OLUO MONGO OLONGIA 10:7 - KITABI HABARI MOPIOHE

⁷ Lapatao̒ lololimo mao̒ tuladu lei Yehu, tahimuloa lo ulipu tokota Samaria boito helomate yila-yilateelo mao̒ opitu lopulu lota walao̒ wau wombu lei Ahab boito lapatao̒ lunggongi mongolio boito pilopo tuwotio ode delomo kalanji wau yilaolio odelei Yehu to Yijreel.

OLUO MONGO OLONGIA 10:7 ပူးပေါင်းရင်းမြစ်များ

BOHULO MONGO OLONGIA 21:19

wau potunggula mao̒ olio, deu̒ Wau̒ Eeya, lotahuda mai odie, ‘Malomate yila-yilateelo mao̒, boli lolambato! Sababu uito duhumu madilata lo apula totambati lo aa̒a-pulawaalo helo dilata duhu lei Nabot.’ ”

BOHULO MONGO OLONGIA 21:21

yi uti-utieelo u pilotahuda mai lo Eeya odeli Tuani, ‘Wau̒ mamopo dungga mai baala ode olemu. Yio̒ mainggilo-U̒ mao̒, wau timii̒du mongo lolai̒ todelomo ngaalaa̒mu, panggola wau humula, malopuwa-U̒.

OLUO MONGO OLONGIA 10:6

Lapatao̒ tei Yehu luli lolao mola tuladee ode limongolio, u tingohio odie, “Wonu timongoli motiwambao̒ to olau̒, wau dapa-dapato moduduo̒ palentau̒, pateaalo mate-mateelo mao̒ walao̒ wau wombu lei Ahab boito, wau loombu mola tou̒ debo odelo utie delowalo mai lunggongi mongolio ode olau̒ to Yijreel.” Opitu lopulu lota walao̒ wau wombu li Olongia Ahab boito hibiluloa̒wa to tahimuloa lo ulipu tokota Samaria, wau hetilaala limongolio.

OLUO MONGO OLONGIA 10:8

Tou̒ sua̒li boito piloo̒taa odelei Yehu, yi tei Yehu helo malentao̒ alihu luluu-nggongowala boito huludulu mowali dulo huntua to hulubangi lokota, wau poluli mao̒ teto, demola dimodupo.

OLUO MONGO OLONGIA 10:9

Didimodupo mola tei Yehu mailumuala ode huhebu hulubangi, tulusi loloi̒ya mao̒ totau-tauwalo tahi ambua teto, “Watiaalo talo woomboa malo luwali oli Olongia Yoram wau lomate olio yila-yilateelo mao̒; timongoli diila ototala todelomo sua̒li boito. Bo ngoa̒amila tau botie diila watia tahe lomate yila-tilateelo mao̒.

OLUO MONGO OLONGIA 11:1

Tou̒ ti Atalya lototaa mao̒ deu̒ ti Olongia Ahajia, walai̒o, mailate, tio helo malentao̒ alihu ngoa̒amila ngaalaa̒ lei Ahasia pateelo mate-mateelo mao̒.

OLUO TAWARI 21:4

Tou̒ ilolasaa lei Yehoram deu̒ huhuloa̒lio odelo olongia malo lotolai, yi tio helei̒pate ngoa̒amila mongo wutatio yila-yilateelo mao̒, wau olo dengolo lota tahi laia̒awa lolipu.