OLUO MONGO OLONGIA 11:2 - KITABI HABARI MOPIOHE

² Tei Yoas walae̒e Ahasia ngopee̒ ilopatealio yila-yilateelo mao̒ olo wolo walao̒ mongo lolai̒ li olongia wewolio, bo tio loo̒lahi piloa̒ahu li Yoseba pou̒laalio. Tei Yoas wau tamolaalawa olio lodelo olio wau loluuo̒ to huwali tuwau hepo tuluhelo to Bele lo Eeya.

OLUO MONGO OLONGIA 11:2 ပူးပေါင်းရင်းမြစ်များ

BOHULO MONGO OLONGIA 11:17

Bo, tei Hadad utou̒ boito donggo muda, matilumetea̒ ode Masiri wolo dengolo lota taulo Edom, tahi pomayawa liyamolio.

OLUO MONGO OLONGIA 11:21

Tei Yoas o umulu pitu lopulu lotaunu tou̒ tio lowali olongia lo Yehuda.

OLUO MONGO OLONGIA 11:3

Wolomo taunu mola hiheolio ti Yoseba helolaala walao̒ boito todelomo Bele lo Eeya tou̒ ti Atalya pale-palenta odelo olongia taabua.

OLUO MONGO OLONGIA 12:1

To taunu opitulio pamalenta lei Yehu to Isirai̒lu, tei Yoas lowali olongia lo Yehuda. Tio helo malenta to Yerusalemu wopato pulu lotaunu mola hiheolio. Tiilolio ilunte Jibya lonto kota Bersyeba.

OLUO MONGO OLONGIA 8:16

Tei Yehoram walae̒e Yosapat lowali olongia lo Yehuda tou̒ ti Olongia Yoram walae̒e Ahab malo malenta Isirai̒lu limo lotaunu mola.

OLUO MONGO OLONGIA 8:19

Bo Eeya diila lohuto helo pobinasa mai Yehuda sababu Eeya malodanti mai odelei Dauda wato-Lio, deu̒ waliilio mola debo mamowali olongia.

OLUO TAWARI 22:11

Tei Ahajia owutato taabua ngota tai̒lunte Yoseba talonika wolo iimamu ngota tai̒lunte Yoyada. Lou̒ poo̒-poo̒oyo ti Yoseba lohama walao̒ talolai̒ lei Ahajia tai̒lunte Yoas towolota lomongo walai̒ olongia tamaa pateelio li Atalya mate-mateelo mao̒. Walao̒ boito wolo tahe moraawati olio tiluui̒o todelomo huwali tuwau to Bele lo Eeya. Odi-odieelo mola ti Yoseba helo poa̒ahu towalao̒ boito tilinggula diila ilopatea li Atalya yila-yilateelo mao̒.

PILOTIMUA̒TA 8:3

Dutulaa Nil mamopolu mai wolo tumbihe, tilinggula bibii-natangiyala boito lumualai monto taluhu wau tumuwotai ode bele biluloa̒ saaha li olongiaamu, ode delomo huwali potuluhelo wau tambati potuluhemu, ode delomo bebee-leyaalo lo tahidihuma pantungo lipu wau ulipu, tumbao̒ ode delomo tambati pomanggangiyalo roti wau papaa-njiyaalo.

POHUMAYA 21:30

Diaaluo ootota, ootoloo̒ meaambo otinepo umoo̒ taahangi totalu lo Eeya.

YESAYA 37:35

Kota Yerusalemu mapoduuluwa-U̒ wau duo̒la-U̒ domi ohurumati-U̒ lohihilao wau domi daantia-U̒ wolo wato-U̒ tei Dauda.’ ”

YEREMIA 33:17

Wau̒, Eeya, modanti mai deu̒ laito mawoluo mola ngotaalio wali mai lei Dauda tamowali olongia lo Isirai̒lu;

YEREMIA 33:21

Odito olo Wau̒ malo ngawade daantia wolei Dauda wato-U̒, deu̒ monto waliilio mai laito mawoluo mola ngotaalio tamowali olongia; wau Wau̒ malo ngawade daantia wolo mongo iimamu wali mai lei Lewi deu̒ timongolio laito mamomaya ola-U̒. Dadaa-ntiyaalo boito diila mowali lulutolo.

YEREMIA 33:26

odito olo Wau̒ madebo modihu daantiaa-U̒ wolo wali mola lei Yako wolei Dauda wato-U̒. Ngotaalio lo wali mola lei Dauda matulaotu-U̒ u momalenta wali lei Abraham, Isihaka, wau Yako. Wau̒ mamodehu hilao to umati-U̒, wau mohutu mai olimongolio muli maa̒amulu.”

YEREMIA 35:2

“Ponao̒lo mota mobisala walo tau-tauwalo kaumu Rekhab. Delowalo timongolio ode tala tuwau lohuwali todelomo Bele-U̒, wau yintai mao̒ angguru timongolio.”

YEREMIA 36:26

Tumbao̒ ti olongia helo malentao̒ walai̒o talolai̒, deu̒yito-yito tei Yerahmee̒l, pee̒-pee̒enta wolei Seraya walae̒e Ajriel wolei Selemya walae̒e Abdee̒l, alihu moheu̒upa olaatia wolei Barukh dulutuli lowatia. Bo Eeya loluua̒ olamiaatia.

YEHESKIEL 40:45

Talolai̒ boito loloi̒ya olaatia deu̒ bantayo u talutalu ode huliaalio boito podapatolo duo̒lo mongo iimamu tahe otuugasia to Bele lo Eeya,

MONGO HAKIMU 9:5

lapatao̒ tio lonao̒ ode kambungu liyamolio to Opra. Mola teto tio helomate yila-yilateelo mao̒ tapitu lopulu lota mongo wutatio boito toitaato botu tuwau. Bo tei Yotam, walao̒ tawaliyali daa lei Gideon diila ilopatealio yila-yilateelo mao̒ sababu tio lotituuo̒.