OLUO MONGO OLONGIA 13:4 - KITABI HABARI MOPIOHE

⁴ Lapatao̒ tei Yoahas lodua̒ mola ode Eeya, wau Eeya lodungohei dua̒lio boito, sababu Eeya loo̒onto mai mailaba parangilio olongia lo Siria hemodeehe taulo Isirai̒lu.

OLUO MONGO OLONGIA 13:4 ပူးပေါင်းရင်းမြစ်များ

ILOOWALI 21:17

Allahu Taa̒ala loo̒ dungohe suala lei Ismai̒lu, wau lonto hulungo malai̒kati lo Allahu Taa̒ala lotahuda mai odeli Hagar, tahudaa-Lio, “Wolo u hemoo̒suusa olemu, Hagar? Diila mao̒ oohe. Allahu Taa̒ala maloo̒ dungohe suala lo walau̒mu.

ILOOWALI 31:42

Humayaalio watia diila diluo̒lai lo Allahu Taa̒ala loluuhuru lowatia, deu̒yito-yito Allahu Taa̒ala tahe pujaa lei Abraham wolei Isihaka, yi ti Oomu tantuulo mao̒ malopoa̒hu olaatia lonao̒ wolo uluu̒ laulau. Bo Allahu Taa̒ala malo poo̒tuotai osuusa lowatia wau kalaja u mapilohutu lowatia, wau ohui Tio malongohi mai putusani-Lio.”

OLUO MONGO OLONGIA 13:22

Ngotilonggadu pamalenta lei Yoas, tei Hajael olongia lo Siria helodeehe taulo Isirai̒lu.

OLUO MONGO OLONGIA 13:23

Bo Eeya lodehu hilao to umati-Lio wau helo ngambungu mai olimongolio. Tio diila motohilaa mopoluli olimongolio pobinasaalio bo motulungi olimongolio domi daantia-Lio wolei Abraham, Isihaka wau Yako. Tunggula botie diila pee̒enta mao̒ Eeya helo malonga umati-Lio.

OLUO MONGO OLONGIA 14:26

Eeya loo̒onto mai malo odito dutolio taulo Isirai̒lu, wau diaaluo boli ngotaa mao̒ tamohuto motulungi olimongolio.

OLUO TAWARI 33:19

Todelomo buku Sojara lo Mongo Nabi matiluladu olo dua̒ lei Manasye wau totametai lo Allahu Taa̒ala todua̒ boito, wau hikaayati pasali lo duduu-saalio tou̒ tio diipo lolilihu, tataa-mbatiyaalo polubowalo balaahala wau bubuu-iyaalo Dewi Asyera u hepilo hutulio, wau babaa-laahalaalo u tilubolio.

ESRA 8:23

Yi malo puasaalo ami wau helodua̒ mola to Allahu Taa̒ala lei̒ duo̒lai wau Allahu Taa̒ala olo lodungohe dua̒ lami.

AYUBA 22:27

Wonu yio̒ modua̒ mola, Eeya mamolametai olemu, wau yio̒ moo̒ pomata totoonulalo dantimu.

JABURU 50:15

Pongiibodulo to Olau̒ tou̒ oweepita, Wau̒ mamo lopatai olimongoli, wau timongoli mamomuji ola-U̒.”

JABURU 78:34

Timii̒du Allahu Taa̒ala momate mateelo mao̒ dengolo lota towolota limongolio, tawewo helolee̒e wau luli lohualinga ode Eeya.

PILOTIMUA̒TA 3:7

Lapatao̒ Eeya lotahuda mai, “Wau̒ maloo̒onto polo dutolo lo umati-U̒ to Masiri, wau malo dunggohe olimongolio hiwaatia̒ mei̒ lopata monto tau-tauwalo tahi podeehea olimongolio. Tutuulio mao̒ tutu, otaawa-U̒ ngoa̒amila polo dutolo limongolio.

PILOTIMUA̒TA 3:9

Hihiyongo bangusa lo Isirai̒lu mai̒lo dungohe-U̒, wau iloontanga-U̒ olo woloolo mola timongolio hedileehe bangusa lo Masiri.

YESAYA 26:16

Eeya malo hukuumani olamiaatia; todelomo ileepita amiaatia lololaa mao̒ to Eeya, wau helodua̒ mola to Eeya, yaa Eeya.

YESAYA 63:9

Eeya lohihilao ilodungga lo usuusa limongolio, Eeya diila lolao utolia meaambo duta; Eeya lohihilaolo talo lopata olimongolio sababu ponu wau odehu hilaa-Lio. Eeya laito molaala olimongolio tumulalo muloololio mai daa̒.

YEREMIA 2:27

Timongoli mapoo̒o-litolio, sababu ayu ngoputu hetanggula limongoli paapa wau botu tuwau hetanggula limongoli maama. Timongoli diila bo lonao̒ mai ode Olau̒, bo helo lolaa ola-U̒. Bo wonubolo meidungga mai usuukali, Wau̒ulo tamotiango olimongoli u monao̒ mai mopoa̒ahu olimongoli.

YEREMIA 33:3

“Pongiibodulo ola-U̒, yi Wau̒ mamotuwahei; mapotaa-U̒ mai olemu susuu-aliyaalo ugaaga wau moo̒linggolabu u diipo otaawamu.

YIA̒APO 21:7

Lapatao̒ bangusa boito malo dudulao̒ odelei Musa wau loloi̒ya, “Amiaatia mailodusa sababu helobiihu to Eeya wau olemu. Podua̒alo mola ode Eeya alihu tutuu-liduwaalo botie mohalaheo̒ monto olami.” Yi tei Musa malodua̒ mao̒ tobangusa boito.

MONGO HAKIMU 10:10

Lapatao̒ umati lo Isirai̒lu helo ngiibodu mola ode Eeya, ualio mao̒, “Mongowatotia mailodusa to Eeya, mongowatotia diila lomandungi to Eeya, oo Allahu Taa̒ala lo mongowatotia. Mongowatotia helolubo bubuu-iyaalo Baal.”