NEHEMIA 9:7 - KITABI HABARI MOPIOHE

⁷ Eeyaalo Allahu Taa̒ala, Eeya Taa Tuwa-tuwaulo. Tilulaoto Eeya tei Abraham to huungo bangusaalio. Ur to Babel matilolaalio, sababu Eeya lohihilao talo titau̒wa mao̒. Lapatao̒ yilohi mai lo Eeya olio tanggula bohu: Abraham, uitolo tanggulio tumulalo mai tou̒ boito.

NEHEMIA 9:7 ပူးပေါင်းရင်းမြစ်များ

ILOOWALI 11:31

Tei Terah lololaa mao̒ kota lo Ur to Babilonia pee̒-pee̒enta wolei Abram walai̒o, tei Lot wombulio, wau ti Sarai moluhengio, deu̒yito-yito dile lei Abram. Tio o makusudu ohilaa monao̒ mola ode lipu lo Kanaa̒n. Bo yinta leidunggalo mola to Haran, timongolio lotitatapu mola teto.

ILOOWALI 15:7

Lapatao̒ Eeya luli lotahuda olio, “Wau̒lo Eeya tamalodelo olemu yilumulai lonto lipu lo Ur to Babilonia, u mongohi mai huta botie to olemu mowali milikiimu.”

ILOOWALI 18:19

Tio maa tilulaotu-U̒ alihu momalenta mongo walai̒o wau waliilio u modungoheo̒ ola-U̒ wau mohutu wolo u mopiohe wau aadili. Wonu sua̒li boito pohutuo limongolio, totoonulalo danti-U̒ odelei Abraham mapoo̒ poluwo-U̒ mai.”

YESAYA 51:2

Eelailo mola tinenemoyaamu Abraham wau ti Sara talo potutu mai olimongoli; tou̒ Wau̒ lotianga olei Abraham, tio diila owalao̒; lapatao̒ bilarakatia-U̒ tio wau yilohiya-U̒ mai wali u dadaata.

TINGULI 10:15

Bo ponu lo Eeya ode loluuhuru limongoli odito udaa̒alio, tilinggula monto totoonulalo bangusa timongoliilo tatilulao-Tio, wau tunggula botia olo timongoli umati-Lio tatilulaoto.