NEHEMIA 9:5 - KITABI HABARI MOPIOHE

⁵ Ibaadati to dulahe boito hetilumula tau-tauwalo Lewi wumbutio mola botie: tei Yesua, Kadmiel, Bani, Hasabneya, Serebya, Hodia, Sebanya wolei Petahya. Timongolio loloi̒ya, “Tihuloolo wau pujialo mola Eeya Allahu Taa̒alanto! Wohia mola poloi̒laalo momuji ode Eeya ohiheo-hiheolo mao̒! Ilopujialo mola tanggulo Eeya tapolupolu lo molamahu, tanggulo upolu-polutuo̒, mongilabotao̒ totoonulalo poloi̒laalo momuji!”

NEHEMIA 9:5 ပူးပေါင်းရင်းမြစ်များ

BOHULO MONGO OLONGIA 8:14

Lapatao̒ lodua̒ mola, ti Olongia Salomo lopalingga mota ode ngoilanggubu ulipu tadonggo hitihula teto, tulusi helo molohone balakati lo Allahu Taa̒ala ode limongolio.

BOHULO MONGO OLONGIA 8:15

Tio loloi̒ya, “Muloololio mai Eeya malodanti ode liyamo watotia Dauda odie, ‘Anggadu Wau̒ lodelo umati-U̒ yilumualao̒ lonto Masiri diaaluo penu boli tuwau mao̒ kota u tilulaotu-U̒ lowali tambati tou̒toonu u musi pomongulalo bele duo̒lo tambati poi̒baadatiala ola-U̒. Bo yio̒, Dauda, tilulaotu-U̒ u mopoa̒hu mao̒ umati-U̒.’ Ilopujialo mola Eeya Allahu Taa̒ala lo Isirai̒lu tamalo eelai danti-Lio boito!”

BOHULO MONGO OLONGIA 8:22

Lapatao̒ uito, totalu ulipu tawoluo, tei Salomo tilimihula lotitalu ode mesba tulusi lomintaa̒a mola uluu̒lio duuduluo

BOHULO MONGO OLONGIA 8:27

Bo, Yaa Allahu Taa̒ala, ambunguolo tingga otutu Eeya ohilaa motibiluloa̒ todunia botie? Penu boli hulungo ngoilanggubulo mao̒ diila tuheeto tanggalio ode Eeya, tidiyolo mao̒ bele poi̒baadatiala u bilongu lowatotia botie!

BOHULO TAWARI 16:36

Pujiaalo mola Eeya, Allahu Taa̒ala lo Isirai̒lu, botia wau ohiheo-hiheolo mao̒! Lapatao̒ ngoilanggubu umati lo Isirai̒lu loloi̒ya “Amin”, tulusi timongolio helomuji mola Eeya.

BOHULO TAWARI 29:11

Eeya otutu udaa̒, wau okawasa. Eeya molamahu, laito otilapulo wau udaa̒. Totoonulalo u hitua-tuawua tohulungo wau todunia yito miliki lo Eeya. Eeya olongia daa̒, takawa-kawaasa to ngoa̒amilalo mao̒.

BOHULO TAWARI 29:13

Botia, yaa Allahu Taa̒ala lo mongowatotia, mongowatotia molapalao̒ oduo̒lo ode Eeya, wau mongowatotia momuji mola tanggulo Eeya u udaa̒.

BOHULO TAWARI 29:20

Lapatio mao̒ lodua̒ mola odito, tei Dauda loloi̒ya mao̒ totaa dadaata tahi ambua teto, “Pujialo mola Eeya Allahu Taa̒ala limongoli!” Yi ngoa̒amila tau boito hipomuji-mujia mola Eeya Allahu Taa̒ala tahe tuboo loluuhuru limongolio. Lapatao̒ timongolio losujudu lomola u lohurumati Eeya wau olongia.

OLUO TAWARI 20:13

Tou̒ boito ngoa̒amila mongo lolai̒ lo Yehuda pee̒-pee̒enta wolo dile wau mongo walai̒ mongolio donggo hitihula to Bele lo Eeya.

OLUO TAWARI 20:19

Lapatao̒ tau-tauwalo Lewi lonto Kaumu Kehat wau Korah tilimihula mola, wau helo tingalaa̒ lomuji Eeya, Allahu Taa̒ala lo Isirai̒lu.

ESRA 3:11

Ulipu hipomuji-mujia mola to Eeya, sambela hiponguli-ngulia mola tayadio u pulitio, odie mola tingohio, “Eeya boito mopiohu; ponu-Lio ode Isirai̒lu kakaali diilo opulitio.” Ngoilanggubu u lipu lodudua̒ lotingalaa̒a mola leengahe wau helomuji Eeya, sababu pundasi Bele lo Eeya mapilayango.

NEHEMIA 9:4

Teto woluo mimbari ode tau-tauwalo Lewi wau toitaatio tihutihulo tei Yesua, Bani, Kadmiel, Sebanya, Buni, Serebya, Bani wolei Kenani. Wolo suala daa̒ timongolio helodua̒ mola ode Allahu Taa̒ala limongolio.

NEHEMIA 9:6

Lapatao̒ ulipu lo Isirai̒lu helodua̒ mola odie, “Eeyaalo Eeya, Eeyaalo Taa Tuwa-tuwaulo: Pilopowali lo Eeya poliyama wau ngoilanggubu baangio daa̒, wau olo deheto wau huta boli totoonulalo tuangio, lapatao̒ longohi tutumulo wau tilaala mai lo Eeya. Ode Eeya totoonulalo kawasa to hulungo molubo wau mosujudu; timongolio taa̒aluku to Eeya wau hipohudua mola batanga.

AYUBA 1:21

wau loloi̒ya, “Wau̒ tilantu mai lo Eeya lou̒ diila owolo-wolo, wau wau̒ maamate mola olo lou̒ diila owolo-wolo. Eeya malongohi wau Eeya olo malohama. Ilopujialo mola tanggu-Lio!”

JABURU 106:2

Tatoonu tamoo̒ pololadu olootolo boli obobuheli daa̒ lo Eeya, wau mongohi poloilaalo momuji u paatuti to Eeya?

JABURU 134:1

Lahu jiara. Dulo, pujiaalo mola Eeya, wuu ngoa̒amila wato lo Eeya, ngoa̒amila tahemo taa̒aluku wau mohurumati to Bele lo Eeya tou̒ hui.

JABURU 145:2

Timii̒du dulahu watotia ohilaa mosukuru mola to Eeya, wau mopolamahu to Eeya ohiheo-hiheolo mao̒.

JABURU 145:5

Timongolio mamopo habari odudaa̒ wau ololamahu lo Eeya, huhutu lo Eeya u moo̒linggolabu watotia mamo tipoo̒yo momikiilangi mola.

JABURU 146:2

Watia ohilaa momuji mola Eeya ngotupa lo tutumulo watia wau mopolahu mola duo̒lo Allahu Taa̒alau̒ ngotilonggadu waatia woluo.

JABURU 16:2

Watotia moloi̒ya mai, “Eeyaalo Eeya lowatotia, osanangi tutu lo watotia, diaaluo tamo ngilabota to Eeya!”

JABURU 66:2

Polahuwalo wau pou̒daa̒alo mola tanggulo Eeya, polamahelo mola Eeya wolo puji poloi̒laalo momuji.

JABURU 99:3

Huiaalo mao̒ timongolio momuji tanggulo Eeya taluuhuru molamahu. Mantalilo mola Eeya!

PILOTIMUA̒TA 15:11

Allahu Taa̒ala toonu tamowali mongilabotao̒ ole-Mu, yaa Eeya Taa Laba-labaalo molamahu wau mantali? Tatoonu tamowali mohutu u momoo̒-linggolabeyalo wau huhutu leidaa̒ debo odelo Eeya?

PILOTIMUA̒TA 15:6

Olootolu-Mu malo moo̒linggolabe, yaa Eeya, pilohutu-Mu mao̒ musu lopulito loa̒antulu.

DANIALI 2:20

ualio mao̒, “Allahu Taa̒ala boito molinepo wau tamolotolo boli buheli daa̒, ilopujiaalo mola Allahu Taa̒ala ohiheo-hiheolo mao̒!

MATIUSI 11:25

Tou̒ boito ti Isa lodua̒, “Paapa, Eeya tamotolo kawasa hulungo wau dunia! Watia mosukuru mola odeli Paapa sababu u ngoa̒amilalo boito hehuliyo li Paapa lonto tahi tootawa wau tao̒ ilimi bo pilopo bilohei li Paapa to tau-tauwalo ode tadiila hio̒o sikolawa.

2 KORINTUS 4:6

Allahu Taa̒ala talo tahuda, “Mamusi monto delomo dio̒lomo mobutu mai tilango,” Allahu Taa̒ala boitolo olo tamo pobutu mai tilango boito todelomo hilaanto, alihu pikiilanginto, mowali mobaangai u momaahamu otinelo mobaango tutu lo Allahu Taa̒ala u tinetinelo tobaya li Almasi.

TINGULI 28:58

Wonu timongoli diila tatapu wau molotolo hilao modungohe ngoa̒amila butoo̒ lo Eeya Allahu Taa̒ala limongoli utula-tuladee todelomo buku botie wau diila mohulumati to Eeya Allahu Taa̒ala limongoli tau̒daa̒ wau moo̒linggolabu,

1 PETRUS 1:3

Duloolo ito mosukuru mola ode Allahu Taa̒ala, ti Paapa Eeyanto Isa Almasi! Malo odito ponu-Lio olanto, uito sababuulio Tio longohi mai olanto tutumulo bohu, lou̒ luli lopotumulai li Isa Almasi lonto opopate. Utie mongohi mai olanto halapani u motoheeto.

MONGO HAKIMU 13:18

Malai̒kati lo Eeya boito malohintu, “Wolo sababuulio yio̒ ohilaa motota mao̒ tangguluu̒? Tangguluu̒ boito tanggulo u moo̒linggolabu.”