OLUO LO SAMUEL 11:1 - KITABI HABARI MOPIOHE

¹ Mongo olongia biasaalio hemomaju mopaatea tosembo lapatio mao̒ sembo lohuhulo. Wau tosembo lapatio mao̒ sembo lohuhulo totaunu boito tei Dauda lopoa̒hu olei Yoab lomaju helo paatea pee̒-pee̒enta wolo mongo polowilalio wau ngoilanggubu suludadu lo Isirai̒lu; lapatao̒ timongolio lopoo̒laaheo̒ taulo Amon wau lomala kota lo Raba. Bo tei Dauda bilu-biluloa̒ to Yerusalemu.

OLUO LO SAMUEL 11:1 ပူးပေါင်းရင်းမြစ်များ

BOHULO TAWARI 20:1

Sembo lobunga wumbutio mola, tou̒ mongo olongia biasaalio monao̒ hemopaatea, tei Yoab helo tiangai lotia̒mbu suludadulio wau helohama lipu lo Amon. Tou̒ boito ti Olongia Dauda debo to Yerusalemu, wau diila loduduo̒. Tei Yoab wau suludadulio helomala kota Raba, tulusi loluhu wau lopo binasa kota boito.

BOHULO MONGO OLONGIA 20:26

To sembo lapatio mao̒ sembo lo polohuhulo u wumbutio mola tio lotianggai lotiambu suludadulio wau ulimoliyoo̒ ode kota Apek mota loluhu taulo Isirai̒lu.

BOHULO MONGO OLONGIA 20:22

Lapatao̒ ti nabi boito lonao̒ mai odelei Ahab wau loloi̒ya mao̒, “Botia, opiohelio tituani mohualingo wau mopoo̒ toheetao̒ batanga wau mohutu lanjana u montapo, sababu ti olongia lo Siria mamonao̒ mai muli moluhu to sembo lapatio mao̒ sembo lo polohuhulo u talutalu mai.”

TAMOO-HUTUBAWA 3:8

Allahu Taa̒ala lolantu mai wakutu u motolia̒ngo wau wakutu u molonuo̒, wakutu u mopaatea wau wakutu u modaamea.

OLUO TAWARI 36:10

Tou̒ taunu lobuulota mai, ti Olongia Nebukadnejar lomintaa̒a olei Yoyakhin ode Babel odelo tawalo, wau babaa-langiyalo u ohalaga to Bele lo Eeya hedilelolio olo. Lapatao̒ tei Nebukadnejar lomudua̒a olei Jedekia, pou̒wama lei Yoyakhin, lowali olongia to Yehuda wau Yerusalemu.

TINGULI 3:11

Ti Olongia Og yito taulo Repaim tapulitio. Bulua lo milatelio pilohutu lonto botu, hayai̒o wopato meeteri wau tanggalio ngopee̒ dulo meeteri lodudua̒ tuuu̒du u tilantulio mao̒. Tunggula botia donggo mowali oontonga to Raba, kota taulo Amon.)

JAKARIA 14:3

Lapatao̒ Eeya mamomaju wau mopaatea moluwali babaa-ngusawalo boito, debo odelo u pilohutu-Lio tojamani muloololio mai.

BOHULO SEMUEL 18:30

Timi-timii̒du wonu bolo suludadu lo Pilistin mai moluhu, tei Dauda lebe ohaasili hemopo binaasa olimongolio pobandingio mola wolo mongo polowila lei Saul uwewo. Yi tei Dauda malebe hemo polutuo̒ mola.

OLUO LO SAMUEL 10:14

Tou̒ taulo Amon loo̒onto suludadu lo Siria tilumeteo̒, timongolio olo malolahi lonto olei Abisai wau tilumouli mota ode delomo kota. Lapatao̒ loluhu taulo Amon, tei Yoab malo hualinga ode Yerusalemu.

YEREMIA 49:2

Bo mamei dungga wakutuulio Wau̒ mohutu mai ulipu lo Raba, tiilo kota lo Amon boito, mamowali tuodu wau kakaa-mbunguwalo topalitio maahu mopobu. Lapatao̒ Isirai̒lu mamuli mohama hutalio monto tau-tauwalo u muloololio mai yilahulio.

YEREMIA 49:3

Wuu taulo Hesybon, hiyongoolo mola sababu kota Ai malo aantulu! Wuu mongobua kota Raba, pohilimutolo mola! Pomakeyalo kaingi kado tuotio suukali lohilao. Teteo̒olo odito mota odia mai wolo lealeaatu olilingu. Milkom dewamu mabintao̒lio ode polayahu wolo mongo iimamu wau tahidihuma pantungo pamalentalio!

AMOS 1:14

Sababu uito, Wau̒ mamolao tulu ode didii-ngingaalo meeseli kota lo Raba, wau momobu tunggula maahu bibii-ntengilio. Tou̒ boito maa odungohe tolonggalo lo polotuhua, wau popaatea wali-walihuhu debo odelo dutalo.

JABURU 60:9

Gilead wau Manasye yito milikii-U̒, Epraim heelemu lowajaa-U̒, wau Yehuda tunggudu lo yilaidiaa-U̒.