NEHEMIA 9:34 - KITABI HABARI MOPIOHE

³⁴ Loluuhuru lo mongowatotia, olongia, iimamu wau tahimuloa lo ulipu, helo lambanga butoo̒ Eeya wau diila lomandungi. Totoonulalo palenta wau didini uilohi mai lo Eeya, diila piladulilio, diila olo dilungohelio.

NEHEMIA 9:34 ပူးပေါင်းရင်းမြစ်များ

OLUO MONGO OLONGIA 17:13

Eeya lolao mai mongo utolia wau mongo nabi-Lio ode umati lo Isirai̒lu wau Yehuda u helopo tunggulao̒ poe̒ela botie: “Pohuhelilo mohutu u moleeto wau dungohilo totoonulalo palenta wau butoo̒ uilohi-U̒ mai ode loluuhurumu wau olemu lotimbulude to mongo nabi, mongo wato-U̒ boito.”

OLUO MONGO OLONGIA 17:15

Isirai̒lu wau Yehuda diila lohutu lodungohu papaa-lentawalo Eeya wau diila tatapu wau molotolo hilao to daantia umaa pilohutu-Lio wolo loluuhuru limongolio. Timongolio diila helo mandungi totoonulalo didinii-Lio, bo helo ibaadati ode babaa-laahalaalo udiila ohunalio. Timongolio heloo̒ baaya to babaa-ngusawalo topalito limongolio, eleponu Eeya malodini mai.

OLUO TAWARI 29:6

Loluuhurunto diila tatapu wau molotolo hilao to Eeya Allahu Taa̒alanto wau timongolio helohutu udiila loo̒sanangi hilaa lo Eeya. Timongolio diila lomandungi to Eeya wau diila lomandungi tambati biluloa̒ lo Eeya.

ESRA 9:10

Bo botia, yaa Eeya Allahu Taa̒ala, lapatao̒ totoonulalo uilowali mai boito wolo u mowali loi̒ya lo mongowatotia? Mongowatotia maluli lomalongao̒ totoonulalo palenta lo Eeya,

NEHEMIA 9:30

Taunu domi taunu Eeya sabali hemopo eelai; lotimbulude tomongo nabi, Rohu lo Eeya helo tahuda ode limongolio. Bo umati lo Eeya boito helo mambola bulonga, lapatao̒ heiludu lo Eeya ode babaa-ngusawalo totoonulalo lipu.

NEHEMIA 9:33

Huhutu lo Eeya aadili, hilukumani mai lo Eeya mongowatotia tao̒dusa; Eeya debo molotolo hilao penu boli mongowatotia polupolu lo aibu.

NEHEMIA 9:35

Yilohi mai lo Eeya tomongo olongia tahe momalenta umati lo Eeya, tou̒ timongolio hibiluloa̒wa tohuta u luasi wau molomiodu wowohi mai lo Eeya. Bo timongolio diila lololaa mao̒ tutumulo u moleeto, diila lohuto lotiwato to Eeya wau loi̒baadati.

YEREMIA 29:19

Ngoa̒amila boito motoduo mai toli mongolio, sababu timongolio diila modudua̒ tahuli-U̒ u mololaalaaita pilopo tunggulo-U̒ lotimbulude tomongo nabi mongo wato-U̒. Timongolio diila lohuto lopoo̒tuota tahuli-U̒ boito.

YEREMIA 44:17

Totoonulalo umapilo danti lami, mapohutuo mao̒ lami olo. Ami madebo mopodewo bake ode Olongia taabua lo Sologa, wau moluwatao̒ taluhu angguru odelo dewo ode olio debo odelo u biasaalio hepilohutu lami to kokoo-tawaalo Yehuda wau to dadaa-lalaalo to Yerusalemu lo loluuhuru lami, lomongo olongia wau tahidihuma pantungo lo pamalenta lami boli ami lohihilao. Tou̒ boito ami o ua̒alo tutuuheta, ami maa̒amulu, wau diila ilodungga lou̒ suukali lolo-loolo.

YEREMIA 44:4

Wau̒ diila obunto-buntolio helolao mai ode limongoli mongo wato-U̒ mongo nabi, tahe lodini olimongolio lohutu ololeeto u yilonuu̒u-U̒ boito.

YEHESKIEL 5:6

Bo Yerusalemu malo potouli palentaa-U̒ wau loi̒laalo mai lebe moleeto wolo babaa-ngusawalo wewo, tumbao̒ lebe diila lodungohe wolo lilii-puwaalo to palitio. Yerusalemu helo lambanga ngoa̒amila palentaa-U̒ wau diila lohuto lodungohe butoo̒o-U̒.”

DANIALI 9:6

Mongowatotia diila lodungoheo̒ tomongo nabi mongo wato lo Eeya boito, tamalo bisala mai totanggulo Eeya ode mongo olongia lo mongowatotia, ode mongo tau̒wa, mongo loluuhuru wau ode ngoa̒amila bangusa lo mongowatotia.

TINGULI 31:21

wau dadaata baala tilahuo̒ ulaba-labaalo mamei dungga mao̒ tolimongolio. Bo lahu botie madebo polahuwola wau pomake odelo ososakusi ode limongolio. Tumbao̒ botia tou̒ timongolio diipo deloo-U̒ mota ode lipu u pilodanti-U̒ mai, otaawa-U̒ dalalo pikiilangi limongolio.”