OLUO MONGO OLONGIA 16:3 - KITABI HABARI MOPIOHE

³ Tio tumutumulo debo odelo mongo olongia lo Isirai̒lu, tumbao̒ lopodewo walao̒ talolai̒lio lohihilao odelo bake ode dewa, lodudua̒ uu̒du mobulilo lotau-tauwalo tahe pilopolahi lo Eeya lonto lipu lo Kanaa̒n tou̒ taulo Isirai̒lu tilumuwota ode lipu boito.

OLUO MONGO OLONGIA 16:3 ပူးပေါင်းရင်းမြစ်များ

BOHULO MONGO OLONGIA 14:24

To tataa-mbatiyala boito timongolio helo tisuuntali odelo hipoluboa to dewa. Tumbao̒ mongo lolai̒ olo heo̒tuugasia odelo tasuuntali. Taulo Yehuda helohutu ngoa̒amila huhutu ukootoro u hepohutuo lo babaa-ngusawalo tamaa pilopolahi lo Eeya tou̒ taulo Isirai̒lu tilumuwotao̒ tolipu boito.

OLUO MONGO OLONGIA 17:16

Timongolio helo lambanga ngoa̒amila butoo̒ lo Eeya, Allahu Taa̒ala limongolio, wau lohutu sapi mohelu duluo lonto logamu u hetuboolo. Timongolio lohutu bui̒ lo Dewi Asyera, helolubo bibii-natangiyalo wau hipo ibaadatia ode Dewa Baal.

OLUO MONGO OLONGIA 17:17

Timongolio helo podewo mongo walai̒ mongolio odelo bake yilalango ode dewa. Timongolio helomake pongotota tomimbihu totoonulalo udiila oontonga wau hemohile potuhata monto huhuu-langowalo umowali mohumbuta wolo roroo-huwaalo. Timongolio malo odito olohio hemohutu susuu-aliyaalo udiila moo̒sanangi hilaa lo Eeya

OLUO MONGO OLONGIA 17:19

Tau tauwalo Yehuda olo diila helo dungohe totoonulalo butoo̒ lo Eeya, Allahu Taa̒ala limongolio. Timongolio heloo̒ dudua̒a obobiasa taulo Isirai̒lu,

OLUO MONGO OLONGIA 17:8

wau lodudua̒ obobiasa lo babaa-ngusawalo tamaa pilopolahi lo Eeya tou̒ bangusa lo Isirai̒lu lomaju heloluhu babaa-ngusawalo boito. Bangusa lo Isirai̒lu helo duduo̒ uu̒du u hetilantu mao̒ lomongo olongia lo Isirai̒lu,

OLUO MONGO OLONGIA 21:11

“Ti Olongia Manasye moleeta daa̒. Huhutuulio lebe moleeto wolo huhutu taulo Kanaa̒n. Wolo babaa-laahalaalo u hepilo hutulio, tio maloo̒ sababu taulo Yehuda ilodusa.

OLUO MONGO OLONGIA 21:2

Tei Manasye ilodusa to Eeya, sababu loo̒dudua̒ totoonulalo obobiasa u moleeto lo babaa-ngusawalo tamaa pilopolahi lo Eeya lonto Kanaa̒n tou̒ taulo Isirai̒lu tilumuwota ode lipu boito.

OLUO MONGO OLONGIA 21:6

Walai̒o pilodewolio odelo bake yilalango. Tei Manasye olo helohutu kalaja tamoo-hunemawa ngongoto wolo guna-guna, tamoo-laamalia wolo momilohe popoo-liyamalo, ilimu gaibu, wau helohile potuhata to roroo-huwaalo. Tio mailaba ilodusa to Eeya tilinggula loo̒toodei omulukaa-Lio.

OLUO MONGO OLONGIA 21:9

Bo taulo Yehuda diila lodungohe to Eeya, wau tei Manasye tumbao̒ maloo̒ sababu olimongolio helohutu duduu sawaalo ulebe moleeto wolo dusa u hepilohutu lo babaa-ngusawalo tapilolahi lo Eeya lonto Kanaa̒n tou̒ umati lo Isirai̒lu tilumuwota ode lipu boito.

OLUO MONGO OLONGIA 23:10

Topet, deu̒yito-yito tambati polubowalo dewa to Lumbaya Hinom, pilopo najisilio. Lou̒ odito madiduu̒ taa umoo̒ podewo walai̒o odelo bake yilalango ode Dewa Molokh.

OLUO MONGO OLONGIA 8:18

Tio lonika wolo walae̒e Ahab, wau debo odelo u hepilohutu longaalaa̒ lei Ahab, yi tio olo heilodusa to Eeya debo odelo mongo olongia lo Isirai̒lu.

OLUO TAWARI 33:2

Tio ilodusa to Eeya, sababu heloo̒ dudua̒ totoonulalo obibiasa u moleeto lo babaa-ngusawalo tamaa pilolahi lo Eeya lonto Kanaa̒n tou̒ taulo Isirai̒lu tilumuwotao̒ ode lipu boito.

OLUO TAWARI 33:6

Mongo walai̒o hepilo dewolio odelo bake yilalango to Lumbaya Hinomi. Tio olo loi̒laalo helohutu huhutu lo tamoo-hulangowa, tamoo-ngisimuwa, ilimi gaibu, wau hemohile potuhata to roroo-huwaalo. Tio ilodusa daa̒ to Eeya tilinggula loo̒toodei muruka lo Eeya.

JABURU 106:35

Timongolio tumbao̒ helo ulambohe wolo babaa-ngusawalo boito, wau heloo̒ baaya dudelo lotaa diila hitootawa to Allahu Taa̒ala.

YESAYA 57:5

Timongoli hipolubowa dedeewaalo molomiodu wolo hemopoluli mao̒ batangamu odeloa lonapusu towalungo bubuu-ngowaalo ayu auliyamu. Timongoli hipolo-bungowa mongo walai̒ mongoli tolumbaya lo dutulaa, to hihii-yangowalo botu.

YEREMIA 32:35

Timongolio helomongu memees-bawaalo ode Baal to Lumbaya Hinom, wau helo podewo mongo walai̒ mongolio ode Dewa Molokh. Lebe-lebe pomao̒, Wau̒ diila pee̒enta mao̒ helo poa̒hu olimongolio helohutu sua̒li boito, tumbao̒ diila pee̒enta mao̒ tilumoodei todelomo pikiilangi-U̒ deu̒ timongolio mamohutu huhutu debo odelo kootolo leeto wau mohutu taulo Yehuda odusa.”

YEHESKIEL 16:21

Wolo mapaatuti hamaamu mongo walau̒u-U̒ wau mopobake mao̒ olimongolio ode babaa-laahalaalo?

YEHESKIEL 16:47

Wolo yio̒ olulia lohilao modudua̒ baa̒ati mongolio wau moo̒baaya huhutu limongolio u moo̒olonuo̒ boito? Diipo! Diilalo ngoolo mola hiheolio yio̒ tumbao̒ lebe kootolo poli woli mongolio.

YEHESKIEL 20:26

Piloluli-U̒ timongolio helo ponajisi batanga wolo babaa-keyaalo limongolio lohihilao, tumbao̒ walai̒ mongo lolai̒ tamohuhula hepilobake limongolio. Wolo dudelo boito, Wau̒ helo hukuumani mai olimongolio alihu otaawa mao̒ limongolio deu̒ Wau̒ulo Eeya.

YEHESKIEL 20:31

Tumbao̒ tunggula to dulahee botie olo timongoli hemo ponajisi batanga wolo hemodelo dewo wau hemomobu mongo walai̒ mongoli odelo bake ode babaa-laahalaalo. Lapatao̒ tingga donggo buheeli timongoli mei̒ potuhata monto Olau̒? Domi Wau̒, Allahu Taa̒ala tatumu-tumulo, Eeya Taa Laba-labaalo molanggato, timongoli diila luasiya-U̒ mei̒ potuhata monto Olau̒.

IMAAMATI 18:21

Diila mao̒ tala ngota lowalau̒mu u pobakeelo todelomo pomujaalo Molokh, sababu huhutu boito mohina tanggulo Allahu Taa̒ala Eeyaamu.

IMAAMATI 20:2

moloi̒ya mao̒ sua̒li botie ode bangusa lo Isirai̒lu, “Ngota-ngota towolota limongoli meaalo tau deli tadebo towolota limongoli tamo pobake mao̒ walai̒o ode Molokh, musi pai̒yola wolo botu tunggula mate lo ngoilanggubu ulipu.

MIKHA 6:7

Wolo Eeya masanangi wonu ito modelo ode Eeya hilihu-lihua himba meaalo leta-letaaa̒ daa̒ winulo jaitun? Wolo maamusi ito mopodewo ode Eeya walao̒onto tamohuhula daa̒ odelo potolota to duduu-saanto?

TINGULI 12:31

Dudelo babaa-ngusawalo boito u hemolubo ila-ila limongolio, diila mao̒ dudui̒ limongoli u molubo Eeya Allahu Taa̒ala limongoli, sababu timongolio molubo wolo mohutu totoonulalo huhutu kootolo u yilonuo̒ lo Eeya. Tumbao̒ mongo walai̒ mongolio lohihilao hepobuo limongolio toitaato mesba odelo bake ode ila-ila limongolio.

TINGULI 18:10

Towolota limongoli diila mao̒ woluo tamo podewo lomongo walai̒o odelo bake yilalango. Wau diaaluo penu boli ngotaa mao̒ mowali tamoo-laamalia, mololohe tutuuotalo, momake ii̒i-simuwaalo meaalo