NEHEMIA 9:23 - KITABI HABARI MOPIOHE

²³ Pilopowali lo Eeya wali mai limongolio ngodaata lo popoo-liyamaalo to dulente. Yilohi mai lo Eeya huta u piloti biluloa̒ limongolio, huta u mapilodanti mai lo Eeya odeli nenemoyaalio.

NEHEMIA 9:23 ပူးပေါင်းရင်းမြစ်များ

ILOOWALI 12:7

Eeya lopo bilohei batanga odelei Abram wau lotahuda mao̒ olio, “Uti-utieelo lipu u mawohi-U̒ mai ode waliimu mola.” Lapatao̒ tei Abram lopotihula mesba mota teto duo̒lo Eeya tamalo pobilohei batanga to olio.

ILOOWALI 15:18

Tou̒ boitolo Eeya lohutu mai daantia wolei Abram. Tahuda lo Eeya, “Wau̒ modanti mai mamongohi ode waliimu ngoilanggubu huta botie, tumulalo mao̒ monto sipatana lipu lo Masiri demola dutulaa Eperat,

ILOOWALI 15:5

Eeya lodelo olei Abram ode bulemengio tulusi lotahuda mao̒ olio, “Bilohi mola hulungo wau nte leekenia mola popoo-liyamaalo; yio̒ mamowali owali mai daatalio debo odelo popoo-liyamaalo boito.”

ILOOWALI 17:8

Wau̒ mamongohi olemu wau ode waliimu mai, huta botie, u botia bilu-biluloa̒ olemu odelo tau deli. Ngoa̒amila huta lo Kanaa̒n mamowali haku lo walao̒ wau wombumu ohiheo-hiheolo mao̒ wau Wau̒ mamowali Allahu Taa̒ala limongolio.”

ILOOWALI 22:17

Wau̒ mamo balakati mai olemu wolo diila o eenggadelio wau mohutu mai waliimu mola debo odelo daatalio lo poliyama to hulungo wau debo odelo daatalio lo hungayo to biihu deheto. Walao̒ wau wombumu mamoo̒laahe mumuu-suwaalo limongolio.

ILOOWALI 26:3

Wau̒ mamoduo̒lo wau mobalakati mai olemu. Ngoilanggubu lipu botie mawohi-U̒ mai olemu wau ode waliimu. Wau̒ mamoe̒ela mola danti u mailohi-U̒ odelei Abraham tiyamamu.

BOHULO TAWARI 27:23

Ti Olongia Dauda diila helo daputali towolota lotau-tauwalo tao̒ umulu totibawa lou̒ dulo pulu lotaunu, sababuu Eeya malo danti mai mamohutu mao̒ taulo Isirai̒lu debo odelo daantilio lo poliyama tohulungo.

PILOTIMUA̒TA 1:12

Bo lebe hedeehe taulo Masiri, bo lebe he oduhenga mola jumula taulo Isirai̒lu, wau lebe hemoloo̒po timongolio ode ngoilanggubu lipu boito, tilinggula taulo Masiri mailoohe olimongolio.

PILOTIMUA̒TA 1:7

Bo wali mai limongolio, deu̒yito-yito tau-tauwalo Isirai̒lu, lotiwala-walao̒ wau lotiwombu-wombu mola dadaata daa̒, wau jumulaa limongolio heilo duhenga mola wolo lolamemeta daa̒, tilinggula lipu lo Masiri lopolu lomola woli mongolio.

TINGULI 28:62

Eleponu boli jumulaa limongoli madebo odelo daata lo poliyama tohulungo, bo ngoi̒di wamabi̒o towolota limongoli tadonggo hitumula, sababu timongoli diila modungohe to Eeya Allahu Taa̒ala limongoli.