OLUO MONGO OLONGIA 12:3 - KITABI HABARI MOPIOHE

³ Bo atio̒olo, tambati hepo lubuwalo dewa diila pilopo binasaalio, tilinggula ulipu donggo hemo podewo bake wau hemolapo alama mota teto.

OLUO MONGO OLONGIA 12:3 ပူးပေါင်းရင်းမြစ်များ

BOHULO MONGO OLONGIA 15:11

Debo odelo tei Dauda, nenemoyaalio, tei Asa helopoo̒ sanangi hilaa lo Eeya.

BOHULO MONGO OLONGIA 15:14

Eleponu diila ngoa̒amila tambati polubowalo balaahala ilaantulu lei Asa, bo tio debo tatapu wau molotolo hilao to Eeya ngotupa lo tutumulio.

BOHULO MONGO OLONGIA 22:43

Debo odelo tei Asa, tiyamolio, tei Yosapat helohutu wolo u mopiohe to bibilohu Eeya. Tio helo poo̒pulito lonto bele biluloa̒ saaha li olongiaalio ngoa̒amila mongo lolai̒ suuntali wau mongobua suuntali tahi otuugasia to tataa-mbatiyalo hepolubowalo balahala u donggo leitolaa mao̒ lonto jamani lei Asa, tiyamolio. Bo tataa-mbatiyalo polubowala boito lohihilao diila he ilantululio. Ulipu debo donggo hipodewowa bake wau alama mola teto. Tei Yosapat helohutu mao̒ kakaa-paliyalo Tarsis mola lohama hulawa lonto Opir, bo kakaa-paliyalo boito diila lomata lobite sababu lorusa to Esion-Geber. Ti Olongia Ahasia lonto Isirai̒lu helolaawari mao̒ alihu tahi pokalajawa to kapalilio mobite pee̒-pee̒enta wolo tahi pokalajawa tokapali lei Yosapat, bo tei Yosapat diila lohuto eleponu tio owumbuta u mopiohe woli olongia lo Isirai̒lu. Lapatao̒ tei Yosapat yilate wau yilobungio mao̒ to hepo lobungaalo mongo olongia tokota lei Dauda. Tei Yoram walai̒o lowali olongia lobuulota wolio. Hikaayati wewolio tomimbihu olei Yosapat, tomimbihu opahalawanilio wau popaatealio matiluladu todelomo buku Sojara Mongo Olongia lo Yehuda. To Jamani boito lipu lo Edom diila o olongia. Tapare-palenta mola teto yito ngotaalio lo uhuuhu.

OLUO MONGO OLONGIA 12:2

Tuheeta diidiki li Iimamu Yoyada, tei Yoas ngotupa lo tutumulio helohutu u loo̒sanangi hilaa lo Eeya.

OLUO MONGO OLONGIA 14:4

tio olo diila helo pobinaasa tataa-mbatiyalo polubowalo to dewa, tilinggula ulipu tulusi wambai̒o hemo podewo bake wau hemolapo dupa mola teto.

OLUO MONGO OLONGIA 15:3

Debo odelo tiyamolio, tei Ujia olo helohutu u loo̒sanangi hilaa lo Eeya.

OLUO MONGO OLONGIA 15:35

Bo leetio, tataa-mbatiyalo polubowalo dewa diila ilantululio tilinggula ulipu debo tulusi wambai̒o hemo podewo bake wau hemolapo dupa mota teto. Tei Yotamilo talo mongu huhebu Hulubangi Tilayo to Bele lo Eeya.

OLUO MONGO OLONGIA 15:4

Bo leetio, tio diila helo pobinasa tataa-mbatiyalo polubowalo dewa, tilinggula ulipu debo hemo podewo bake wau hemolapo dupa mota teto.

OLUO MONGO OLONGIA 18:3

Tei Hiskia helohutu u loo̒sanangi hilaa lo Eeya debo odelo ti Olongia Dauda loluuhurulio.

OLUO MONGO OLONGIA 18:4

Tio helo ngantulu tataa-mbatiyalo u polubowalo dewa, wau lopo lohubeo̒ tutuugulio wau helo ngantulu bubuu-iyaalo Dewi Asyera. Tio olo longantulu mao̒ tulidee lo polonggu huhutuulio lei Musa u ilunte Nehustan. Sababu, tunggula tou̒ boito taulo Isirai̒lu donggo hipomobua dupa u mohurumati tulidee polonggu boito.

OLUO MONGO OLONGIA 22:2

Tei Yosia helohutu uloo̒ sanangi hilaa lo Eeya. Tio loo̒baaya oli Olongia Dauda loluuhurulio, wau helo dungoheo̒ ngoa̒amila butoo̒ Allahu Taa̒ala wolo lealeaatu lohilao.

OLUO TAWARI 31:4

Ngopohia leeto ti olongia helo poa̒hu ulipu lo Yerusalemu lodelo dewo utilantu mao̒ lomongo iimamu wau taulo Lewi, alihu timongolio mowali mopoo̒ tuotao̒ lea-leaatulo mao̒ to Bele lo Eeya debo odelo u leituladu todelomo bubuu-too̒waalo Eeya.

YEREMIA 2:20

Eeya lotahuda mai, “Malohiheo yio̒ diila motohilaa motiwato to Olau̒; diila motohilaa modungohe meaalo molubo ola-U̒. Toitaato timii̒du huludu u bihibihile molanggato, wau towalungo timii̒du bungo lo ayu u mohimbungo yio̒ helolubo dedeewaalo u molomiodu.