OLUO MONGO OLONGIA 11:18 - KITABI HABARI MOPIOHE

¹⁸ Lapatao̒ uito ulipu heloluhu wau lopo lohubeo̒ kuili lo Baal. Mesba wau bubuu-iyaalo he ilaantululio wau tei Matan, iimamu lo Baal pilatelio yila-yilateelo mao̒ totalu lo memees-bawaalo boito. Tei Yoyada longohi mao̒ tuugasi to tamoo-kawalia u modaha Bele lo Eeya,

OLUO MONGO OLONGIA 11:18 ပူးပေါင်းရင်းမြစ်များ

BOHULO MONGO OLONGIA 18:40

Yi maloloi̒ya tei Elia, “Wau̒upa mao̒ mongo nabi lo Baal boito! Diila mao̒ polulia penu boli ngotaa mao̒ tamoo̒lahi!” Lapatao̒ tau-tauwalo helo heu̒upa mongo nabi lo Baal boito, tulusi tei Elia malodelo mola olimongolio ode Dutulaa Kison wau mola teto tio helomate olimongolio yila-yilateelo mao̒ ngoa̒amilalo.

OLUO MONGO OLONGIA 10:21

wau tei Yehu lopo malalumu mola ode ngoilanggubu Isirai̒lu. Todulahee boito malonao̒ mai ngoa̒amila tahi polubowa Baal, diaaluo penu boli ngotaa mao̒ taleitolaa. Timongolio tilumuwotao̒ ode kuili Baal wau lopoo̒polu hudungu boito monto talu demota balaka.

OLUO MONGO OLONGIA 10:25

Lolamemeto lapatio mao̒ tei Yehu lopodewo bake, tio yilumualo wau loloi̒ya ode tahipo kawalia wau mongo polowila boito, “Tuwotolo wau pateyalo mate-mateelo mao̒ timongolio ngoa̒amila. Diila polulia penu boli ngotaa mao̒ tamoo̒lahi!” Yi tilumuwotao̒ timongolio wolo wamilo pahupahuto, wau helomate yila-yilateelo mao̒ olimongolio ngoa̒amila mota teto, tulusi lodedea̒ milate limongolio boito ode bulemengio. Lapatao̒ timongolio tilumuwotao̒ ode wimbihu delomo kuili,

OLUO MONGO OLONGIA 10:26

wau lopolualai bui̒ lo Baal tulusi pilobulio.

OLUO MONGO OLONGIA 10:27

Bui̒ boito bilinasaalio wolo hudungulio lapatao̒ tambati boito pilopo waliilio tambati hepo ngiliyalo tunggula todulahee botie.

OLUO MONGO OLONGIA 18:4

Tio helo ngantulu tataa-mbatiyalo u polubowalo dewa, wau lopo lohubeo̒ tutuugulio wau helo ngantulu bubuu-iyaalo Dewi Asyera. Tio olo longantulu mao̒ tulidee lo polonggu huhutuulio lei Musa u ilunte Nehustan. Sababu, tunggula tou̒ boito taulo Isirai̒lu donggo hipomobua dupa u mohurumati tulidee polonggu boito.

OLUO MONGO OLONGIA 23:10

Topet, deu̒yito-yito tambati polubowalo dewa to Lumbaya Hinom, pilopo najisilio. Lou̒ odito madiduu̒ taa umoo̒ podewo walai̒o odelo bake yilalango ode Dewa Molokh.

OLUO MONGO OLONGIA 23:14

Tutuu-guwaalo dewa wau bui̒ Dewi Asyera he ilantululio, tulusi huta tou̒toonu tutuu-guwaalo wau bubuu-iyaala boito pilotihulo, hetilambula lei Yosia wolo tutuu-lalowaalo manusia.

OLUO MONGO OLONGIA 23:20

Ngoa̒amila iimamu tahi otuugasia to tataa-mbatiyalo polubowalo dewa hepilatelio yila-yilateelo mao̒ to memees-bawaalo tou̒toonu timongolio otuugasi. Wau timii̒du mesba boito tei Yosia helomobu tutuu-laloowalo manusia. Lapatao̒ uito tio luli lohualinga ode Yerusalemu.

OLUO TAWARI 21:17

Timongolio loluhu Yehuda, wau helo lambata bele biluloa̒ li olongia, tulusi malodelo ngoa̒amila walao̒ wau dile lei Yehoram odelo tawalo, ngopohia tei Ahajia walai̒o talolai̒ tawaliyali.

OLUO TAWARI 34:4

Bubuu-iyaalo wau babaa-laahalaalo boito hetilyopu lo tahidudua̒ olei Yosia tulusi peaahui̒o hepilo muo̒yadio toitaato kuubulu lotau-tauwalo tahe lopodewo bake ode babaa-laahalaalo boito. Memees-bawaalo Baal wau memees-bawaalo dupa uwoluo teto heilolohubi mongolio.

OLUO TAWARI 34:7

Memees-bawaalo wau bubuu-iyaalo Asyera to ngoilanggubu lo Yilaidia Tilayo pilopo lohubu lei Yosia, lapatao̒ bubuui̒lio wau ngoa̒amila mesba lodupa ilantululio. Lapatao̒ malo hualingo tei Yosia ode Yerusalemu.

PILOTIMUA̒TA 32:20

Lapatao̒ hilamalio bui̒ losapi u pilohutu tau-taulo Isirai̒lu boito, pilopo didiilio, yilobui̒o tunggula loa̒aluti debo odelo peaahuo̒, lapatao̒ ilulaulio wolo taluhu. Lapatao̒ ilahulalio taulo Isirai̒lu longilu mao̒.

YESAYA 2:18

Babaa-laahalaalo mamenggi sama-samaata.

TINGULI 12:2

Lapatao̒ timongoli tumuwota mola ode lipu boito timongoli musi mongantulu mao̒ tataa-mbatiyalo u hepo mujaalo toitaato huhuu-ideyaalo u molanggato, to huhuu-luduwaalo wau towalungo bubuu-ngowaalo ayu mohimbungo tambati pilotibiluloa̒ lobangusa mota teto u molubo ila-ila limongolio.

TINGULI 12:3

Lohubua mao̒ memees-bawaalo limongolio wau potoyopua mao̒ wowoo-lihiyaalo botu u he anggapuo limongolio aulia. Pobuwa mao̒ tutuuotolo Asyera, wau antulua mao̒ bubuu-iyaalo lo balaahala limongolio, tilinggula ila-ila boito diilalo tuboolio to tataa-mbatiyalo boito.

TINGULI 13:6

Wonu bolo wutati mongoli meaalo walai̒ mongoli talolai̒ meaalo taabua, meaalo dile limongoli taabua u otolia̒ngi mongoli meaalo sahaabati modudula daa̒ woli mongoli lou̒ poo̒-poo̒oyo momio olimongoli u molubo ila-ila wewo udiila oonuhe limongoli wau diila oonuhe lo loluuhuru limongoli, ila-ila monto babaa-gusawaalo ubilu-biluloa̒ meembidu wau molaminga,

TINGULI 13:9

Tio musi pai̒yoola lobotu tunggula mate. Yio̒ tamusi molumulao̒ momai̒ olio, wau dudua̒ lo ngoilanggubu ulipu. Taa u ototala boito musi pateelo mate-mateelo mao̒, sababu tio ohilaa mopo halaheo̒ olimongoli monto Eeya Allahu Taa̒ala limongoli talo lopato olanto lonto polowato to Masiri.