NEHEMIA 9:30 - KITABI HABARI MOPIOHE

³⁰ Taunu domi taunu Eeya sabali hemopo eelai; lotimbulude tomongo nabi, Rohu lo Eeya helo tahuda ode limongolio. Bo umati lo Eeya boito helo mambola bulonga, lapatao̒ heiludu lo Eeya ode babaa-ngusawalo totoonulalo lipu.

NEHEMIA 9:30 ပူးပေါင်းရင်းမြစ်များ

OLUO MONGO OLONGIA 18:11

Lapatao̒ ti olongia Asyur helo mintaa̒a taulo Isirai̒lu odelo tawalo ode Asyur; ngotayadi mongolio pilopo tambatilio tokota Halah, ngotayadu totili lo Dutulaa Habor tomadala Gojan, wau ngotayade poli to kokoo-tawaalo tolipu lo Madai.

OLUO MONGO OLONGIA 21:10

Sababu uito lotimbulude tomongo nabi, mongo wato lo Eeya, Eeya lotahuda mai,

OLUO TAWARI 24:19

Eeya lolao mai tomongo nabi u helodini olimongolio alihu muli motiwato wau to Eeya, bo ulipu diila lohuto lodungohu.

ESRA 9:10

Bo botia, yaa Eeya Allahu Taa̒ala, lapatao̒ totoonulalo uilowali mai boito wolo u mowali loi̒ya lo mongowatotia? Mongowatotia maluli lomalongao̒ totoonulalo palenta lo Eeya,

NEHEMIA 9:20

Wolo kawasa lo Eeya u mopiohu hepilate lo Eeya timongolio. Timongolio lolamelo manna wau longilu taluhu lotuuu̒delo mao̒.

NEHEMIA 9:26

Bo umati lo Eeya helomintaa̒ tingolo wau diila lodungohe to Eeya, helo malonga butoo̒ wau wuu̒du lo Eeya, helomate mongo nabi yila-yilateelo mao̒ tahemo poe̒elao̒ olimongolio, wau talo poa̒hu olimongolio monguli ode Eeya Allahu Taa̒alaalio. Yaa Eeya, tingga maito olo Eeya hehinaa limongolio,

NEHEMIA 9:29

He dilini lo Eeya timongolio alihu pongaajali lo Eeya dungoheelo, bo timongolio he lopotouli butoo̒ Eeya wolo hilaa mangimangi. Lebe-lebe pomao̒, wonu butoo̒ Eeya poponao̒olo, tantuulo mao̒ maa mowali pongakualo tutumulo. Timongolio baaa̒ngiolo wau diila mowali bolio̒lo huhamaalio, diila mohuto modungohu, diila mohuto motaaa̒ti.

JABURU 86:15

Bo Eeya, yaa Eeya, Allahu Taa̒ala tamoomonua, wau tao̒odehu hilao, sabali, lealeaatu loponu wau tatapu molotolo hilao.

JABURU 95:10

Wopato polu lotaunu mola hiheolio Wau̒ molonuo̒ olimongolio; tahudaa-U̒: Otutu, bangusa boito diila tatapu wau molotolo hilao! Timongolio diila lomandungi totoonulalo parentaa-U̒.

YESAYA 28:10

Diila pongalo aakali tio mongaajali olanto hurupu ngohurupu, tahe ngotahe, kalima ngokalima.”

YESAYA 42:24

Tatoonu tamohudu Isirai̒lu u lambatolio? Diila maa Eeya lohihilao? To Eeyaalo ito ilodusa, ito diila tumutumulo lodudua̒ palentaa-Lio, wau diila lodudua̒ pongaajali-Lio.

YESAYA 48:9

Wau̒ longotonga omulukaa-U̒ alihu tanggulu-U̒ pomasaa-huruwolo. Wau̒ mongotongo mai de olemu, alihu yio̒ diila pobinasaalo.

YESAYA 63:10

Bo timongolio lomalakala wau helo posuukali hilaa lo Eeya. Yi Eeya lobale lowali musu limongolio Eeya lohihilao helopaatea loluwali olimongolio.

YEREMIA 25:4

Eeya olo diila ohuheliilio helolao mai ode olemu mongo nabi mongo wato-Lio, bo timongoli diila lohuto lodungohe wau lopoo̒tuota olimongolio.

YEREMIA 44:22

Eeya diilalo loo̒taahangi loo̒onto olimongoli helo podewo bake ode ii̒i-lawaalo wewo. Huhutu limongoli boito moleeto wau hina. Timongoli mai̒lodusa to Eeya wau diila lodungohe ngoa̒amila palentaa-Lio. Sababu uito masaatia botieelo lipumu malo aantulu tilinggula diilalo mowali potibiluloa̒alo, wau tanggulio pilomake odelo laa̒anati. Taa u moo̒onto mao̒ molaasa timihela hapato.”

YEREMIA 44:4

Wau̒ diila obunto-buntolio helolao mai ode limongoli mongo wato-U̒ mongo nabi, tahe lodini olimongolio lohutu ololeeto u yilonuu̒u-U̒ boito.

YEREMIA 44:5

Bo timongoli diila lohuto lodungohu wau diila lohuto lopoo̒tuoto. Timongoli diila lohuto lohuheli lohutu u moleeto, deu̒yito-yito helo podewo bake ode dedeewaalo.

YEREMIA 7:25

Tumulalo mai loluuhurumu yilumualai lonto Masiri demai dulahee botie Wau̒ laito hemolao mai mongo wato-U̒, mongo nabi, ode olemu.

HIYONGO MOPOILAALO SUUSA 2:17

Eeya maloponao̒ lo aanjamu-Lio u muloololio mai u pilatuju wau pilopo eelai lo Eeya ode olanto. Ito ilantulu lo Eeya lou̒ diila odehu hilao, musu piloo̒haama yilohi lo Eeya u loo̒haama. Eeya lohutu olimongolio leengahe moo̒onto odudehunto.

DANIALI 9:6

Mongowatotia diila lodungoheo̒ tomongo nabi mongo wato lo Eeya boito, tamalo bisala mai totanggulo Eeya ode mongo olongia lo mongowatotia, ode mongo tau̒wa, mongo loluuhuru wau ode ngoa̒amila bangusa lo mongowatotia.

JAKARIA 7:12

Timongolio baaa̒ngi lohilaa limongolio tilinggula lowali debo odelo toheeto botu. Wau̒ lomuluka daa̒ sababu timongolio diila lodudua̒ popoo-ngaajali-U̒ u mailohi-U̒ ode limongolio wolo lotimbulude to mongonabi u muloololio mai.

JAKARIA 7:13

Wau̒ diila lolametai dua̒ limongolio, sababu timongolio diila lodungohe tou̒ Wau̒ lotahuda.

YIA̒APO 11:26

Duulota towolota pitu lopulu lota tau̒wa boito, tei Eldad wolei Medad, lotitolaa mao̒ to kema wau diila lonao̒ pee̒-pee̒enta wolo tawewo ode Kema lo Eeya. To kema boito Rohu malolaahei ode yitaati mongolio, wau timongolio duulota olo malo ngibo-ngiibodu debo odelo nabi.

WUNGGULI LOMONGO RASULU 13:18

Tio sabari topii̒li wau huhutu limongolio tohuta datahu u luasi daa̒ wau delita wopato pulu lotaunu mola hiheolio.

WUNGGULI LOMONGO RASULU 28:25

Wolo huhaama u tinggai bubulemenga timongolio lololaa mao̒ tambati boito, lapatao̒ tei Paulus loloi̒ya u odie mola botie olimongolio, “Memangi tiluhata daa̒ wolo upilo tahuda mai lo Rohullah lotimbulude toli Nabi Yesaya odeli nenemoya limongoli!

WUNGGULI LOMONGO RASULU 7:51

Donggo boli baaa̒ngilio lo Mongo wutato wau odito totolio modungohe to Allahu Taa̒ala! Bulongamu bungolo tio̒otutua to tahuda lo Allahu Taa̒ala! Timongoli tutuuwauwa woli nenemoya limongoli; laito hemoluwali Rohullah!

ROMA 2:4

Meaalo timongoli diila botie paduli omuula lo Allahu Taa̒ala wau otanggalo hilaa boli osabali-Lio u odito udaa̒? Tantu otaawa limongoli deu̒ Allahu Taa̒ala mopo bilohei opopiohu hilaa-Lio sababu Tio motohilaa alihu timongoli molilihu monto dusa limongoli.

1 PETRUS 1:11

Timongolio helo ngimato woloolo mola wau omolua sua̒li boito mamotoduo, u milakusudu lo Rohu li Almasi uwoluo todelomo batanga limongolio. Tou̒ boito Rohu-Lio lonubuwati mai ode limongolio pasali totoonulalo polodutolo umusi olaasawa li Almasi wau pasali lo odudaa̒a-Lio umamo hunuhei lapatao̒ uito.

2 PETRUS 1:21

Sababu diila pee̒enta mao̒ tahuli monto Allahu Taa̒ala pilopo habari bo modudua̒ otohilaa lomanusia. Bo Rohullah motolo kawasa totaa umopo tunggulo tahuli monto Allahu Taa̒ala lohihilao.

2 PETRUS 3:9

Eeya diila moboyu mongohi mai wolo u madilanti-Lio eleponu woluo tahemo lantobe odito. Bolii̒o mao̒, Tio sabali to olemu, sababu Tio diila mohuto penu boli ngotaa mao̒ binasa. Tio motohilaa alihu ngoa̒amila tau molilihu monto totoonulalo dusalio.