NEHEMIA 9:6 - KITABI HABARI MOPIOHE

⁶ Lapatao̒ ulipu lo Isirai̒lu helodua̒ mola odie, “Eeyaalo Eeya, Eeyaalo Taa Tuwa-tuwaulo: Pilopowali lo Eeya poliyama wau ngoilanggubu baangio daa̒, wau olo deheto wau huta boli totoonulalo tuangio, lapatao̒ longohi tutumulo wau tilaala mai lo Eeya. Ode Eeya totoonulalo kawasa to hulungo molubo wau mosujudu; timongolio taa̒aluku to Eeya wau hipohudua mola batanga.

NEHEMIA 9:6 ပူးပေါင်းရင်းမြစ်များ

ILOOWALI 1:1

Tou̒ bohulio, wakutu Allahu Taa̒ala lolumulo lopowali mai ngoilanggubu aalamu,

ILOOWALI 1:9

Lapatao̒ Allahu Taa̒ala lotahuda, “Mamusi taluhu u woluo to walungo lo hulungo tumolohe ode tambati tuwau, tilinggula huta maa oontonga.” Lapatao̒ sua̒li boito yilowali.

ILOOWALI 2:1

Yi mailapatolo mola ngoilanggubu aalamu pilopowali-Lio.

ILOOWALI 32:2

Tou̒ tei Yako loo̒onto mao̒ olimongolio, tio malo loi̒ya, “Uti-utieelo kema lo Allahu Taa̒ala,” sababu uito ilunteelio tambati boito Mahanaim.

BOHULO MONGO OLONGIA 22:19

Tei Mikha luli loloi̒ya mao̒, “Botia dungohi mai wolo u tilahuda lo Eeya! Watia loo̒onto mola Eeya hulohuloa̒a totambati huhuloa̒a-Lio tosologa, wau ngoa̒amila molai̒kati-Lio hitihula totili-Lio.

BOHULO MONGO OLONGIA 8:27

Bo, Yaa Allahu Taa̒ala, ambunguolo tingga otutu Eeya ohilaa motibiluloa̒ todunia botie? Penu boli hulungo ngoilanggubulo mao̒ diila tuheeto tanggalio ode Eeya, tidiyolo mao̒ bele poi̒baadatiala u bilongu lowatotia botie!

OLUO MONGO OLONGIA 19:15

tulusi lodua̒ mola, ualio mao̒, “Eeya, Allahu Taa̒ala lo Isirai̒lu, tabilu-biluloa̒ toitaato malai̒kati opolipio̒, Eeya tatuwa-tuwaulo Allahu Taa̒ala tamotolo kawaasa totoonulalo bele biluloa̒ saaha li olongia to dunia. Eeyaalo talo powali mai hulungo wau dunia.

OLUO MONGO OLONGIA 19:19

Yaa Eeya, Allahu Taa̒ala lo mongowatotia, ambunguolo lopataalo mai mongowatotia monto tau-tauwalo Asyur boito, alihu otaawa mao̒ lo totoonulalo bangusa todunia deu̒ bo EeyaaAlo tatuwa-tuwaulo Allahu Taa̒ala.”

NEHEMIA 9:5

Ibaadati to dulahe boito hetilumula tau-tauwalo Lewi wumbutio mola botie: tei Yesua, Kadmiel, Bani, Hasabneya, Serebya, Hodia, Sebanya wolei Petahya. Timongolio loloi̒ya, “Tihuloolo wau pujialo mola Eeya Allahu Taa̒alanto! Wohia mola poloi̒laalo momuji ode Eeya ohiheo-hiheolo mao̒! Ilopujialo mola tanggulo Eeya tapolupolu lo molamahu, tanggulo upolu-polutuo̒, mongilabotao̒ totoonulalo poloi̒laalo momuji!”

JABURU 102:25

Lapatao̒ watotia loloi̒ya, “Yaa Allahu Taa̒ala diila mao̒ hamaawa nyawa lowatotia to tomutaa̒ lo tutumulo watotia.” Yaa Eeya, Eeya tumutumulo ohiheo-hiheolo mao̒,

JABURU 103:21

Pujiaalo mola Eeya, wuu ngoa̒amila mahaluku tosologa, ngoa̒amila wato lo Eeya tahi pohutua kahandaki lo Eeya.

JABURU 115:15

Pohileaala dua̒ timongoli balakatia mai lo Eeya, talopowali hulungo wau dunia!

JABURU 124:8

Tamoo-tulungia olanto meidungga mai monto Eeya talo powali hulungo wau dunia.

JABURU 146:6

Eeyaalo talo powali hulungo wau dunia, deheto wau totoonulalo tuangio; Eeya tatapu wau molotolo hilao ohiheo-hiheolo mao̒.

JABURU 24:10

Tatoonu Olongia tamolamahu? Eeya Taa Laba-labaalo kawasa, Eeyaalo Olongia tamolamahu!

JABURU 33:6

Eeya longohi palenta, yi hulungo yilowalilo mola; mato lo dulahu, hulalo wau poliyama pilopowali wolo tahudaa-Lio.

JABURU 36:6

Yaa Eeya, ponu lo Eeya debo odelo langgato hulungo, wau otatapu wau olootolo hilao lo Eeya demola heengo.

JABURU 86:10

Sababu Eeya tamolotolo boli buheli daa̒ wau helohutu totoonulalo u moo̒linggolabu, bo Eeyaalo Allahu Taa̒ala.

YESAYA 37:16

“Yaa Eeya Taa Laba-labaalo kawasa, Allahu Taa̒ala lo Isirai̒lu, tahulo-huloa̒a toitaato malaikati opolipio̒, Eeya tuwa-tuwaulo Allahu Taa̒ala takawa-kawaasa ngoa̒amilalo yilaidia toitaato dunia. Eeyaalo talo powali hulungo wau dunia.

YESAYA 37:20

Yaa Eeya, Eeya Allahu Taa̒ala lo mongowatotia, lopatalo mai mongowatotia monto tau-tauwalo Asyur boito, alihu otaawa lo ngoa̒amila bangusa deu̒ Eeyaalo tuwa-tuwaulo Eeya.”

YESAYA 43:10

Wuu umati-U̒, timongolilo sakusii-U̒, timongoli tilulaotu-U̒ mowali mongo wato-U̒, alihu motota ola-U̒ wau yakini ola-U̒, wau mongalati deu̒ Wau̒ulo Allahu Taa̒ala. Wau̒ Allahu Taa̒ala Taa Laba-labaalo tuwau, diaaluo wewolio tou̒ dipo-dipoolulio mai wau lapatio mao̒ Wau̒.

YESAYA 44:6

Uti-utieelo tahuda mai lo Eeya Taa Laba-labaalo kawasa, Olongia wau tamoo-duo̒lawa Isirai̒lu, “Wau̒ Allahu Taa̒ala Taa Laba-labaalo tuwau, tabohulio wau tapulitio.

YESAYA 44:8

Bangusaa-U̒, diila mao̒ oohe meaambo ooheaalo; diila anggadu muloololio mai demai botia Wau̒ malo laamali mai wolo u yilowali? Timongolilo mongo sakusii-U̒. Tamoo-duo̒lawa uwewo diaaluo wau diila oonuhe-U̒.”

YESAYA 45:12

Wau̒ulo Eeya talopowali dunia, wau lopowali mai manusia u motibiluloa̒ao̒. Wolo kawasaa-U̒ Wau̒ longoa̒bu hulungo, wau lomalenta mato lodulahu, hulalo wau popoo-liyamaalo.

YEREMIA 32:17

“Yaa Eeya Taba-labaalo kawasa, Eeyaalo talopowali hulungo wau dunia wolo kawasa wau omaambo lo Eeya udaa̒. Diaaluo mao̒ penu boli hitua-tuawua u mototolo to Eeya.

YEHESKIEL 20:11

Mola teto, yilohi-U̒ olimongolio papaa-lentaa-U̒ wau pilo ngaajali-U̒ bubuu-too̒o-U̒ u musi dungohe limongolio, sababu taa u modungoheo̒ madebo tumumulo.

YUNU 1:9

Tametao̒ lei Yunu, “Wau̒ taulo Ibrani. Wau̒ hemolubo Eeya, Allahu Taa̒ala tosologa, talo powali mai deheto wau tudulio.”

YAHYA 10:30

Wau̒ wau ti Paapa-U̒ yito tuwau.”

WUNGGULI LOMONGO RASULU 4:24

Tou̒ mongo sahabati limongolio boito loo̒dungohe uito, malodua̒ mola timongolio pee̒-pee̒enta wolo ngohilao ode Allahu Taa̒ala. Timongolio loloi̒ya, “Yaa Eeya, Eeyaalo talopowali mai hulungo wau dunia boli deheto wolo totoonulalo tuangio.

TINGULI 10:14

Eeya Allahu Taa̒ala limongoli motolo miliki hulungo ulaba-labaalo molanggato; dunia olo milikii-Lio wolo totoonulalo uwoluo toitaatio.

TINGULI 32:39

Bilohilo, Wau̒ Allahu Taa̒ala Taa Tuwa-tuwaulo, diaaluo Allahu Taa̒ala ngopohia Wau̒. Wau̒ momate-mateelo mao̒ wau mopotumulo, momali wau mopoo̒luli mao̒. Wonu Wau̒ mopohutu mai, diaaluo penu boli ngotaa mao̒ tamowali moluwali.

TINGULI 6:4

Mongo wutato, eelai mao̒! Bo Eeya, wau Eeya wambai̒o Allahu Taa̒alanto!

IBRANI 1:3

Tiolo tamopo tinelai odudaa̒ lo Allahu Taa̒ala ulaba-labaalo mobaango; Tiolo gambali u moilaalo monto batanga lo Allahu Taa̒ala lohihilao. Tiolo olo tamolaalai otuwau lo ngoilanggubu aalamu botie wolo kawasa lotahuda-Lio ulaba-labaalo okawasa. Lapatao̒ Tio mopoluasi manusia taa u lopatolo monto duduu-sawaalo limongolio, Tio mamo tihuloa̒ tobele biluloa̒ lo pamalenta to sologa pee̒-pee̒enta wolo Allahu Taa̒ala, Tamongawasa ulaba-labaalo malaio̒.

IBRANI 1:6

Bo tosaaa̒ti Allahu Taa̒ala lolao mai Wala-I̒o tamohuhula daa̒ ode dunia botie, Allahu Taa̒ala lotahuda odie, “Ngoa̒amila malai̒kati wajibu molubo Walao̒ boito.”

WAHI 14:7

Malai̒kati boito helo ngiibode wolo suala daa̒, “Poohelo to Allahu Taa̒ala, wau pujiaalo odudaa̒a-Lio! Sababu mawakutuulio Allahu Taa̒ala momutoa̒i manusia. Tubowaalo Tio talopowali hulungo, dunia, deheto wau ngoa̒amila butu lotaluhu!”

WAHI 4:11

“Oo Eeya, oo Allahu Taa̒ala lomongo watotia! Eeyaalo wambao̒ tapaatuti mololimo poloi̒laalo momuji, hulumati wau kawasa. Sababu Eeyaalo talo powali mai totoonulalo u hitua-tuawua, wau to kahandaki lo Eeya olo totoonulalo u hitua-tuawua boito malotoduo mai wau tumutumulo.”