihu dungohelo, wau timongoli mota moi̒baadati to ii̒i-lawaalo wewo wau molubo mao̒ ii̒i-lawaalo boito, yi Eeya mamo muluka, wau mohukuumani mai olimongoli. To delomo wakutu u ngoi̒ntalo mola timongoli mabinaasa monto lipu u mopiohe botie, uilohi mai lo Eeya ode limongoli.”

2 PETRUS 3:9

Eeya diila moboyu mongohi mai wolo u madilanti-Lio eleponu woluo tahemo lantobe odito. Bolii̒o mao̒, Tio sabali to olemu, sababu Tio diila mohuto penu boli ngotaa mao̒ binasa. Tio motohilaa alihu ngoa̒amila tau molilihu monto totoonulalo dusalio.

MONGO HAKIMU 6:10

Matilahuda-U̒ mai olimongoli deu̒ Wau̒lo Eeya Allahu Taa̒ala limongoli, wau deu̒ timongoli diila mowali molubo dedee-waalo bangusa lo Amori u lipulio pilo tibiluloa̒ limongoli masaatia botie. Bo timongoli diila loduduo̒ palentaa-U̒.’ ”

MONGO HAKIMU 6:8

Eeya lolao mai ngotaalio lonabi odeli mongolio. Nabi boito loloi̒ya odie, “Odie mola tahuda mai lo Eeya, Allahu Taa̒ala lo Isirai̒lu: ‘Timongoli mailopatu-U̒ mai lonto polowato to Masiri.

BOHULO SEMUEL 9:9

“Ooo̒!” Tametao̒ lei Saul, “Duloolo ito monao̒.” Lapatao̒ malonao̒lo timongolio ode kota, ode tambati lowato Allahu Taa̒ala boito. Tou̒ timongolio lotao̒de mola huludu u duludulunga ode kota boito, timongolio malo dunggaya wolo dengolo lota mongo dulahu u mamolime taluhee to ali. Lapatao̒ timongolio malohintu tomongo dulahu boito, “Wolo woluo tamoomilohe to kota?” (To jamani boito ngotaalio lo nabi heu̒nteelio tamoomilohe, oditolio wonu bolo ngotaalio ohilaa mohintu u hitua-tuawua ode Allahu Taa̒ala, yi tio moloi̒ya mao̒ odie, “Duloolo ito monao̒ mota ode tamoomilohe.”)