NEHEMIA 9:28 - KITABI HABARI MOPIOHE

²⁸ Bo tou̒ lipulio luli ilaamani, timongolio luli hua̒a ilodusa. Yi heiludu lo Eeya olo timongolio tomusu tahe lodeehe olimongolio. Bo, tou̒ timongolio iliinsapu helolee̒e tio̒otutua, timongolio helo ngiibode ode Eeya lei̒ poa̒ahu mai. Yi lonto sologa Eeya lodungohei, wau he tilulungia lo Eeya wuwuulia, sababu Eeya molaasa momonu to limongolio wau malo molaasa momonu.

NEHEMIA 9:28 ပူးပေါင်းရင်းမြစ်များ

BOHULO MONGO OLONGIA 8:39

potala Eeya todelomo biluloa̒ lo Eeya tosologa modungohe boli mongambu wau motulungi mai olimongolio. Bo Eeyaalo tamotota tuango hilaa lo manusia. Sababu uito pohutuwalo mai timii̒du tau motuuu̒de wolo huhutuulio,

JABURU 106:42

Lapatao̒ timongolio hedileehe lomusu limongolio, wau pilopo taa̒aluku towalungo kawasa limongolio.

JABURU 136:24

Yilopato lo Eeya ito lonto uluu̒ lomusu; ponu lo Eeya ohiheo-hiheolo mao̒ diila opulitio.

YESAYA 63:15

Yaa Eeya, bilohilo mai monto sologa, monto biluloa̒ lo Eeya u mantali wau molamahu. Tou̒toonu ponu wau olootolo boli obuheli daa̒ lo Eeya? Tou̒toonu watade odehu hilao wau odehu hilao Eeya? Diila mao̒ otonga mai uito monto olamiaatia.

MONGO HAKIMU 2:19

Bo wonu bolo tau̒wa boito mailate, bangusa boito owatade lebe moleetao̒ wolo hilaide tadipo-dipolulio mai. Timongolio hemotiwato to ila-ila wewo wau molubo ila-ila boito. Timongolio hemonguli to obobiasa limongolio u moleeto wau diila mohuto molomelo watade limongolio.

MONGO HAKIMU 3:30

Todulahee boito Moab ilolaahe lo Isirai̒lu, yi oditolio maa ilaamanilo mola lipu boito walu lopulu lotaunu mola hiheolio.

MONGO HAKIMU 4:1

Lapatao̒ tei Ehud yilate mao̒, bangusa lo Isirai̒lu luli ilodusa to Eeya.

MONGO HAKIMU 5:31

Pohileaala dua̒ mumuu-suuwaalo Eeya, yaa Eeya, mate debo odelo tei Sisera, bo ngoa̒amila sahaabati lo Eeya ilotilapulo debo odelo mato lodulahu to dulente! Lapatao̒ uito, mai̒laamani lomola lipu boito wopato pulu lotaunu mola hiheolio.