OLUO MONGO OLONGIA 16:7 - KITABI HABARI MOPIOHE

⁷ Tei Ahas malolao utolia odelei Tiglat-Pileser olongia lo Asyur wolo tahuli odie, “Watia watoonto utatapu wau molotolo hilao; sababu uito, watia momolohone ponao̒lo mai mopoa̒ahu olaatia monto oli olongia lo Siria wau olongia lo Isirai̒lu tadonggo hemoluhu olaatia.”

OLUO MONGO OLONGIA 16:7 ပူးပေါင်းရင်းမြစ်များ

BOHULO MONGO OLONGIA 20:4

Tei Ahab lolametao̒, “Polelea mao̒ odeli Olongia Benhadad deu̒ wau̒ akolo. Tio mowali motolahaku olau̒ wau totoonulalo milikiiu̒.”

OLUO MONGO OLONGIA 15:29

To maasa pamalenta lei Pekah, tei Tiglat-Pileser olongia lo Asyur helohama kota Iyon, Abel-Bet-Maakha, Yanoah, Kedes, Hajor, madala Gilead, Galilea wau Naputali. Ulipulio hebilintai̒o olo odelo tawalo ode Asyur.

OLUO MONGO OLONGIA 18:7

Uito sababuulio Eeya debo helo tuulungi mai olio tilinggula tio ilohaasili todelomo totoonulalo tolopanilio. Tio helo mintaa̒a tingolo toli olongia Asyur, wau diila mohuto taa̒aluku to olio.

BOHULO TAWARI 5:26

Sababu uito Allahu Taa̒ala helo ngoliyoo̒ hilaa lei Pul olongia lo Asyur, yi malonao̒ tio heloluhu lipu boito. Tei Pul olo oonuhe odelo tei Tiglat-Pileser. Lapatao̒ suku Ruben, Gad wau suku Manasye tato ambahu tiimuru lo Yordan hebilintai̒o odelo tawalo wau pilolayahio ode Halah, Habori, Hara wau ode tambati tuwau totili lo Dutulaa Gojan. Mola teto timongolio lotibiluloa̒ wau lotitatapu tunggula todulahee botie.

OLUO TAWARI 28:16

Tau-tauwalo Edom luli lolumula loluhu Yehuda wau helo tawalo dadaata tau. Sababu uito ti Olongia Ahas lohile olei Tiglat-Pileser, olongia lo Asyur, alihu momantu mai.

OLUO TAWARI 28:20

Ti Olongia Asyur boito lonao̒ mai diila mai lomantu olei Ahas, bo mai lopoo̒suusa olio.

YESAYA 2:6

Yaa Allahu Taa̒ala, Eeya malo lolaa umati lo Eeya, wali mai lei Yako! Sababu penu boli tou̒toonu tolipu botie tau hipomakea ilimi gaibu u asaliilio mai lonto tiimuru wau lonto Pilistin. Tau-tauwalo hipodudua̒ uu̒udu lotau deli.

YEREMIA 13:21

Wolo u maloiya limongoli wonu tau-tauwalo tahe pilohutu mao̒ limongoli odelo mongo sahabatimu boito mopoo̒laaheo̒ wau mongaawasa olimongoli? Tantu timongoli mamolaasa mopalato hilao debo odelo taabua tadonggo hemo potutu mai.

YEREMIA 17:5

Eeya lotahuda mai, “Wonu bolo tau mololaa ola-U̒, Eeyaalio, wau mohalapu tomanusia wau motiwunela to olootolio, yi Wau̒ mamo hukuumani mai olio.

HIYONGO MOPOILAALO SUUSA 4:17

Mato lami moongolo momilohe, hemohima tuulungi u diila hemei dungga mai. Ami hemohalapu bantua lobangusa tuwau, u tutuulio tutu diila moo̒ wohi wolo-wolo.

YEHESKIEL 16:28

Bo yio̒ debo diipo molaasa sanangi; sababu uito heila-yilapitamu taulo Asyur. Yio̒ lowali tasuuntali limongolio, bo debo diila olo loo̒tapu ilolulia lohilao lonto olimongolio.

YEHESKIEL 23:12

Ti Oholiba olo ohilaa daa̒ totau-tauwalo Asyur boito, deu̒yito-yito mongo bohulotau tahi gaagawa monto pasuukani owadala, tahi bangusawa wau tahidihuma pantungo lailaio̒, wau suludadu tahipakea ngotumba meela lailoumu boito.

YEHESKIEL 23:5

Penu boli ti Ohola malowali dile-U̒, tio debo hemoti suuntali, wau ohilaa daa̒ hemololimo mongo tilantahio lonto Asyur.

HOSEA 14:3

Muli pohualingolo ode Eeya wau potunggula mola dua̒ botie odelo dewomu ode Eeya, “Yaa Eeyaa, aambungualo mai toonula dusa lo mongowatotia, wau tolimowali dua̒ lo mongowatotia botie, yi mongowatotia maa momuji mola to Eeya debo odelo u maa dilaanti lo mongowatotia.

HOSEA 7:11

Isirai̒lu odito mota odia mai debo odelo bulungi poombo u mohulodu. Bohu-bohulio tau-taulio lei̒tuulungi to Masiri, lapatao̒ timongolio tilumetea̒ ode Asyur!