NEHEMIA 9:38 - KITABI HABARI MOPIOHE

³⁸ Dadaasari to tilolahepaalo uilowali mai boito, ami ulipu lo Isirai̒lu helohutu daantia udiila mowali etuwolo wau leituladu, wolo yilohia capu lomongo tau̒wa lami, tau-tauwalo Lewi wau ngotaalio li iimamu lami.

NEHEMIA 9:38 ပူးပေါင်းရင်းမြစ်များ

OLUO TAWARI 23:16

Ti Iimamu Yoyada helo heinga oli Olongia Yoas wau ulipu pee̒-pee̒enta wolio helohutu daantia deu̒ timongolio mamowali umati lo Eeya.

OLUO TAWARI 29:10

Botia wau̒ ohilaa mohutu daantia wolo Eeya, Allahu Taa̒ala lo Isirai̒lu, alihu Eeya diilalo momuluka mai olanto.

ESRA 10:3

Duloolo ito motadia mola ode Allahu Taa̒ala, deu̒ ito mamopolahi mao̒ ngoa̒amila mongobua boito pee̒-pee̒enta wolo mongo walai̒ mongolio. Amiaatia mamodudua̒ totoonulalo potuwaanto wau potua lotau-tauwalo wewo tamomasisi palenta lo Allahu Taa̒ala.

NEHEMIA 10:1

Tabohulo helo podutu mao̒ pali lo uluu̒lio yito ti Gubolonulu Nehemia walae̒e Hakhalya. Lapatao̒ lodudua̒ tei Jedekia. Lapatao̒ uito tau-tauwalo wumbutio mola botie helo podutu mao̒ pali lo uluu̒lio olo:

NEHEMIA 10:29

Ami ngoa̒amila mamopotuwau lo batanga wolo mongo tau̒wa lami wau motadia mai u tumumulo modudua̒ butoo̒ Allahu Taa̒ala u mailohi-Lio mai lotimbulude olei Musa. Pohileaala dua̒ Allahu Taa̒ala molaa̒nati olami wonu ami diila moe̒ela daantia botie. Ami motadia mai maa modungohe totoonulalo palenta, butoo̒ wau wuu̒du lo Eeya, Allahu Taa̒ala lami.

YESAYA 44:5

Ngotaalio domi ngotaalio mamomasisi batangalio milikii-U̒, wau monao̒ mai mopanggala wolo wali mai lei Yako. Ngota-ngota moluladeo̒ to uluu̒lio: Miliki lo Eeya, wau molanggula batangalio waito umati lo Allahu Taa̒ala.”

MATIUSI 27:66

Lapatao̒ timongolio malonao̒ mola ode kuubulu, wau loseeheli botu poheu̒to boito wau pilopo tambatilio mao̒ tamodaha totalulio, alihu diaaluo tamomuyu kuubulu boito.