OLUO MONGO OLONGIA 1:12 - KITABI HABARI MOPIOHE

¹² “Wonu wau̒ memangi wato lo Allahu Taa̒ala,” tametao̒ lei Elia, “mamusi tulu motuhutai monto hulungo wau momobu mopomaahu olemu wau ngoa̒amila tahidudua̒ olemu!” Tou̒ boitolo tulu lotuhutai lonto Allahu Taa̒ala wau lomobu lopomaahu polowila boito wolo olimo lopulu lota tahidudua̒ olio.

OLUO MONGO OLONGIA 1:12 ပူးပေါင်းရင်းမြစ်များ

BOHULO MONGO OLONGIA 18:38

Lapatao̒ Eeya lolao mai tulu lonto hulungo wau lolumbila tunggula lopobu bake boito wolo ayu podiii̒o, bobootulio boli hutalio wau helo dilatao̒ tunggula lopulito taluhu uwoluo todelomo tanggi boito.

OLUO MONGO OLONGIA 1:11

Lapatao̒ ti olongia lolao ngotaalio lo polowila wewo wolo limo lopulu lota tahidudua̒ olio olo. Timongolio lonao̒ wau loloi̒ya mao̒ odelei Elia, “Wuu, wato lo Allahu Taa̒ala, ti olongia lomalentai yio̒ musi molaahe mola masaatia botie olo!”

OLUO MONGO OLONGIA 1:13

Pee̒entapo ti olongia lolao ngotaalio lo polowila wolo limo lopulu lota tahidudua̒ olio. Polowila boito lobotula mola ode huludu wau tou̒ leidungga mola totalu lei Elia tio lotibonggohuu̒ wau loloi̒ya mao̒, “Ambungua mai amiaatia, oo wato lo Allahu Taa̒ala! Tolia̒ngilo mai watia wau tahidudua̒ wolaatia botie. Diila patea amiaatia mate-mateelo mao̒!

AYUBA 1:16

Tou̒ tio donggo hemobisala, malonao̒ mai wato oluolio wau loloi̒ya mao̒, “Hihii-mbawalo li Tuani wau mongo diti madilehito lo ilato tunggula yilate ngoa̒amila. Bolo watotia wambao̒ talo aahu mai tilinggula loo̒ podulohei odeli Tuani.”

IMAAMATI 10:2

Yi Eeya malo podungga mai tulu ulomobu olimongolio tunggula yilate to Kema lo Eeya.