NEHEMIA 9:8 - KITABI HABARI MOPIOHE

⁸ Ilodungga lo Eeya tio tatapu wau molotolo lo hilao to Eeya wau modungohu. Lapatao̒ pilohutu mai lo Eeya wolio daantia u mototoheto. Huta lo Kanaa̒n, Het wau Amori, huta lo Perisi, Yebus wau Girgasi, ngoa̒amila boito mawohi mai lo Eeya olio; odelo tambati potibiluloa̒ lo ngoilanggubu waliilio mai. Lapatao̒ piloo̒polu mai lo Eeya, danti boito to olio, sababu Eeya aadili wau tatapu wau molotolo hilao.

NEHEMIA 9:8 ပူးပေါင်းရင်းမြစ်များ

ILOOWALI 12:7

Eeya lopo bilohei batanga odelei Abram wau lotahuda mao̒ olio, “Uti-utieelo lipu u mawohi-U̒ mai ode waliimu mola.” Lapatao̒ tei Abram lopotihula mesba mota teto duo̒lo Eeya tamalo pobilohei batanga to olio.

ILOOWALI 15:6

Tei Abram palacaya to Eeya, wau sababu uito Eeya lololimo olio odelo taa u moe̒engahe hilaa-Lio.

ILOOWALI 22:12

“Diila mao̒ pongongota walao̒ boito meaalo pongo-pongolawa tio,” tahuda mai lo Eeya loli malai̒kati boito. “Botia maa ilotaawa-U̒ deu̒ yio̒ mohulumati wau modungohe ola-U̒, sababu yio̒ diila lotouli u mohudu mai walau̒mu ode ola-U̒.”

OLUO LO SAMUEL 22:31

Huhutu lo Allahu Taa̒ala wimu-wimumuto ngoa̒amilalo, danti lo Eeya mowali palacayaalo! Eeya debo odelo porisai ode ngoa̒amila taa u motiduo̒la to Eeya.

BOHULO TAWARI 1:14

Tei Kanaa̒n yito olo loluuhuru taulo Yebus, Amori, Girgasi,

BOHULO TAWARI 16:16

Daantia boito pilohutu-Lio mai wolei Abraham, wau lapatao̒ wolei Isihaka,

ESRA 9:15

Yaa Eeya, Allahu Taa̒ala lo Isirai̒lu, Eeya aadili, penu boli odito Eeya helo poluli mai to mongowatotia tumutumulo. Mongowatotia motolongaku mai totala lo mongowatotia to Eeya; mongowatotia diila ohaku u motitalu mola ode aarasi lo Eeya.”

NEHEMIA 9:33

Huhutu lo Eeya aadili, hilukumani mai lo Eeya mongowatotia tao̒dusa; Eeya debo molotolo hilao penu boli mongowatotia polupolu lo aibu.

JABURU 116:5

Eeya yito tamoomonua wau aadili; Allahu Taa̒alanto lealeaatu odehu hilao.

PILOTIMUA̒TA 3:17

Wau Wau̒ malolantu mai u modelo olimongolio lumualo lonto Masiri, tambati u hepilo deehelio olimongolio, wau modepito olimongolio ode lipu tuwau u kaya wau molomiodu, lipu lobangusa Kanaa̒n, bangusa Het, Amori, Perisi, Hewi wau Yebus.

PILOTIMUA̒TA 3:8

Sababu uito Wau̒ lolaahei mai molopata olimongolio lonto uluu̒ taulo Masiri wau mamodelo olimongolio lumualao̒ monto lipu boito motidulungo ode lipu tuwau u luasi. Hutalio kaya wau molomiodu, wau botia hiluloa̒a lobangusa lo Kanaa̒n, bangusa Het, Amori, Perisi, Hewi wau Yebus.

YEHESKIEL 33:24

“Wuu manusia panaa, tau-tauwalo tahi biluloa̒wa to tuodu lo kokoo-tawaalo tohuta lo Isirai̒lu hipoloi̒yawa, ‘Tei Abraham loo̒tapu ngoilanggubu huta botie, lebe-lebe pomao̒ tio bo tutuuwau. Ito botie dadaata jumulaalio, oditolio huta botie mowali milikinto.’ ”

YIA̒APO 13:29

Taulo Amalek hibiluloa̒wa towimbihu huliaalio lolipu boito; taulo Het, Yebus wau Amori hibiluloa̒wa tomadala u ohuludu; hiambola taulo Kanaa̒n hibiluloa̒wa tomadala to ngohilayaa̒ lodeheto wau to ngohilayaa̒ Dutulaa Yordan.”

YIA̒APO 23:19

Allahu Taa̒ala diila debo odelo manusia u gambangi molee̒ wau ohilaa mohimbulo. Wonu Allahu Taa̒ala modanti mai tantu eelaa-Lio! Wonu Tio motahuda mai, tantu mamotoduo!

WUNGGULI LOMONGO RASULU 13:22

Lapatao̒ Allahu Taa̒ala lopohinggi olio lonto huhuloa̒lio, Allahu Taa̒ala malo mudua̒ poli olei Dauda lowali olongia limongolio. Wau utieelo upilo tahuda lo Allahu Taa̒ala pasali olei Dauda, ‘Wau̒ maloo̒ dungga olei Dauda Walae̒e Isai boito ngotaalio lo tamoo̒ sanangi hilaa-U̒. Tiolo taa mamohutu u otohilaa-U̒.’

TINGULI 26:3

Ponao̒lo mota odeli iimamu tao̒ tuugasi tou̒ boito wau loi̒ya mao̒ olio, ‘Watia mopoi̒laalo ode Eeya Allahu Taa̒ala limongoli deu̒ watia matilumuwoto ode lipu u pilodanti-Lio mai odeli nene moyanto uilohi ode olanto.’

TINGULI 32:4

Eeya Tamoo-duulua olemu tamolotolo boli buheli, ilomata-Lio ngoa̒amilalo wimu-wimumuto, wau ngoa̒amila dala-Lio aadili. Allahu Taa̒ala limongoli tatapu wau molotolo hilao, diaaluo udiila juujulu to Olio, Tio hemohutu mai u mopiohe wau otutu.

TINGULI 7:1

“Eeya Allahu Taa̒ala limongoli mamodelo olimongoli ode lipu u mapoti biluloa̒ limongoli, wau dadaata bangusa mapolahio-Lio monteeto. Totalu lomatomu Tio mamopolahi mao̒ pitu bangusa talebe udaa̒ wau molotolo woli mongoli, deu̒yito-yito tau-tauwalo Het, Girgasi, Amori, Kanaa̒n, Peris, Hewi wau Yebus.

TITUSI 1:2

Pongaajali boito patopatoa̒ to halapani deu̒ ito mamololimo tutumulo u tutuulio tutu wau ohiheo-hiheolo mao̒. Allahu Taa̒ala malo danti mai tutumulo boito tou̒ diipo bohulo jamani – wau Allahu Taa̒ala diila pongalo aakali mohimbulo.

IBRANI 11:17

Sababu o iimani olo, yi tei Abraham lopodewo olei Isihaka odelo bake tou̒ tio tilesi lo Allahu Taa̒ala. To olei Abrahamulo Allahu Taa̒ala longohi danti-Lio, penu odito tei Abraham iloheela lohilao lohudu walai̒o tatuwa-tuwaulo boito.

IBRANI 6:18

Dulo sua̒li boito diila mowali mobolio̒: Allahu Taa̒ala diila pongalo aakali mohimbulo tomimbihu danti wau tadia-Lio. Sababu uito, ito tamaa lotiduo̒la to Allahu Taa̒ala, yiluntula-Lio daa̒ u motidihu tio̒otutua to halapani ubua̒-bua̒adu to talunto.

YOSUA 11:23

Ngoilanggubu lipu boito hilama lei Yosua tutuuu̒de wolo palenta lo Eeya odelei Musa, lapatao̒ yilohilio ode bangusa lo Isirai̒lu lowali miliki limongolio. Lipu boito hetilaya-tilayadio, wau timii̒du suku loo̒tapu ngotayadu. Bangusa lo Isirai̒lu olo malo huheli lopaatea wau lipulio aamani wau sontosa.

YOSUA 11:3

Tio olo lolao mota tau ode taulo Kanaa̒n to ambahu otolopa wau ambahu tiimuru lo Yordan, ode taulo Amori, Het, Peris, wau taulo Yebus tomadala hihuu̒-hui̒dea, wau taulo Hewi to bungo lo Hui̒dee Hermon tomadala lo Mispa.

YOSUA 23:14

Botia mawakutuulio watia mate. Timongoli ngoa̒amila ngota-ngota motota otutu deu̒ Eeya Allahu Taa̒ala limongoli malongohi mai ode limongoli totoonulalo u mopiohu u dilanti-Lio mai. Timii̒du danti-Lio mai̒lelaa-Lio mai, diaaluo penu boli tuwau mao̒ u diila.

YOSUA 9:1

Habari pasali lo ohohaama taulo Isirai̒lu malo loo̒opo demola ngoa̒amila olongia to ambahu otolopa lo Dutulaa Yordan – to hihui̒-hui̒dea tobungo lo hihui̒-hui̒dea, wau todatahu ngohilayaa̒ pentadu lo Lau Tenga demola ngoilamingo lo Hui̒dee Libanon to ambahu tilayo; deu̒yito-yito mongo olongia lo Het, Amori, Kanaa̒n, Peris, Hewi wau Yebus.

1 YAHYA 1:9

Bo wonu ito motolo akuo duduu-saanto to Allahu Taa̒ala, Tio mamoe̒elai danti-Lio wau mohutu wolo u aadili. Tio mamo ngambungu duduu-saanto wau mopobelesi olanto monto totoonulalo huhutuunto utilala.