OLUO LO SAMUEL 2:3 - KITABI HABARI MOPIOHE

³ Odito olo tahidudua̒ olio wolo ngaalaa̒ limongolio ngota-ngota lodudua̒ wolei Dauda, lapatao̒ timongolio boito lotitatapu to Hebron wau to palitio.

OLUO LO SAMUEL 2:3 ပူးပေါင်းရင်းမြစ်များ

BOHULO TAWARI 12:23

Tou̒ tei Dauda to Hebron dadaata pangulu tamoolato helo panggala wolio. Timongolio helomantu olio alihu tio mowali olongia mobuulota wolei Saul, lotuuu̒de wolo danti lo Eeya. Jumulaa limongolio yito odie mola: Lonto suku Yehuda: wolomo lihu walu lohetuto lota, wimu-wimumuto wolo porisai wau totobuo̒. Lonto suku Simeon: pitu lolihu ngohetuto lota tamoolato. Lonto suku Lewi: wopato lihu wolomo hetuto lota. Tahidudua̒ olei Yoyada tau̒wa lo wali mai lei Haruna: tololihu pitu lohetuto lota. Mongo ilaato lei Jadok, ngotaalio lo pangulu humula tabuheli: dulo pulaa duulota – ngoa̒amilalo tau̒wa lou̒ ngaalaa̒. Lonto suku Benyamin (suku li Olongia Saul): tolo lihu lota; odaatalio lonto suku Benyamin tau̒ tatapu wau molotolo hilao to olei Saul. Lonto suku Epraim: dulopulu lolihu walu lohetuto lota tahi o tanggulawa todelomo kaumulio ngota-ngota. Lonto suku Manasye tato ambahu otolopa lo Dutulaa Yordan: mopulaa walu lolihu lota tahe tilunulio mao̒ lomudua̒a olei Dauda lowali olongia. Lonto suku Isakhar: dulo hetuto lota tau̒wa wolo tahidudua̒ olimongolio; mongo tau̒wa botie hitootawa molantu mao̒ wolo u musi pohutuo lo ulipu lo Isirai̒lu towakutu u motuhatawa. Lonto suku Jebulon: limo lopulu lolihu lota tamoolato momake tilolahepe tingolo u hidala-dalaala, wau dapadapato u motuuhua; timongolio yito tau-tauwalo tau̒ tatapu wau molotolo hilao wau palacayaalo. Lonto suku Naputali: ngolihu lota tau̒wa wolo tolo pulaa pitu lolihu lota pajule tawimu-wimumuto wolo porisai wau totobuo̒. Lonto suku Dan: Dulo pulaa walu lolihu wolomo hetuto lota tamoolato. Lonto suku Asyer: wopato pulu lolihu lota tadapa-dapato u mopaatea. Lonto susuu-kuwaalo to ambahu tiimuru lo Yordan, deu̒yito-yito Ruben, Gad wau ngotayadu suku Manasye: ngohetuto dulo pulu lolihu lota tamoolato momake tilolahepe tingolo u hidala-dalaala.

BOHULO SEMUEL 22:2

Wau olo tau-tauwalo tahi deehea, taa obiloli, wau taa lolaasa diila ilolulia lohilao, ngoa̒amilalo helo paanggala wolei Dauda, wau tei Dauda lowali tau̒wa limongolio. Jumulaa lo tahidudua̒ olei Dauda tanu wopato hetuto lota.

BOHULO SEMUEL 30:1

Duuhui mola lapatio mao̒, tei Dauda wau tahidudua̒ olio luli lohualinga ode kota Jiklag. Tou̒ leidungga mola odito, ilodungga limongolio deu̒ taulo Amalek maloluhu wimbihu huliaalio lipu lo Yehuda wau loluhu Jiklag. Penu boli ngotaa mao̒ diaaluo tapilate limongolio yila-yilateelo mao̒. Bo pilopo waahu limongolio kota boito wau lopo tolongao̒ mola lonao̒ limongolio wau helodelo mongobua, tau̒kekeei̒ wau ulipu wewolio. Timongolio olo malo tawalo ngaalaa̒ lei Dauda wau ngaalaa̒ lo tahidudua̒ olio, leituoto dile lei Dauda duulota, ti Ahinoam woli Abigail. Tei Dauda wau tahidudua̒ olio odito suukalilio, tilinggula timongolio maa hilumoyonga diila huheliilio tunggula dimulutu diilalo olootolo.