NEHEMIA 9:35 - KITABI HABARI MOPIOHE

³⁵ Yilohi mai lo Eeya tomongo olongia tahe momalenta umati lo Eeya, tou̒ timongolio hibiluloa̒wa tohuta u luasi wau molomiodu wowohi mai lo Eeya. Bo timongolio diila lololaa mao̒ tutumulo u moleeto, diila lohuto lotiwato to Eeya wau loi̒baadati.

NEHEMIA 9:35 ပူးပေါင်းရင်းမြစ်များ

NEHEMIA 9:25

Umati lo Eeya helohama bibii-natangiyaalo potiduo̒laalo, huta u molomiodu wau bele polupolu lo okokaya. Aa̒aliyaalo wau butu lotaluhu hehilama limongolio, ileengi lo angguru, bungo lo ayu jaitun wau huhuu-ngowaalo wewolio. Timongolio hiliingohe sababu helo lamelo lodudua̒ tohila-hilaalio. Totoonulalo wowohi mai lo Eeya u mopiohu hei̒lolamita limongolio.

NEHEMIA 9:34

Loluuhuru lo mongowatotia, olongia, iimamu wau tahimuloa lo ulipu, helo lambanga butoo̒ Eeya wau diila lomandungi. Totoonulalo palenta wau didini uilohi mai lo Eeya, diila piladulilio, diila olo dilungohelio.

YESAYA 63:7

Wau̒ ohilaa mopololadu ponu lo Eeya wau momuji Eeya sababu totoonulalo huhutuu-Lio. Wolo daata-daatalo mao̒ Eeya lobalakati mai umati-Lio, sababu Eeya odehu hilao wau ponu-Lio diila opulitio.

YEREMIA 5:19

Bo wonu timongolio mohintu yilongola Wau̒ helohutu mai ngoa̒amilalo boito toli mongolio, polelea mao̒ wuu Yeremia, deu̒ debo odelo timongolio helo lolaa ola-U̒ tolipu limongolio lohihilao u lotiwato to dedeewaalo bangusa wewo, odito olo timongolio mamowali wato lotau-tauwalo deli tolipu wewo.”

YEHESKIEL 5:6

Bo Yerusalemu malo potouli palentaa-U̒ wau loi̒laalo mai lebe moleeto wolo babaa-ngusawalo wewo, tumbao̒ lebe diila lodungohe wolo lilii-puwaalo to palitio. Yerusalemu helo lambanga ngoa̒amila palentaa-U̒ wau diila lohuto lodungohe butoo̒o-U̒.”

TINGULI 28:47

Timongoli mabilaa-lakatia lo Eeya Allahu Taa̒ala limongoli todelomo totoonulalo sua̒li, bo timongoli diila mohuto motiwato to Olio wolo hilaa u ihilasi wau meenagahu.

TINGULI 28:48

Sababu uito timongoli motiwato tomumuu-suuwaalo tailao mai lo Eeya u moluwali olimongoli. Timongoli mapolangolo, mototoa̒ngo wau laalaala boli odiaaluwoa todelomo totoonulalo sua̒li. Eeya mamodeehe olimongoli tunggula timongoli binasa.

TINGULI 31:21

wau dadaata baala tilahuo̒ ulaba-labaalo mamei dungga mao̒ tolimongolio. Bo lahu botie madebo polahuwola wau pomake odelo ososakusi ode limongolio. Tumbao̒ botia tou̒ timongolio diipo deloo-U̒ mota ode lipu u pilodanti-U̒ mai, otaawa-U̒ dalalo pikiilangi limongolio.”