NEHEMIA 9:37 - KITABI HABARI MOPIOHE

³⁷ Totoonulalo kelakela tilapulo huta botie musi wuduolo ode mongo olongia lolipu. Tahi kawaasawa boito hepiluduo̒ lo Eeya ode umati lo Eeya, odelo hukumani todusa lo mongowatotia to Eeya. Timongolio helo malenta tohila-hilaalio tobatanga lo mongowatotia wau bibiahu miliki lo mongowatotia. Sababu uito mongowatotia botia hesilikisa, malo ileepita wau limilimi!”

NEHEMIA 9:37 ပူးပေါင်းရင်းမြစ်များ

ESRA 4:13

Wonu kota boito ohaasili muli bongulolo wau didii-ngingaalo meeselilio lapato potihulolo, yi ulipulio diilalo mohuto momaayari beya, lapatao̒ tilapulo bele biluloa̒ saaha li olongia makuulangi.

ESRA 6:8

Woleeto wau̒ momalentai tomongo wutato u momantu mao̒ olimongolio todelomo kalaja pomongulalo boito wolo dudelo botie: Ngoa̒amila oonggosi pomongulalo musi hamaalo monto tilapulo beya lolipu to polopinsi Eprat Otolopa wau musi pomaayaria mao̒ totau-tauwala boito wau diila helohu-lohudua.

ESRA 7:24

Timongoli diila mowali mohimoa̒ beya monto mongo iimamu, taulo Lewi, tamoolahua, tamodahawa huhebu hulubangi, tamookalajawa, meaalo penu boli tatoonu wambai̒o tao̒ wumbutalio wolo Bele lo Eeya.

NEHEMIA 5:8

wau loloi̒ya mao̒, “Wolo tio̒opatea ito malo tolotao̒ mongo wutatonto taulo Yahudi tabolo pakusa helo potali lo batangaalio to bangusa deli. Bo botia timongoli botie tumbao̒ helo makusa olimongolio lopotali lo batangaalio ode limongoli, lebe-lebe pomao̒ timongoli olo taulo Yahudi!” Mongo tau̒wa boito diila loo̒ tameto penu boli ngotahe mao̒.

HIYONGO MOPOILAALO SUUSA 5:5

Debo odelo binatangi, amiaatia pilakusaalio mokalaja mobuheeto, amiaatia moongolo, bo diila yilohiaalio wakutu mohuheli.

IMAAMATI 26:17

Timongoli mahukuu-maniyo-U̒, tilinggula timongoli olaahe lo mumuu-suwaalo limongoli wau kawasaalio lotau-tauwalo tamolonui̒ mongoli. Timongoli mamowali moohe daa̒ tilinggula tumeteo̒, penu boli diaaluo tamo henelo.

YAHYA 8:33

“Amiaatia botie wali mai lei Abraham,” uali mongolio. “Diipo pee̒etna mao̒ amiaatia lowali wato penu boli lo tatoonu! Wolo makusudu-Mu wolo tahuda, ‘Timongoli malopatolo’?”

TINGULI 28:33

Bangusa deli mamohama mao̒ ngoa̒amila tilapulo huta u motapu mai limongoli wolo tio̒opatea, bo timongoli lohihilao diila moo̒tapu wolo-wolo ngopohia polodeehe mololalaaita wau huhutu udiila omanusia.

TINGULI 28:39

Timongoli mamo pomulo ii̒i-lengiyalo angguru wau molaalao̒, bo diila molipu hungo lo angguru meaalo taluhu lo anggurulio, sababu bungo lo angguru boito mopulito aalo lowulodu.

TINGULI 28:48

Sababu uito timongoli motiwato tomumuu-suuwaalo tailao mai lo Eeya u moluwali olimongoli. Timongoli mapolangolo, mototoa̒ngo wau laalaala boli odiaaluwoa todelomo totoonulalo sua̒li. Eeya mamodeehe olimongoli tunggula timongoli binasa.

TINGULI 28:51

Timongolio mamo poo̒pulitao̒ bibiahu wau tilapulo huta limongoli, wau diila mopo labitao̒ pale tolimongoli, taluhu angguru, winulo jaitun meaalo sapi wau batade himba limongoli tunggula timongoli mate lopolango.