OLUO MONGO OLONGIA 1:2 - KITABI HABARI MOPIOHE

² Tou̒ dulahee tuwau ti Olongia Ahasia lonto Isirai̒lu lodehu mola lonto sulambe to belebelea yitaato bele biluloa̒ saaha li olongialio to Samaria, tilunggula tio pilalia daa̒. Yi tio malolao tau mola lohintu to Baal-Jebub, dewa kota Ekron to Pilistin, wolo tio mamoluli meaalo diila.

OLUO MONGO OLONGIA 1:2 ပူးပေါင်းရင်းမြစ်များ

BOHULO MONGO OLONGIA 11:33

Wau̒ mamohutu mai sua̒li boito sababu tei Salomo malo lolaa mao̒ ola-U̒ wau helolubo dedeewaalo, deu̒yito-yito: Asytoret, dewi bangusa lo Sidon; Kamos, dewa bangusa lo Moab; wau Milkom, dewa bangusa lo Amon. Tei Salomo diila lodudua̒ kahandaki-U̒. Tio diila debo odelo tiyamolio tei Dauda talo dungohe ola-U̒ wau hemo ponao̒ palentaa-U̒.

BOHULO MONGO OLONGIA 14:3

Delowalo mota ode olio mopuulo botu roti, kuukisi ngoi̒di wau hula lotiia̒ ngobuutulu. Yintua mao̒ olio wolo u mamotoduo mai wolei Abia, walao̒nto. Ti Nabi boito mamo poo̒taa mai olemu.”

BOHULO MONGO OLONGIA 22:34

Tingga letaahua pajule ngota lo Siria lopo lopata mota mato lopanalio diila lopo mantaheo̒ to dulungio utantu-tantu. Bo mato lopanalio boito loo̒tuhata olei Ahab wau lolaapata toboo̒ lo popaatealio to wimbihu wumbutio. “Wau̒ ilotuhataalio!” ualei Ahab ode tamoo-kusiria kaletaalio. “Balea mao̒ wau delowalo wau̒ lumualao̒ monto popaatea botie!”

BOHULO MONGO OLONGIA 22:40

Tou̒ tei Ahab yilate mao̒, tei Ahasia walai̒o lowali olongia lobuulota wolio.

OLUO MONGO OLONGIA 1:16

Lapatao̒ ualio mao̒ lei Elia odeli olongia, “Eeya lotahuda mai, ‘Yio̒ lopoa̒hu tau helohile potuhata to Baal-Jebub dewa lokota Ekron debo odelo to Isirai̒lu diaaluo Allahu Taa̒ala tamowali pohintuwalo. Sababu uito yio̒ diila tamoluli, yio̒ mamaate!’ ”

OLUO MONGO OLONGIA 1:3

Bo malai̒kati lo Eeya lopoa̒hu olei Elia, nabi lonto Tisbe, mola lodunggaya wolo mongo utolia li Olongia Ahasia boito u loloi̒ya mao̒, “Wolo to Isirai̒lu diaaluo Allahu Taa̒ala tilinggula timongoli ohilaa monao̒ mohile potuhato to Baal-Jebub, dewa lokota Ekron boito?

OLUO MONGO OLONGIA 1:6

Timongolio lolametao̒, “Talolai̒ ngota lonao̒ mai lodunggaya wolamiaatia, wau lopoa̒hu mai olamiaatia u molele mao̒ oli Baginda deu̒ Eeya lotahuda mai odie odeli Baginda, ‘Wolo to Isirai̒lu diaaluo Allahu Taa̒ala, tilinggula ti Baginda lopoa̒hu u mohile potuhata to Baal-Jebub, dewa kota Ekron? ti Baginda diila tamoluli, ti Baginda mamaate!’ ”

OLUO MONGO OLONGIA 17:16

Timongolio helo lambanga ngoa̒amila butoo̒ lo Eeya, Allahu Taa̒ala limongolio, wau lohutu sapi mohelu duluo lonto logamu u hetuboolo. Timongolio lohutu bui̒ lo Dewi Asyera, helolubo bibii-natangiyalo wau hipo ibaadatia ode Dewa Baal.

AYUBA 31:3

Topotala wau omarapo tantu mapodungga mai lo Eeya totaa u hipohuta u moleeto!

YESAYA 19:3

Wau̒ madiila mopomata ngoa̒amila lanjana lo Masiri wau yinggilo-U̒ sumaangati limongolio. Timongolio mamei̒ tuulungi to babaa-laahalaalo, mei̒ nasehati wau potuhata to huhuu-langowaalo wau roroo-huwaalo.

YESAYA 2:6

Yaa Allahu Taa̒ala, Eeya malo lolaa umati lo Eeya, wali mai lei Yako! Sababu penu boli tou̒toonu tolipu botie tau hipomakea ilimi gaibu u asaliilio mai lonto tiimuru wau lonto Pilistin. Tau-tauwalo hipodudua̒ uu̒udu lotau deli.

YESAYA 37:12

Tou̒ loluuhuruu̒ helo ngaantulu kota Gojan, Haran, wau Rejep, wau lomate yila-yilateelo mao̒ tau-tauwalo Eden tabilu-biluloa̒ to Telasar, diaaluo penu boli tuwau mao̒ monto dedeewaalo limongolio helo poa̒ahu olimongolio.

YESAYA 37:19

Dedeewaalo limongolio olo pilobulio wau ilantululio, sababu dedeewaalo boito sama-samaata diila okawasa. Timongolio bo bui̒ lo ayu wau botu huhutu lo manusia.

MATIUSI 10:25

Malo tuuu̒de wonu muri ngota mowali debo odelo tigurulio, wau wato ngota debo odelo tituanilio. Wonu tau̒wa lou̒ ngaalaa̒ mailohialio tanggulo Beeljebul, tidiyolo mao̒ ngotuango belelio. Timongolio mawohialio tanggulo ulebe moleetao̒!”

MARKUSI 3:22

Guguu-ruwaala agama talonao̒ mai lonto Yerusalemu helo loi̒ya deu̒, “Tio mai̒lo tuanga lo Beeljebul! Tau̒wa lo roroo-huwaalo u moleeto boitolo talongohi kawasa o-Lio helo pohinggi rohu u moleeto.”

LUKASI 11:15

bo woluo talo loi̒ya, “Tio mowali mopohinggi rohu u moleeto sababu kawasa lo Beeljebulu, tau̒wa lorohu u moleeto boito.”

WUNGGULI LOMONGO RASULU 20:9

Tabohulotau ngota tai̒lunte Eutikhus hulohuloa̒a to tutuloa. Sababu tei Paulus diila lopo huhe-huheli lobisala, tabohulotau boito malo diduto daa̒ tunggula tio leituluhu to tutuloa boito, lapatao̒ lodehu mola ode walungo lonto belebelea otolulio. Tou̒ bilintai̒o mao̒ limongolio, tio mailate.

YOSUA 15:11

Monto Timna, pilito sipatana boito wumbutio mola dulu-dulunga ode ambahu tilayo lo Hui̒dee Ekron, lapatao̒ mobale ode mantahu Sikron, molibaya Hui̒dee Baala tulusi ode Yabneel, wau pulitio to Lau Tenga,

MONGO HAKIMU 11:24

Wau masaatia botie wolo yio̒ ohilaa muli mohama mao̒? Huta uilohi lei Kamos, dewamu boito, ode olemu mowaliilo debo haku limongoli. Bo wolo u mailohi lo Eeya, Allahu Taa̒ala lamiaatia ode lamiaatia madebo dihima lamiaatia tio̒otutua.

MONGO HAKIMU 5:28

Lonto tataa-laliyaalo tutuloa tiilo lei Sisera lotitile, wau loloi̒ya, “Yilongola karetaalio, diila hememei dungga mai, yilongola diila odungohe selepao̒ lo wadalalio?”

BOHULO SEMUEL 5:10

Lapatao̒ Bulua Daantia boito dilepitio mota ode Ekron, kota lo Pilistin uwewo poli. Tou̒ leidungga mota odito bulua boito, ulipulio tilonggo watio̒, uali mongolio, “Bulua Daantia lo Allahu Taa̒ala lo Isirai̒lu madilelolio mai odia u momate olanto ngoa̒amila mate-mateelo mao̒.”