OLUO MONGO OLONGIA 10:17 - KITABI HABARI MOPIOHE

¹⁷ Leidungga mola odito tei Yehu helomate yila-yilateelo mao̒ ngoa̒amila mongo ilaato lei Ahab, diaaluo penu ngotaa mao̒ tailolabita. Sua̒li boito lotoduo tutuuu̒de lou̒ wolo utilahuda mai lo Eeya odelei Elia.

OLUO MONGO OLONGIA 10:17 ပူးပေါင်းရင်းမြစ်များ

OLUO MONGO OLONGIA 9:8

Ngoa̒amila ngaalaa̒ wau walao̒ wombu lei Ahab musi mate. Timii̒du mongo lolai̒ mopio panggola meaambo humula mapo binasaa-U̒.

OLUO TAWARI 22:8

Tou̒ tei Yehu donggo hemoponao̒ hukuumani lo Eeya to ngaalaa̒ li Olongia Ahab boito, tio lodunggaya wolo ngopolemboa̒ tahidihuma pantungo lipu lo Yehuda wau mongo pou̒walao̒ lei Ahajia talo dudua̒ todelomo biilohe limongolio boito. Yi tei Yehu helomate yila-yilateelo mao̒ olimongolio ngoa̒amila.

MALEAKHI 4:1

Tahuda lo Eeya Taa Laba-labaalo kawasa, “Mamei dungga dulahio ngoa̒amila taa sombongi wau moleeto tumbilalo debo odelo laato. To dulahee boito timongolio matumbilalo mopulito, wau diaaluo tao̒labita monto olimongolio.

BOHULO MONGO OLONGIA 21:21

yi uti-utieelo u pilotahuda mai lo Eeya odeli Tuani, ‘Wau̒ mamopo dungga mai baala ode olemu. Yio̒ mainggilo-U̒ mao̒, wau timii̒du mongo lolai̒ todelomo ngaalaa̒mu, panggola wau humula, malopuwa-U̒.

OLUO MONGO OLONGIA 1:17

Yi mailateelo mola tei Ahasia debo odelo u tilahuda mai lo Eeya lotimbulude olei Elia. Sababu tei Ahasia diila owalao̒, yi tei Yoram wutatio lowali olongia lobuulota wolio. Uito lotoduo mai totaunu oluolio pamalenta lei Yehoram walae̒e Yosapat, olongia lo Yehuda.