OLUO MONGO OLONGIA 12:4 - KITABI HABARI MOPIOHE

⁴ Tou̒ dulahee tuwau tei Yoas lotiangai mongo iimamu wau helo poa̒hu olimongolio lolahu mao̒ doi ulotapu lonto dedee-wowaalo to Bele lo Eeya, mopio doi pomaayali u mopowoluo mai bake, meaalo doi uilohi wolo iloheela hilao.

OLUO MONGO OLONGIA 12:4 ပူးပေါင်းရင်းမြစ်များ

BOHULO MONGO OLONGIA 3:2

Sababu Bele lo Eeya diipo bilongulio tou̒ boito, yi ulipu donggo hemo podewo bake to utoonulalo tambati.

BOHULO MONGO OLONGIA 3:3

Tei Salomo motolia̒nga to Eeya wau helo dudua̒ toonula potuhata liyamolio, bo tio donggo hemo ngoloto wau hemo podewo binatangi to utoonulalo tambati.

BOHULO MONGO OLONGIA 7:1

Tei Salomo lomongu olo bele biluloa̒ li olongia ode batangalio. Pilomongula bele biluloa̒ saaha li olongia boito hiheolio mopulaa tolo taunu mola.

OLUO MONGO OLONGIA 12:18

Yi tei Yoas lolao mota ode olio doi potoloto. Doi boito helo tapulio lonto ngoa̒amila dewo u muloololio mai mailudu ode Eeya lei Yoas lohihilao wau lei Yosapat, lei Yoram wolei Ahasia, deu̒yito-yito mongo olongia tahe lomalenta tou̒ dipo-dipolulio mai tio. Wau olo monto ngoa̒amila hulawa todelomo bulua Bele lo Eeya wau bele biluloa̒ saaha li olongia. Yi tei Hajael diila lomata loluhu Yerusalemu.

OLUO MONGO OLONGIA 12:5

Timii̒du iimamu musi tihu-tihula todoi upilodewo lotau-tauwalo tahe bayaalio. Doi boito mapomake u mopoo̒piohe totoonulalo u hiruusawa to Bele lo Eeya.

OLUO MONGO OLONGIA 14:4

tio olo diila helo pobinaasa tataa-mbatiyalo polubowalo to dewa, tilinggula ulipu tulusi wambai̒o hemo podewo bake wau hemolapo dupa mola teto.

OLUO MONGO OLONGIA 15:4

Bo leetio, tio diila helo pobinasa tataa-mbatiyalo polubowalo dewa, tilinggula ulipu debo hemo podewo bake wau hemolapo dupa mota teto.

OLUO MONGO OLONGIA 16:4

Tei Ahas helo podewo bake wau helolapo dupa to tataa-mbatiyalo polubowalo dewa to huhuu ideyaalo wau towalungo bubuu-ngowaalo ayu u mohimbungo.

OLUO MONGO OLONGIA 17:11

Timongolio olo helolapo dupa to ngoa̒amila mesba ode dewa, odelo obobiasa lo babaa-ngusawalo tamaa pilopolahi lo Eeya lonto lipu lo Kanaa̒n. Timongolio helolubo balaahala, eleponu Eeya malodini mao̒. Totoonulalo huhutu limongolio u moleeto helo potoodei omuluka lo Eeya.

BOHULO TAWARI 18:11

Tei Dauda helo podewo mao̒ ngoa̒amila palaseni boito ode Eeya u pohunaalo todelomo upacala lo ibaadati. Odito olo hepilo hutulio wolo babaa-langiyaalo hulawa wau talaa̒ u mailambatio mai lonto olei Hadadejer wau babaa-ngusawalo tai̒lo-laahelio, deu̒yito-yito bangusa lo Edom, Moab, Amon, Pilistin wau Amalek.

BOHULO TAWARI 29:17

Otaawa lo watotia Eeya helotesi mai hilaa lo timii̒du ngotaalio wau Eeya motohilaa taa umantali hilaalio. Wolo hilao motulidu wau ihilasi wau hilao sanangi pilodewo mola lo watotia ngoa̒amilalo botie ode Eeya. Watotia malo sakusi woloolo mola umati lo Eeya tahi ambua tewe helodelo dewo limongolio ode Eeya wolo sanangi lohilao.

OLUO TAWARI 15:18

Ngoa̒amila hulawa wau talaa̒ boli babaa-langiyalo wewo odelo tilapulo u yilambatai todelomo popaatea haku liyamolio wau batangalio lohihilao pilopo dutulio to Bele lo Eeya u lowali haku lo Eeya.

OLUO TAWARI 31:12

lapatao̒ helo lahu ngoa̒amila wowohi wau wowohi ngotayade mopulu boito todelomo wiwii-bungowalo boito. Ngotaalio lo Lewi tai̒lunte Konanya, yilohia tuugasi tamoo-ngimatoa, wau tei Simei tawali-yaliilio pilopowali tamoo-mantua olio.

OLUO TAWARI 35:2

Tei Yosia helo layadeo̒ ode mongo iimamu tutuu-gasiyaalo u musi kalaja mao̒ limongolio to Bele lo Eeya, wau helo nasehati olimongolio alihu mokalaja lou̒ mopiohu.

ESRA 1:6

Ngoa̒amila tiheedi mongolio lodudua̒ lomantu helongohi mao̒ babaa-rangiyaalo, debo odelo pakaa-kasiyaalo talaa̒ wau hulawa, potomeu̒ todalalo, binatangi podetohelo, harata upango wewolio wau dedee-wowaalo ode Bele lo Eeya.

ESRA 2:69

Tiongolio helongohi mao̒ dembulo lodudua̒ u omamboa limongolio ngota-ngota wau tilapulio yito limo lohetuto kilo hulawa, dulo lihu walu lohetuto kilo talaa̒, ngohetuto pata jumba ode mongo iimamu.

ESRA 7:16

Delowalo mota olo ngoa̒amila hulawa wau talaa̒ u yilimoo̒ lo Wutato to ngoilanggubu Babel wau totoonulalo dembulo bangusa lo Isirai̒lu wau mongo iimamulio duo̒lo Bele lo Eeya Allahu Taa̒ala limongolio to Yerusalemu.

PILOTIMUA̒TA 35:22

Tatoonu wambai̒o tamohuto, mopio talolai̒ meaalo taabua, modelo pake alumbeneti, ante-ante, hua̒limo, lante, wau totoonulalo hidala-dalaala pake hulawa u podewolo ode Eeya.

PILOTIMUA̒TA 35:29

Ngoa̒amila taulo Isirai̒lu wolo iloheela lohilao lodelo mota dewo limongolio ode Eeya duo̒lo kalaja upilo malenta lo Eeya loli olei Musa.

PILOTIMUA̒TA 35:5

Delowa mao̒ dewo ode Eeya. Tatoonu tai̒lu moliyoo̒ hilaalio, musi mopodewo mao̒ hulawa, talaa̒, wau polunggu;

PILOTIMUA̒TA 36:3

Tei Musa longohi mao̒ olimongolio totoonulalo u podembulo taulo Isirai̒lu duo̒lo kalaja momangu Kema lo Eeya. Bo bangusa lo Isirai̒lu donggo tulusi wambai̒o hemodelo mai dewo odelei Musa timi-timii̒du dumodupo.

IMAAMATI 27:31

Wonu tahingota-ngotaawa ohilaa motoloto ngotayadu tilapula boito, tio musi momayali halagaalio u matilantu mao̒ duhengalo dulopulu poloseni.

LUKASI 21:4

Sababu timongolio ngoa̒amila longohi ololebe lohalata limongolio. Bo janda botie, eleponu mosikini tutu, malongohi ngoa̒amila uwoluo too̒lio u palaluolio lohihilao u potumulo.”