To taunu opulaa duluo pamalenta li Olongia Ahas to Yehuda, tei Hosea walae̒e Ela lowali olongia lo Isirai̒lu, wau tio helo malenta to Samaria tio lotaunu mola hiheolio.
Ti Olongia Ahas yito walao̒ talolai̒ lei Yotam wombu lei Ujia. Tou̒ tio hemo malenta Yehuda, malopoo̒ popaatea. Tei Rejin olongia lo Siria, wolei Pekah walao̒ talolai̒ lei Remalya olongia lo Isirai̒lu, mai loluhu Yerusalemu. Bo diila ilohama limongolio kota boito.
Tei Mikha asaliilio mai lonto kota tuwau mooyoto, u ilunte Moresyet. Tomaasa lipu lo Yehuda pilalenta tutuuntunga mola li Olongia Yotam, Ahas wolei Hiskia, tei Mikha lololimo tahuli lo Eeya pasali lo Samaria wau Yerusalemu.