OLUO MONGO OLONGIA 10:11 - KITABI HABARI MOPIOHE

¹¹ Lapatao̒ tei Yehu helomate yila-yilateelo mao̒ ngoa̒amila mongo ilaato lei Ahab uwewo tahi biluloa̒wa to Yijreel, wau ngoa̒amila pogawee, mongo tamani tamodudulo, wau mongo iimamulio; diaaluo penu boli ngotaa mao̒ tailulia hitumula.

OLUO MONGO OLONGIA 10:11 ပူးပေါင်းရင်းမြစ်များ

BOHULO MONGO OLONGIA 14:10

Sababu uito Wau̒ mamopo dungga mai baala to ngaalaa̒mu. Ngoa̒amila waliimu mongo lolai̒, penu boli wolo huhuloa̒lio, mapateelio mate-mateelo mao̒. Wau̒ mamo poo̒pulitao̒ ngaalaa̒mu, tutuuwauwa debo odelo taa mongaa̒ato u mopoo̒ belesi mao̒ u kootoro.

BOHULO MONGO OLONGIA 15:29

Lolamemeto lapatio mao̒ tei Baesa lowali olongia, tio helomate yila-yilateelo mao̒ ngoilanggubu ngaalaa̒ lei Yerobeam, Lotuuu̒de lou̒ wolo u mapilo tahuda mai lo Eeya lotimbulude towato-Lio, ti Nabi Ahia lonto Silo, yi ngoilanggubu ngaalaa̒ lei Yerobeam ilopatealio yila-yilateelo mao̒, diaaluo penu boli ngotaa talo aahu.

BOHULO MONGO OLONGIA 16:11

Lolamemeta tou̒ tei Jimri lowali olongia, tio helomate yila-yilateelo mao̒ ngoa̒amila ngaalaa̒ li Olongia Baesa. Tumbao̒ ngoa̒amila mongo ilaato lei Baesa mongo lolai̒ wau mongo sahabati lou̒ ngaalaa̒lio olo diaaluo penu boli ngotaa mao̒ tai̒lolabita.

BOHULO MONGO OLONGIA 18:19

Botia, Palentailo ngoilanggubu ulipu lo Isirai̒lu mola modunggaya wolaatia tohui̒dee Karmel. Deloa mola olo opato hetuto limo lopulu lota nabi Baal wau opato hetuto lota nabi Dewi Asyera boito u onggosia lodiile li olongia Ijebel!”

BOHULO MONGO OLONGIA 18:40

Yi maloloi̒ya tei Elia, “Wau̒upa mao̒ mongo nabi lo Baal boito! Diila mao̒ polulia penu boli ngotaa mao̒ tamoo̒lahi!” Lapatao̒ tau-tauwalo helo heu̒upa mongo nabi lo Baal boito, tulusi tei Elia malodelo mola olimongolio ode Dutulaa Kison wau mola teto tio helomate olimongolio yila-yilateelo mao̒ ngoa̒amilalo.

BOHULO MONGO OLONGIA 21:22

Ngaalaa̒mu mamowali debo odelo ngaalaa̒ li Olongia Yerobeam walae̒e Nebat wau debo odelo ngaalaa̒ li Olongia Baesa walae̒e Ahia, sababu yio̒ maloo̒ sababu taulo Isirai̒lu helohutu dusa tilinggula loo̒toodei omulukaa-U̒.’

BOHULO MONGO OLONGIA 21:29

“Wolo maa iloontongamu woloolo mola tei Ahab helo tidudapa lobatanga totalu-U̒? Sababu uito, Wau̒ diila tamopo dungga mai baala ngotilonggadu tio donggo tumu-tumulo. De tomaasa lowalai̒o mola bolo Wau̒ mopodungga mai baala boito ode ngaalaa̒lio.”

BOHULO MONGO OLONGIA 22:6

Yi tei Ahab helo ngambu mai otanu wopato hetuto lota nabi tulusi lohintu mao̒ olimongolio, “Tingga mowali wau̒ mola moluhu Ramot meaalo diila?” “Mowali!” tametao̒ limongolio. “Eeya mamohudu mai kota boito odeli Baginda.”

OLUO MONGO OLONGIA 10:12

Tei Yehu lololaa mao̒ Yijreel lapatao̒ lonao̒ ode Samaria. To huungo dalalo, totambati u ilunte “Kambungu lo Diiti”,

OLUO MONGO OLONGIA 23:20

Ngoa̒amila iimamu tahi otuugasia to tataa-mbatiyalo polubowalo dewa hepilatelio yila-yilateelo mao̒ to memees-bawaalo tou̒toonu timongolio otuugasi. Wau timii̒du mesba boito tei Yosia helomobu tutuu-laloowalo manusia. Lapatao̒ uito tio luli lohualinga ode Yerusalemu.

OLUO MONGO OLONGIA 9:7

Yio̒ mamopo binasa ngaalaa̒ li tuanimu Ahab. Lou̒ odito Wau̒ mamo hukuumani mai oli Isebel tamalomate yila-yilateelo mao̒ mongo nabi-U̒ wau mongo wato-U̒ wewo.

OLUO MONGO OLONGIA 9:9

Ngaalaa̒lio mapohutuwo-U̒ debo odelo u hepilo hutu-U̒ to ngaalaa̒ lei Yerobeam wau ngaalaa̒ lei Baesa, mongo olongia lo Isirai̒lu.

OLUO TAWARI 22:7

Allahu Taa̒ala malolantu mai deu̒ tei Ahajia mamoo̒ toduo u mate tou̒ tio mola momilohe olei Yoram. To nonao̒ mola boito tei Ahajia wolei Yoram tiluwalia mai lo talolai̒ ngota tai̒lunte Yehu walae̒e Nimsi, tamaa tilulaoto Eeya u mopobinasa ngaalaa̒ li Olongia Ahab boito.

OLUO TAWARI 22:8

Tou̒ tei Yehu donggo hemoponao̒ hukuumani lo Eeya to ngaalaa̒ li Olongia Ahab boito, tio lodunggaya wolo ngopolemboa̒ tahidihuma pantungo lipu lo Yehuda wau mongo pou̒walao̒ lei Ahajia talo dudua̒ todelomo biilohe limongolio boito. Yi tei Yehu helomate yila-yilateelo mao̒ olimongolio ngoa̒amila.

AYUBA 18:19

Walao̒ wau waliilio mola diaaluo; to kambungu pilohuluta lo duhulio penu boli ngotaa mao̒ didu ilolabita.

JABURU 109:13

Huliaalo mao̒ ngoilanggubu waliilio mai pobinasaalio, wau tanggulio olipata lo hilaide tamoo-mooliilio mola.

JABURU 125:5

Bo taa u hemohutu udiila juujulu bolo potala hukuumanio mai lo Eeya pee̒-pee̒enta wolo taa moleeto. Pohileaala dua̒ umati lo Eeya moa̒ahu!

POHUMAYA 13:20

Taa u moa̒awota wolo taa molinepo, mamowali molinepo; taa u moa̒awota wolo taa mohulodu, matopotala.

HOSEA 1:4

Eeya lotahuda mai odelaatia, “Tangguli mao̒ walau̒mu boito tei Yijreel sababu diilalo mohiheo Wau̒ mamo hukuumani mai oli olongia lo Isirai̒lu sababu polomatea yila-yilateelo mao̒ u pilohutu lei Yehu, loluuhurulio, to Yijreel. Wau̒ mamo poo̒pulitao̒ pamalenta wali mai lei Yehu.

YOSUA 10:30

Eeya lopoo̒haama olo taulo Isirai̒lu tokota botie woli olongiaalio. Diaaluo penu boli ngotaa mao̒ tailulia hitumula; ngoa̒amila taa todelomo kota boito pilatelio yila-yilateelo mao̒. Tei Yosua helo pohutu mao̒ li olongia lokota boito debo odelo pilohutulio toli olongia lo Yerikho.

YOSUA 11:8

Wau Eeya helohutu umati lo Isirai̒lu loo̒haama toli mongolio. Taulo Isirai̒lu loluhu wau helo hilapita olimongolio demola ngoilaminga lo Misrepot-Maim wau Sidon to ambahu tilayo, wau ngoilaminga lo Lumbaya Mispa to ambahu tiimuru. Popaatea tulusi wali-walihuhu dilumutu diaaluo penu boli ngotaa mao̒ lonto musu tai̒lo labita – ngoa̒amilalo yilate.

WAHI 19:20

Yi binatangi boito ilowau̒pa pee̒-pee̒enta wolo nabi paluti tamalohutu momoo̒o-linggolabeyalo totalu lo binatangi boito. (Wolo momoo̒o-linggolabeyalo boitolo binatangi boito helo himbulo totau-tauwalo tao̒tuoto binatangi boito, wau tahi polubowa bui̒ lo binatangi boito.) Tulusi binatangi boito wau nabi paluti boito pilomahulo hitumula ode delomo auhu tulu ulei̒-lei̒ta wolo walirangi.

WAHI 20:10

Lapatao̒ Ibilisi u mohimbulo olimongolio boito, pomahulo-Lio ode delomo auhu tulu wau walirangi. Teteetolo tambatilio lo binatangi wau nabi paluti boito pomahulolo meimulo. Timongolio masikisaa-Lio hui wau dulahu u ohiheo-hiheolo mao̒.