NEHEMIA 9:25 - KITABI HABARI MOPIOHE

²⁵ Umati lo Eeya helohama bibii-natangiyaalo potiduo̒laalo, huta u molomiodu wau bele polupolu lo okokaya. Aa̒aliyaalo wau butu lotaluhu hehilama limongolio, ileengi lo angguru, bungo lo ayu jaitun wau huhuu-ngowaalo wewolio. Timongolio hiliingohe sababu helo lamelo lodudua̒ tohila-hilaalio. Totoonulalo wowohi mai lo Eeya u mopiohu hei̒lolamita limongolio.

NEHEMIA 9:25 ပူးပေါင်းရင်းမြစ်များ

BOHULO MONGO OLONGIA 14:9

Bo yio̒ helohutu ololeeto ulebe udaa̒ mao̒ lou̒ pilohutu limongolio lo tahelo malenta tou̒ dipo-dipolulio mai yio̒. Yio̒ lololaa mao̒ ola-U̒ wau helo potoodei mulukaa-U̒ lou̒ helohutu balaahala wau bubuu-iyaalo lonto logamu u hetuboolo.

BOHULO MONGO OLONGIA 8:66

Todulahee owalulio tei Salomo helei̒ walinga totau-tauwala boito. Timongolio ngoa̒amilalo helomuji olio tulusi luli lohualingo ode bele limongolio wolo hilaa uwenga-wengahu, sababu ngoa̒amila balakati u mailohi mai lo Eeya ode wato lo Eeya Dauda wau ode bangusa lo Isirai̒lu umati lo Eeya.

NEHEMIA 9:35

Yilohi mai lo Eeya tomongo olongia tahe momalenta umati lo Eeya, tou̒ timongolio hibiluloa̒wa tohuta u luasi wau molomiodu wowohi mai lo Eeya. Bo timongolio diila lololaa mao̒ tutumulo u moleeto, diila lohuto lotiwato to Eeya wau loi̒baadati.

JABURU 105:44

Huta lo babaa-ngusawalo yiludu lo Eeya ode limongolio, hahaala-boluwaalo limongolio pilowali miliki lo umati-Lio,

JABURU 65:11

Eeya helongohi taluhu tobuladu orongga hayahayao̒ lo podei̒o wau pilopobata lo Eeya totoo-pingowalo hutalio. Eeya lopo luluhio̒ wau diila moobuo̒ hutalio wolo didi, wau pilongakua lo Eeya tutuu-mbingio mobutu mola molomiodu.

POHUMAYA 30:9

Sababu, wonubolo wau̒ kaya mola, otanu wau̒ mamoloi̒ya deu̒ wau̒ diila momalalu olemu. Wau wonu wau̒ mosikini, otanu wau̒ mamotao̒ tilinggula mopoo̒leeta tanggulumu.”

YESAYA 6:10

Lapatao̒ malo tahuda Eeya ode laatia, “Popuntuhe mao̒ pikiilangi lotau-tauwala boito, pobungola mao̒ bulongalio, wau popitoa̒ mao̒ matolio, alihu timongolio diila moo̒onto, moo̒dungohu meaambo mongalati, lapatao̒ mohualingai ode ola-U̒ wau mowali moluli.”

YESAYA 63:7

Wau̒ ohilaa mopololadu ponu lo Eeya wau momuji Eeya sababu totoonulalo huhutuu-Lio. Wolo daata-daatalo mao̒ Eeya lobalakati mai umati-Lio, sababu Eeya odehu hilao wau ponu-Lio diila opulitio.

YEREMIA 2:7

Ode lipu u molomiodu dilepitu-U̒ timongolio u molamitao̒ titii-lapuwaalo wau totoonulalo u mopiohu mola teto. Bo mota teto huta-U̒ pilopo najisi limongolio wau milikii-U̒ pilowali limongolio tuwaulio u moo̒lonuo̒.

YEREMIA 31:14

Mongo iimamu mapoluli-U̒ tohilao wolo ua̒alo u dadaata daa̒; wau ngoa̒amila u palaluo lo umati-U̒ mawohi-U̒. Wau̒, Eeya, talo tahuda mai.”

YEREMIA 32:23

Bo tou̒ timongolio lonao̒ mai ode lipu botie wau lohama mao̒, timongolio diila lodungohe to ngoa̒amila palenta lo Eeya, wau diila tilumumulo lodudua̒ ngoa̒amila pongaajali lo Eeya. Ngoa̒amila upilo malenta mai lo Eeya ode limongolio diaaluo penu boli tuwau mao̒ u piloponao̒ limongolio. Sababu uito Eeya lopodungga mai totoonulalo baala botie ode yitaati mongolio.

YEHESKIEL 20:6

Tou̒ boito Wau̒ lotadia mamodelo olimongolio u lumuala monto Masiri motidulunga ode lipu u tilulaotu-U̒ ode limongolio. Lipu boito kaya wau molomiodu, huta u mopiohe daa̒ to ngoilnggubu dunia.

DANIALI 11:24

Wolo dadaata aakali u moleeto tio mamoluhu mamaa-dalawaalo u molomiyodu tou̒ ulipu molaasa aamani mota teto. Tio mamohutu wolo udiipo pee̒enta hepilohutu linenemoyaalio. Lapatao̒ tio mamolaya-layadeo̒ ode tuango lipulio ngoa̒amila balangi yilambato wau okokaya u lotapulio mai todelomo popaatea. Tio mamohutu siaasati u moluhu tataa-mbatiyalo u obintengi, bo wakutuulio mahua̒a mopulito.

HOSEA 13:6

Bo lapatao̒ timongoli yiloluo tolipu u mopiohe, wau timongoli malo butuhu wau lotolu, timongoli lowali sombongi wau tulusi lomalonga ola-U̒.

HOSEA 3:5

Bo mamei dungga wakutuulio bangusa lo Isirai̒lu muli mohualinga ode Eeya Allahu Taa̒ala limongolio, wau odeli olongia limongolio monto wali mai lei Dauda. Lapatao̒ timongolio mamoohe wau mohulumati mola to Eeya, wau mololimo babaa-lakati-Lio.

ROMA 2:4

Meaalo timongoli diila botie paduli omuula lo Allahu Taa̒ala wau otanggalo hilaa boli osabali-Lio u odito udaa̒? Tantu otaawa limongoli deu̒ Allahu Taa̒ala mopo bilohei opopiohu hilaa-Lio sababu Tio motohilaa alihu timongoli molilihu monto dusa limongoli.

TINGULI 3:5

Ngoa̒amila kota boito piloo̒ toheetio wolo didii-ngingaalo meeseli u hilaanggata, huhuu-hebuwaalo hulubangi wau papaa-langiyala lohuhebu u lolau̒beo̒ huhuu-lubangiyalo boito. Ngopohia leeto woluo dadaata kota wewo udiila odingingo meeseli.

TINGULI 32:13

Tio helohutu mai olimongolio u mongawasa to huhuu-ideyaalo; timongolio molamela tilapulo hahaa-laboluwalo wau mongilu hula lotiia̒ udiila taataala monto huludu botu. Timongolio loo̒tapu winulo lonto bungo lo ayu jaitun u lobutu mai lonto huta u obotu.

TINGULI 32:14

Sapi wau batade himba limongolio mongohi tilapulo dadaata susu; bibiahi mongolio laba-labaalo omutu, pale wau taluhu angguru limongolio laba-labaalo mopiohu.

TINGULI 32:15

Umati lo Eeya lowali kaya, bo yinao momalakala, timongolio hiliingohe, hibutuhe lou̒ aalo. Lapatao̒ timongolio lololaa mao̒ Allahu Taa̒ala, Talopowali mai olio wau diila mololimo Tamoo-poa̒ahua olio tamolotolo boli buheli.