OLUO LO SAMUEL 8:3 - KITABI HABARI MOPIOHE

³ Wumbutio mola tei Dauda lopoo̒laaheo̒ olongia Hadadejer walae̒e Rehob tapale-palenta to Joba, deu̒yito-yito bele biluloa̒ saaha li olongia tuwau totili lo Damusiki. Tou̒ boito tei Hadadejer donggo tononao̒lio mamo ponguli okokawasaalio tomadala membideo̒ tau̒wa lo Dutulaa Eperat.

OLUO LO SAMUEL 8:3 ပူးပေါင်းရင်းမြစ်များ

ILOOWALI 15:18

Tou̒ boitolo Eeya lohutu mai daantia wolei Abram. Tahuda lo Eeya, “Wau̒ modanti mai mamongohi ode waliimu ngoilanggubu huta botie, tumulalo mao̒ monto sipatana lipu lo Masiri demola dutulaa Eperat,

OLUO LO SAMUEL 10:15

Taulo Siria longalati mao̒ deu̒ timongolio maa ilolaahe lotau Isirai̒lu, sababu uito timongolio helo tiangai ngoilanggubu pasuukanilio alihu muli motia̒mbu mao̒.

OLUO LO SAMUEL 10:16

Lapatao̒ ti Olongia Hadadejer helei̒ tiangai taulo Siria tawoluo to ambahu tiimuru lo Dutulaa Eperat, yi timongolio malonao̒ mai ode Helam to tau̒wa lei Sobakh, eyaanggu lo suludadu li Olongia Hadadejer lonto Joba.

OLUO LO SAMUEL 10:19

Tou̒ mongo olongia tato kawasa lei Hadadejer loo̒onto mao̒ deu̒ timongolio ilolaahe lo suludadu Isirai̒lu, yi timongolio malohile lodaamea lapatao̒ lotaa̒aluku to taulo Isirai̒lu. Tumulalo mao̒ uito taulo Siria diilalo buheli helomantu taulo Amon.

OLUO LO SAMUEL 10:6

Lapatao̒ taulo Amon malo ngalati deu̒ huhutu limongolio boito heloo̒ sababu olei Dauda lomuusua woli mongolio. Sababu uito timongolio malo seuwa dulo pulu lolihu lota pajule lo Siria tahi biluloa̒wa to Bet-Rehob wau Joba, wau olo mopulaa dulolihu lota pajule lonto Tob, boli olongia lipu lo Maakha wolo ngolihu lota tahidudua̒ olio.

BOHULO MONGO OLONGIA 4:21

Timii̒du ngaalaa̒ o ilengi lo angguru wau o ilengi lo ara. Ngotupa lo tutumulo lei Salomo ulipu to ngilanggubu lo Yehuda wau Isirai̒lu monto Dan demola Barsyeba hitumula lou̒ aamani wau maa̒amulu. Sababu ngoa̒amila olongia to ambahu otolopa lo Eperat taa̒aluku to olio, wau ngoa̒amila bangusa lonto lilii-puwaalo totili lo yilaidialio helo panggala wolio. Huta to ambahu otolopa lo Dutulaa Eperat lonto Tipsah tobiihu Dutulaa Eperat tulusi ode otolopa ode kota Gasa to Pilistin demola sipatana lo Masiri, ngoa̒amilalo tokawasa lei Salomo. Babaa-ngusawalo tolipu boito taa̒aluku to olio wau hemo mayali doi hulawa wau uwewolio mao̒ uwajibu pomayali odeli olongia. Babaa-langiyolo ua̒alo u hepalaluo lei Salomo yito limo lolihu labu moa̒aluti, mopulu lolihu liiteri labu bangganga, mopulu sapi lo lantunga, duluo sapi lohuta udatahu wau luasi, wau ngohetuto himba. Uwewo mao̒ leeto, olo buu̒lu, kiijangi, menjaangani wau binatangi opolipio̒ o oa̒ato duluo.

BOHULO TAWARI 18:3

Lapatao̒ tei Dauda lopoo̒laaheo̒ olei Hadadejer, olongia to Joba totili lo madala Hamati tolipu lo Siria. Tou̒ boito tei Hadadejer donggo todelomo nonao̒olio mota mongaawasa madala totili bungo lo Dutulaa Eperat.

OLUO TAWARI 8:3

Tio helohama lipu lo Hamat wau Joba

JABURU 60:1

Duo̒lo diriheni lopolemboa̒ tamoolahua. Lodudua̒a lahu: Bunga baakungi ososakusi. Jaburu lonto olei Dauda,

JABURU 72:8

Yilaidialio mamoluasi monto deheto ode deheto, bua̒bua̒de monto tiimuru demola otolopa.

PILOTIMUA̒TA 23:31

Sisii-patiyala lo lipumu tantuwo-U̒ mao̒ monto Wulungo lo Akaba demola dutulaa Eperat, wau monto Lau Tenga demola huta udatahu wau luasi udelita. Timongoli wohiya-U̒ mai kawasa to tuango lipu boito, tilinggula timongolio mowali polontulo limongoli tou̒ timongoli momaju mohama huta boito.

TINGULI 11:24

Timii̒du madala u potidutaa̒ limongoli mowali miliki limongoli. Madala limongoli bua̒bua̒ade monto huta luasi udelita to huliaalio demola hihui̒-hui̒dea lo Libanon totilayo, wau monto Dutulaa Eperat totiimulu demola Lau Tenga to otolopa.

BOHULO SEMUEL 14:47

Lapatao̒ tei Saul lowali olongia lo Isirai̒lu, tio helo paatea tou̒ totoonulalo mao̒ helo luwali ngoa̒amila musu lo Isirai̒lu, deu̒yito-yito taulo Moab, taulo Amon, wau taulo Edom, mongo olongia lipu lo Joba, wau taulo Pilistin. Penu boli tou̒toonu tio helo paatea, wau laito tio hemoo̒haama.