OLUO MONGO OLONGIA 17:11 - KITABI HABARI MOPIOHE

^11-12 Timongolio olo helolapo dupa to ngoa̒amila mesba ode dewa, odelo obobiasa lo babaa-ngusawalo tamaa pilopolahi lo Eeya lonto lipu lo Kanaa̒n. Timongolio helolubo balaahala, eleponu Eeya malodini mao̒. Totoonulalo huhutu limongolio u moleeto helo potoodei omuluka lo Eeya.

OLUO MONGO OLONGIA 17:11 ပူးပေါင်းရင်းမြစ်များ

BOHULO MONGO OLONGIA 13:1

Tou̒ boito woluo nabi ngota to Yehuda. Tio ilahula lo Eeya u lonao̒ mola ode Betel. Nabi boito leidungga mola odito tou̒ tei Yerobeam donggo tihutihula totalu lomesba u hemo podewo bake.

BOHULO MONGO OLONGIA 14:15

Eeya mamo hukuumani mai Isirai̒lu tilinggula moheheewula debo odelo hepu todelomo taluhu. Eeya mamo mahuto ulipu lo Isirai̒lu monto lipu umopiohe botie uilohi-Lio mai ode loluuhuru limongolio. Tio mamopo bubuua̒yawa olimongolio ode ngotuali lo Dutulaa Eperat, sababu timongolio malo potoodei omulukaa-Lio lou̒ helohutu bubuu-iyaalo dewi Asyera.

OLUO MONGO OLONGIA 12:4

Tou̒ dulahee tuwau tei Yoas lotiangai mongo iimamu wau helo poa̒hu olimongolio lolahu mao̒ doi ulotapu lonto dedee-wowaalo to Bele lo Eeya, mopio doi pomaayali u mopowoluo mai bake, meaalo doi uilohi wolo iloheela hilao.

OLUO MONGO OLONGIA 17:10

Toitaato timii̒du huludu, wau to walungo timii̒du bungo lo ayu u mohimbuyungo, timongolio helo potihulao̒ tutuu-guwaalo wau bubuu-iyaalo Dewi Asyera.

OLUO MONGO OLONGIA 21:6

Walai̒o pilodewolio odelo bake yilalango. Tei Manasye olo helohutu kalaja tamoo-hunemawa ngongoto wolo guna-guna, tamoo-laamalia wolo momilohe popoo-liyamalo, ilimu gaibu, wau helohile potuhata to roroo-huwaalo. Tio mailaba ilodusa to Eeya tilinggula loo̒toodei omulukaa-Lio.

OLUO TAWARI 28:25

To timii̒du kota wau kambungu to Yehuda hebilongulio tataa-mbatiyalo polubowalo balaahala u pomobuwalo dupa ode dedeewaalo bangusa wewo. Lou̒ odito tio helohutu to Eeya, Allahu Taa̒ala lomongo loluuhurulio lomuluka mai olio.

PILOTIMUA̒TA 23:24

Diila mao̒ polubo bubuu-iyaalo u mooduo̒lawa olimongolio wau diila mao̒ poduduo̒ dudelo limongolio moi̒baadati. Antulua mao̒ bubuu-iyaalo mooduo̒lawa olimongolio boito wau bolia mao̒ wowoo-lihiyaalo botu u hepomake limongolio u moi̒baadati.

YEREMIA 44:17

Totoonulalo umapilo danti lami, mapohutuo mao̒ lami olo. Ami madebo mopodewo bake ode Olongia taabua lo Sologa, wau moluwatao̒ taluhu angguru odelo dewo ode olio debo odelo u biasaalio hepilohutu lami to kokoo-tawaalo Yehuda wau to dadaa-lalaalo to Yerusalemu lo loluuhuru lami, lomongo olongia wau tahidihuma pantungo lo pamalenta lami boli ami lohihilao. Tou̒ boito ami o ua̒alo tutuuheta, ami maa̒amulu, wau diila ilodungga lou̒ suukali lolo-loolo.

HOSEA 9:10

Eeya lotahuda mai, “Tou̒ Wau̒ bohu-bohulio loo̒dungga umati lo Isirai̒lu, Wau̒ meengahu debo odelo taa loo̒dungga hungo lo angguru tohuta luasi udelita. Tou̒ Wau̒ bohu-bohulio loo̒onto loluuhurumu, Wau̒ sanangi debo odelo taa loo̒onto tilapulo bohulo hungo lo ara. Bo tou̒ timongolio lonao̒ mola ode Hui̒dee Peor, timongolio malo lumula lolubo Baa̒l, tilinggula timongolio lowali najisi debo odelo dewa u otolia̒ngo daa̒ limongolio boito.

TINGULI 12:2

Lapatao̒ timongoli tumuwota mola ode lipu boito timongoli musi mongantulu mao̒ tataa-mbatiyalo u hepo mujaalo toitaato huhuu-ideyaalo u molanggato, to huhuu-luduwaalo wau towalungo bubuu-ngowaalo ayu mohimbungo tambati pilotibiluloa̒ lobangusa mota teto u molubo ila-ila limongolio.

TINGULI 18:9

“Wonu bolo timongoli matilumuwoto ode lipu uilohi mai lo Eeya Allahu Taa̒ala limongoli ode limongoli, diila mao̒ poduduo̒ ololeeto debo odelo hepohutuo lo babaa-ngusawalo tawoluo mota teto.

TINGULI 32:16

Timongolio hemolubo balaahala, tilinggula Eeya lohiihia, omulukaa-Lio lobutu sababu ololeeto boito.

TINGULI 32:21

Timongolio helohutu ola-U̒ lohiihia to udiila Allahu Taa̒ala, wau helo muluka tobui̒ lo balaahala limongolio. Yi pilohutu-U̒ umati-U̒ mohiihia to udiila bangusa, wau moingo tobangusa taa̒balolo.