OLUO MONGO OLONGIA 10:1 - KITABI HABARI MOPIOHE

¹ Ti Olongia Ahab owalao̒ wau wombu pitu lopulu lota tokota Samaria. Sababu uito tei Yehu lolao mola tuladu ode Samaria, ode mongo wali, walao̒ wau wombu lei Ahab wau ode tahi kawasawa wau tahimuloa lo ulipu tokota boito. Tingohu tuladee boito odie,

OLUO MONGO OLONGIA 10:1 ပူးပေါင်းရင်းမြစ်များ

BOHULO MONGO OLONGIA 13:32

Wolo umai loi̒yaalio to palenta mai lo Eeya ode mesba to Betel boito wau ode ngoa̒amila tambati lo ibaadati to kokoo-tawaalo Samaria tantu mamotodua mai.”

BOHULO MONGO OLONGIA 16:24

Bo lapatao̒ tio lotali mao̒ hui̒dee tuwau ngohalaga wolomo lihu doi talaa̒ lonto tahingota-ngotawa tai̒lunte Semer. Lapatao̒ tio lomongu mao̒ kota tuwau tohui̒dee boito wau longunte mao̒ Samaria, lodudua̒ tanggulee Semer, bakasi taa ohuu̒wo lohui̒dee boito.

BOHULO MONGO OLONGIA 16:28

Lapatao̒ tei Omri yilate mao̒ wau yilobungio to Samaria, tei Ahab walai̒o lowali olongia lobuulota wolio.

BOHULO MONGO OLONGIA 21:29

“Wolo maa iloontongamu woloolo mola tei Ahab helo tidudapa lobatanga totalu-U̒? Sababu uito, Wau̒ diila tamopo dungga mai baala ngotilonggadu tio donggo tumu-tumulo. De tomaasa lowalai̒o mola bolo Wau̒ mopodungga mai baala boito ode ngaalaa̒lio.”

OLUO MONGO OLONGIA 5:3

Tou̒ dulahee tuwau malo loi̒ya tamoomayawa boito odeli mbuui̒, “Mbuui̒, humayaalio tituani monao̒ mota modunggaya woli nabi tabilu-biluloa̒ to Samaria, tantulo mao̒ tinabi boito mamo poo̒luli mai oli tuani.”

OLUO TAWARI 22:9

Lapatao̒ tio lei̒ lolohei olei Ahajia u tou̒ boito donggo tutuuo̒ to Samaria. Tou̒ tei Ahajia ilodunggaalio, tio dilelolio mai odelei Yehu lapatao̒ pilatelio yila-yilateelo mao̒. Eleponu odito tio yilobungi mongolio olo sababu timongolio mohurumati oli Olongia Yosapat tiyombu limongolio tahe lotiwato to Eeya wolo lealeaatu lohilao. Lonto ngaalaa̒ lei Ahajia diaaluo tamambo modihu pamalenta.

HOSEA 1:4

Eeya lotahuda mai odelaatia, “Tangguli mao̒ walau̒mu boito tei Yijreel sababu diilalo mohiheo Wau̒ mamo hukuumani mai oli olongia lo Isirai̒lu sababu polomatea yila-yilateelo mao̒ u pilohutu lei Yehu, loluuhurulio, to Yijreel. Wau̒ mamo poo̒pulitao̒ pamalenta wali mai lei Yehu.

YIA̒APO 11:12

Ambunguolo wolo watotia talo bantaala meaalo lopotutu mai olimongolio boito? Ambunguolo yilongola Eeya mopoa̒hu olo watotia mowali debo odelo ngotaalio tamoo-laalawa umomuduo̒ walao̒ kikiio̒ tilinggula watotia musi molaala olimongolio mololaalaaita ngohilayao̒ lononao̒ ode huta u pilodanti lo Eeya ode loluhuru limongolio?

TINGULI 16:18

“To timii̒du kota u wohi mai lo Eeya Allahu Taa̒ala limongoli, timongoli musi momuduo̒ mongo hakimu wau tahi otuugasia wewo u momutoo̒ ulipu wolo aadili.

MONGO HAKIMU 10:4

Walai̒o mongo lolai̒ woluo tolopulu lota. Timongolio okolodai tolopulu u hetae̒alio wau tolo pulu kambungu tolipu lo Gilead. Kakaa-mbunguwalo boito donggo unte-unte kakaa-mbunguwalo lei Yair.

MONGO HAKIMU 12:14

Walai̒o mongo lolai̒ maito wopato pulu lota, wau wombulio mongo lolai̒ maito tolo pulu lota. Timongolio ngota-ngota okolodai tuwau u hetae̒yalio. Walu lotaunu mola hiheolio umati lo Isirai̒lu hetilau̒wa lei Abdon.

MONGO HAKIMU 8:30

Tio owalao̒ pitu lopulu lota mongo lolai̒ sababu dilelio dadaata.