OLUO MONGO OLONGIA 1:9 - KITABI HABARI MOPIOHE

⁹ Lapatao̒ tio lopoa̒hu polowila ngota wolo limo lopulu lota tahidudua̒ olio mota loheu̒pa olei Elia. Polowila boito lonao̒ mota lapatao̒ loo̒dungga olei Elia donggo hulohuloa̒a tohuludu tuwau, “Wuu, wato lo Allahu Taa̒ala,” ualo polowila boito, “ti olongia lomalentai yio̒ musi motuhuta mola!”

OLUO MONGO OLONGIA 1:9 ပူးပေါင်းရင်းမြစ်များ

BOHULO MONGO OLONGIA 17:18

Lapatao̒ uali janda boito odelei Elia, “Wato lo Allahu Taa̒ala, yilongola ti Paaa̒ helohutu mai sua̒li botie ode laatia? Wolo nonao̒ mai li Paaa̒ u loo̒sababu Allahu Taa̒ala mamoe̒elai dusa laatia, tilinggula walao̒ laatia musi mate?”

BOHULO MONGO OLONGIA 18:10

Domi Eeya tatumu-tumulo, Allahu Taa̒ala tahe tuboo li Paaa̒, watia mopoo̒taa mai deu̒ ti olongia malo poa̒hu mai olaatia mololohe oli Paaa̒ to utoonulalo mao̒. Wonu bolo tolipu tuwau tao̒kawasa teto moloi̒ya mai deu̒ ti Paaa̒ diaaluo mola teto, tei Ahab mohile wolo moo̒ohuu̒ alihu tao̒kawasa tolipu boito motadia deu̒ ti Paaa̒ memangi diila ilondungga mota teto.

BOHULO MONGO OLONGIA 18:4

Tou̒ tei Ijebel helomate mongo nabi lo Eeya yila-yilateelo mao̒, tei Obaja botieelo tamalo tulungi ngohetu lota nabi wau heloluuo̒ todelomo gowa – limo lopulu lota todelomo gowa tuwau – wau helongohi mao̒ ua̒alo wau u yilumolo.)

BOHULO MONGO OLONGIA 18:42

Lapatao̒ tei Ahab mota lolamelo, wau tei Elia lobotula mola ode yitaato Hui̒dee Karmel. Mola teto tio losujudu lomola wolo bayalio ode huta towolota lohuu̒lio duuduluo.

BOHULO MONGO OLONGIA 19:2

Yi ti Isebel lolao mola habari botie odelei Elia, “Pohileaala dua̒ dedeewaalo mohukuumani mai, tumbao̒ momate-mateelo mao̒ olaatia, wonu loombu mola to saa̒ati debo odelo utie watia diila mopohutu mao̒ olanto odelo ito helo pohutu mao̒ tomongo nabi Baal.”

BOHULO MONGO OLONGIA 22:8

Tei Ahab lolametao̒, “Donggo woluo ngota, tei Mikha walae̒e Yimla. Bo wau̒ molonua̒ to olio, sababu diila pee̒enta mao̒ tio helo laamali mai hitua-tuawua u mopiohe ode olau̒; laito udiila mopiohe.” “Aa, diila mao̒ poloi̒ya odito!” ualei Yosapat.

OLUO MONGO OLONGIA 2:25

Tei Elisa lopo tolonga mola lononao̒lio ode hui̒dee Karmel, lapatao̒ luli lohualinga ode Samaria.

OLUO MONGO OLONGIA 4:25

Yi malo monggato taabua boito ode Hui̒dee Karmel ode tambati lei Elisa. Monto u molamingo tei Elisa maloo̒onto taabua boito dulu-dulungai. Tei Elisa loloi̒ya mao̒ odelei Gehasi, “Bilohi, ti Ibu lonto Sunem boito dulu-dulungai!

YEREMIA 35:4

Watiadelo mota olimongolio ode Bele lo Eeya ode delomo huwali leidaa̒ lo tahidudua̒ oli Nabi Hanan walae̒e Yigdalya. Huwali leidaa̒ boito dudutuulio toitaato huwali leidaa̒ li Iimamu Maa̒seya walae̒e Salum, totili huwali leidaa̒ lo tahidihuma pantungo wewolio. Tei Maa̒seya yito pogawee lailaio̒ tamongimato huhuu-hebuwaalo to Bele lo Eeya.

AMOS 7:12

Lapatao̒ tei Amajia loloi̒ya mao̒ odelei Amos, “Wuu nabi, pohualingolo ode Yehuda! Pohutubaalo mola teto. Huliaalo mao̒ timongolio tamongohi mai balanja u potumulo olemu!

MATIUSI 14:3

Sababu tou̒ dipo-dipolulio mai uito tei Herodes malei̒ wau̒pa olei Yahya wau lomungu olio wau lopotuwoto ode delomo tutupa. Tei Herodes lohutu mao̒ odito kalana sua̒li li Herodias, dile lowutatio lohihilao, deu̒ito-yito tei Pilipus.

MATIUSI 26:68

wau loloi̒ya, “Nte lantobe wau polelea mai olami, wuu Olongia Tamoo-poa̒ahua! Tatoonu talo lambali ole-Mu?”

MATIUSI 27:29

Timongolio lohutu mao̒ makuta tuwau lonto tango kekeei̒ oduhi, wau pilopo hulilio to lunggongi Isa. Lapatao̒ pilopo dihu limongolio tunggudu ngoputu ti Isa to uluu̒-Lio olowala, tulusi timongolio malo tibonggohu totalu-Lio wau lohentea̒ o-Lio. “Salamu Olongia Taulo Yahudi!” uali mongolio.

MARKUSI 15:29

Tau-tauwalo tahilaode teto hitahalilia wau hipohinawa li Isa. Timongolio hipoloi̒yawa, “Wuu, Yio̒ tao̒hilaa mopolohubu Bele lo Allahu Taa̒ala wau muli momongu mao̒ todelomo utolo hui mola.

MARKUSI 15:32

Wonu Tio olongia taulo Isirai̒lu, Olongia Tamoo-poa̒ahua, opiohelio Tio botia molaahei monto ayu salipu boito, alihu oontonga lami wau ami mapalacaya o-Lio!” Tau-tauwalo tahe silaalipu pee̒-pee̒enta woli Isa boito olo helohina li Isa.

LUKASI 9:54

Yi tou̒ tahidudua̒ li Isa, deu̒ito-yito tei Yakobus, wau tei Yahya lotota pasali losua̒li boito, timongolio malo loi̒ya, “Eeya, wolo Eeya mohuto, mongowatotia mohile tulu motuhutai monto hulungo mai mopobinasa totau-tauwalo botie?”

IBRANI 11:36

Woluo tahe hila-hilantia̒lio, biluboa̒lio, ilawadu wolo lante wau pilopo tuotio ode delomo tutupa.

BOHULO SEMUEL 19:21

Tou̒ habari boito tilinggula mola odelei Saul, yi tio luli lolao mongo utolio uwewo wau timongolio olo mahelo ngelu-ngelungo wau hiwati-waatia̒. U otolulio tei Saul lolao mongo utolio yi odito olo uhelo toduo toli mongolio.