NEHEMIA 9:26 - KITABI HABARI MOPIOHE

²⁶ Bo umati lo Eeya helomintaa̒ tingolo wau diila lodungohe to Eeya, helo malonga butoo̒ wau wuu̒du lo Eeya, helomate mongo nabi yila-yilateelo mao̒ tahemo poe̒elao̒ olimongolio, wau talo poa̒hu olimongolio monguli ode Eeya Allahu Taa̒alaalio. Yaa Eeya, tingga maito olo Eeya hehinaa limongolio,

NEHEMIA 9:26 ပူးပေါင်းရင်းမြစ်များ

BOHULO MONGO OLONGIA 14:9

Bo yio̒ helohutu ololeeto ulebe udaa̒ mao̒ lou̒ pilohutu limongolio lo tahelo malenta tou̒ dipo-dipolulio mai yio̒. Yio̒ lololaa mao̒ ola-U̒ wau helo potoodei mulukaa-U̒ lou̒ helohutu balaahala wau bubuu-iyaalo lonto logamu u hetuboolo.

BOHULO MONGO OLONGIA 18:13

Wolo diipo ilodungohe li Paaa̒ tou̒ tei Ijebel helomate yila-yilateelo mao̒ mongo nabi lo Eeya, watia maloluuo̒ ngohetuto lota lonto olimongolio todelomo gowa – limo lopulu lota todelomo gowa tuwau – wau helongohi mao̒ olimongolio ua̒alo wau u yilumolo?

BOHULO MONGO OLONGIA 18:4

Tou̒ tei Ijebel helomate mongo nabi lo Eeya yila-yilateelo mao̒, tei Obaja botieelo tamalo tulungi ngohetu lota nabi wau heloluuo̒ todelomo gowa – limo lopulu lota todelomo gowa tuwau – wau helongohi mao̒ ua̒alo wau u yilumolo.)

BOHULO MONGO OLONGIA 19:10

Tei Elia lolametao̒, “Yaa Eeya, Allahu Taa̒ala Taa Laba-labaalo kawasa, watotia laito hemo kalaja bo ode Eeya lohihilao. Bo umati lo Isirai̒lu helo lambanga daantia limongolio wolo Eeya. Timongolio malo longgalao̒ memees-bawaalo Eeya wau helomate yila-yilateelo mao̒ mongo nabi lo Eeya. Bo watotia lohihilaolo talei tolaa, wau botia timongolio ohilaa momate olo watotia mate-mateelo mao̒!”

OLUO MONGO OLONGIA 21:10

Sababu uito lotimbulude tomongo nabi, mongo wato lo Eeya, Eeya lotahuda mai,

OLUO MONGO OLONGIA 21:11

“Ti Olongia Manasye moleeta daa̒. Huhutuulio lebe moleeto wolo huhutu taulo Kanaa̒n. Wolo babaa-laahalaalo u hepilo hutulio, tio maloo̒ sababu taulo Yehuda ilodusa.

OLUO TAWARI 36:16

Bo timongolio helo poitoheo̒ mongo utolia lo Allahu Taa̒ala boito, wau hepiloi̒ii̒a limongolio mongo nabi-Lio wau diila helo mandungi tahudaa-Lio. Pulitio mao̒ Eeya malo muluka daa̒ olimongolio tilinggula diduu̒ dalalo olimongolio u moo̒hei monto hukuumani-Lio.

NEHEMIA 9:18

Timongolio helohutu balahala debo odelo sapi. Lapatao̒ timongolio helo loi̒ya, ‘Uti-utieelo Allahu Taa̒alamu, talodelo olimongoli lonto Masiri, lonto polowato.’ Yaa Allahu Taa̒ala, Eeya lohihilao tahilina limongolio!

NEHEMIA 9:29

He dilini lo Eeya timongolio alihu pongaajali lo Eeya dungoheelo, bo timongolio he lopotouli butoo̒ Eeya wolo hilaa mangimangi. Lebe-lebe pomao̒, wonu butoo̒ Eeya poponao̒olo, tantuulo mao̒ maa mowali pongakualo tutumulo. Timongolio baaa̒ngiolo wau diila mowali bolio̒lo huhamaalio, diila mohuto modungohu, diila mohuto motaaa̒ti.

NEHEMIA 9:30

Taunu domi taunu Eeya sabali hemopo eelai; lotimbulude tomongo nabi, Rohu lo Eeya helo tahuda ode limongolio. Bo umati lo Eeya boito helo mambola bulonga, lapatao̒ heiludu lo Eeya ode babaa-ngusawalo totoonulalo lipu.

JABURU 50:17

Sababu yio̒ diila mohuto mololimo dini-U̒, wau mopotouli totoonulalo palentaa-U̒.

YEREMIA 16:11

Polelea mao̒ olimongolio deu̒ Wau̒ lotahuda mai odie, ‘Loluuhurumu malo lolaa ola-U̒ u lolubo wau helotabia to ila-ila wewo. Timongolio helo malonga to ola-U̒ wau diila lohuto lodungohe to ngoa̒amila wuu̒du-U̒.

YEREMIA 2:30

Diila ohuna wambai̒o timongoli hukuu-maniyo-U̒ mai, sababu timongoli diila mohuto diniyola. Debo odelo singa udonggo lilalilau, odieelo mola timongoli helomate yila-yilateelo mao̒ tomongo nabimu.

YEREMIA 2:7

Ode lipu u molomiodu dilepitu-U̒ timongolio u molamitao̒ titii-lapuwaalo wau totoonulalo u mopiohu mola teto. Bo mota teto huta-U̒ pilopo najisi limongolio wau milikii-U̒ pilowali limongolio tuwaulio u moo̒lonuo̒.

YEREMIA 32:23

Bo tou̒ timongolio lonao̒ mai ode lipu botie wau lohama mao̒, timongolio diila lodungohe to ngoa̒amila palenta lo Eeya, wau diila tilumumulo lodudua̒ ngoa̒amila pongaajali lo Eeya. Ngoa̒amila upilo malenta mai lo Eeya ode limongolio diaaluo penu boli tuwau mao̒ u piloponao̒ limongolio. Sababu uito Eeya lopodungga mai totoonulalo baala botie ode yitaati mongolio.

YEREMIA 42:19

Lapatao̒ watia luli loloi̒ya mao̒, “Eeya malo malentai alihu timongoli tadonggo ilolabita to Yehuda diila monao̒ ode Masiri. Sababu uito watia mopoe̒elai olimongoli botia

HIYONGO MOPOILAALO SUUSA 3:42

“Amiaatia odusa wau helo malakala to Eeya, yaa Eeya, wau Eeya diila longohi mai ambungu.

YEHESKIEL 20:21

Bo hilaide lotahi muudawa boito olo helo tibaaa̒ngi to Olau̒. Timongolio lolambanga bubuu-too̒o-U̒ wau lomalonga papaa-lentaa-U̒, u pongakuwalo deu̒ taa u modunguheo̒ debo tumumulo. Timongolio helo pokootolo daa̒ dulahu Saabati. Sababu uito Wau̒ malo podapato ohilaa mopomukaa̒i omulukaa-U̒ uwali-walihuhu tohuta luasi ohungayo boito wau momate olimongolio mate-mateelo mao̒.

MATIUSI 21:35

Bo tahi pokalajawa ilengi boito malo heu̒pai tahi pomayalio lotaa ohuu̒wo lohuta boito; Tangotalio pilatelio, tawewo pilatelio yila-yilateelo mao̒, wau tawewo poli hepilai̒lio wolo botu.

WUNGGULI LOMONGO RASULU 7:52

Wolo woluo nabi tadiila ilalinaya linenemoya limongoli? Timongolio helomate mongo utolia lo Allahu Taa̒ala yila-yilateelo mao̒ u muloololio mai daa̒ malopo malalumu deu̒ Wato lo Allahu Taa̒ala tao̒tutu boito madungga-dungga mai. Wau botia timongoli lohiyanati wau lomate yila-yilateelo mao̒ Wato lo Allahu Taa̒ala boito.

TINGULI 32:14

Sapi wau batade himba limongolio mongohi tilapulo dadaata susu; bibiahi mongolio laba-labaalo omutu, pale wau taluhu angguru limongolio laba-labaalo mopiohu.

TINGULI 32:15

Umati lo Eeya lowali kaya, bo yinao momalakala, timongolio hiliingohe, hibutuhe lou̒ aalo. Lapatao̒ timongolio lololaa mao̒ Allahu Taa̒ala, Talopowali mai olio wau diila mololimo Tamoo-poa̒ahua olio tamolotolo boli buheli.

MONGO HAKIMU 10:6

Umati lo Isirai̒lu luli ilodusa poli to Eeya. Timongolio diila lomandungi Eeya wau diilalo lolubo o-Lio. Timongolio helolubo bubuu-iyaalo Baal wau Asytoret, wau bubuu-iyaalo bangusa lo Siria, Sidon, Moab, Amon wau Filistin.