OLUO MONGO OLONGIA 13:1 - KITABI HABARI MOPIOHE

¹ To taunu odulo pulaa totolu pamalenta lei Yoas walae̒e Ahasia to Yehuda, tei Yoahas walae̒e Yehu lowali olongia lo Isirai̒lu, wau tio helo malenta to Samaria mopulaa pitu lotaunu mola hiheolio.

OLUO MONGO OLONGIA 13:1 ပူးပေါင်းရင်းမြစ်များ

OLUO MONGO OLONGIA 11:21

Tei Yoas o umulu pitu lopulu lotaunu tou̒ tio lowali olongia lo Yehuda.

OLUO MONGO OLONGIA 11:4

To taunu opitulio, mongo polowila tamoo-kawalia batanga hihilao li olongia taabua wau tahi pokawalia bele biluloa̒ saaha li olongia tiliango li Iimamu Yoyada mai lodunggaya wolio to Bele lo Eeya. Mola teto tio lopoa̒hu olimongolio helo tadia u moponao̒ lanjanaalio. Tio lopo biloheo̒ olei Yoas, walao̒ talolai̒ li Olongia Ahasia, ode limongolio,

OLUO MONGO OLONGIA 12:1

To taunu opitulio pamalenta lei Yehu to Isirai̒lu, tei Yoas lowali olongia lo Yehuda. Tio helo malenta to Yerusalemu wopato pulu lotaunu mola hiheolio. Tiilolio ilunte Jibya lonto kota Bersyeba.

OLUO MONGO OLONGIA 13:10

To taunu otolo pulaa pitu pamalenta li Olongia Yoas to Yehuda, tei Yoas walae̒e Yoahas lowali olongia lo Isirai̒lu wau helo malenta to Samaria mopulaa wolomo taunu mola hiheolio.

OLUO MONGO OLONGIA 13:2

Debo odelo ti Olongia Yerobeam tahe lomalenta tou̒ dipo-dipolulio mai tio, tei Yoahas olo ilodusa to Eeya wau heloo̒ sababu taulo Isirai̒lu ilodusa. Tio diila pee̒enta mao̒ helo lolaa totoonulalo huhutuulio u moleeto.

OLUO MONGO OLONGIA 8:26

Tou̒ boito tei Ahasia o umulu dulo pulaa dulo taunu, wau tio helo malenta to Yerusalemu ngotanu mola hiheolio. Tiilolio ilunte Atalya, walai̒ Olongia Ahab wau wombu lei Omri olongia lo Isirai̒lu.