NEHEMIA 9:27 - KITABI HABARI MOPIOHE

²⁷ yi yiludu mao̒ lo Eeya timongolio ode musulio tawolo diila omanusia helo ngaawasa wau lodeehe olio. Bo todelomo osuusa u helo dutonga, timongolio helo ngiibode ode Eeya lei̒ tulungi mai. Lonto sologa Eeya helo dungohe; wolo polupolu loponu Eeya lolametai. Yilao mai lo Eeya tau̒wa wau tamoohipatea tamolotolo buheli talo pobebasi olimongolio lonto laawani.

NEHEMIA 9:27 ပူးပေါင်းရင်းမြစ်များ

OLUO MONGO OLONGIA 13:5

Eeya longohi mai ode taulo Isirai̒lu tau̒wa ngota tahelo pobebasi olimongolio lonto okokawasa lo Siria tilinggula timongolio luli tilumumula lou̒ aamani debo odelo tou̒ muloololio mai.

OLUO MONGO OLONGIA 14:27

Eeya diila opatuju mongantulu taulo Isirai̒lu u ohiheo-hiheolo mao̒, sababu uito Eeya lotulungi mai olimongolio lotimbulude toli Olongia Yerobeam Oluolio.

OLUO MONGO OLONGIA 17:20

yi Eeya diilalo lotolongaku mao̒ ngoa̒amila umati lo Isirai̒lu. Tio lohukuumani mai wau helohudu olimongolio ode mumuu-suuwaalo limongolio tadiila omanusia. Tio diilalo lopoo̒ tuotai olimongolio, tumbao̒ lopo layeheo̒ olimongolio lonto huta uilohi-Lio mai ode limongolio.

OLUO MONGO OLONGIA 17:39

Podungohulo ola-U̒, Eeya Allahu Taa̒ala limongoli, yi Wau̒ mamo lopatai olimongoli monto mumuu-suuwaalo limongoli.”

OLUO TAWARI 36:17

Eeya helo poo̒liyoo̒ hilaa li olongia Babel alihu moluhu olimongolio. Ti olongia boito hepilate yila-yilateelo mao̒ lo taulo Yehuda tahi humuu dawa, leituwoto timongolio tawoluo to delomo Bele lo Eeya. Tio diila lolaasa tolia̒ngo penu boli ngotaa mao̒, panggola, meaambo humula, talolai̒ meaambo taabua, tamo ngongoto meaambo taseehati. Ngoa̒amilalo timongolio heiludu lo Allahu Taa̒ala odeli olongia lo Babel.

NEHEMIA 9:19

Bo to delita boito timongolio diila tilolaa lo Eeya, sababu Eeya polupolu lo ponu. Wolihi patoo̒ heengo wau tulu diila luli pilahuto Eeya, potuhata to dalaali mongolio tou̒ dulahu wau tou̒ hui.

JABURU 136:24

Yilopato lo Eeya ito lonto uluu̒ lomusu; ponu lo Eeya ohiheo-hiheolo mao̒ diila opulitio.

IMAAMATI 26:17

Timongoli mahukuu-maniyo-U̒, tilinggula timongoli olaahe lo mumuu-suwaalo limongoli wau kawasaalio lotau-tauwalo tamolonui̒ mongoli. Timongoli mamowali moohe daa̒ tilinggula tumeteo̒, penu boli diaaluo tamo henelo.

OBAJA 1:21

Ulipu lo Yerusalemu talaito otilapulo mamoluhu Edom wau mopo taa̒aluku mao̒. Yi Wau̒ Eeya mamo malenta odelo olongia.”

MONGO HAKIMU 2:18

Wonu bolo Eeya mongohi mai tau̒wa ngota ode bangusa lo Isirai̒lu, Eeya laito hemo tulungi mao̒ tau̒wa boito. Wau ngotilonggadu tau̒wa boito donggo tumutumulo, Eeya laito hemo lopata olimongolio monto mumuu-suuwaalo limongolio. Tio momonu olimongolio wonu bolo odungohe-Lio timongolio hiwuwaatia̒ longongoto sababu alinaya wau hedeehelio.